ஆப்கானிஸ்தானில் பயங்கரம் : 19பேர் பலி

ஆப்கானிஸ்தானின் ஹெராத் மாகாணத்தில் உள்ள கராக் மாவட்டத்தில் பாதுகாப்பு படை சோதனை சாவடிகள் மீது தலிபான் பயங்கரவாதிகள் நேற்று திடீரென தாக்குதல் நடத்தினர். பயங்கரவாதிகள் தாக்குதலுக்கு பாதுகாப்பு படையினரும் பதிலடி கொடுத்தனர். இருதரப்புக்கும் இடையே பல மணி நேரம் நீடித்த  துப்பாக்கிச் சண்டையில், பாதுகாப்பு படையினர் 9 பேர், தலிபான் பயங்கரவாதிகள் 10 பேர் என மொத்தம் 19 பேர் உயிரிழந்தனர். தலிபான் தரப்பில் உயிரிழந்தவர்களில் அந்த இயக்கத்தின்  தளபதி முல்லா கவுசூதிங்கும் ஒருவர் என தகவல் வெளியாகியுள்ளது.தொடர்ந்து அப்பகுதியில் பதுங்கியுள்ள தலீபான் பயங்கரவாதிகளைத் தேடும் வேட்டையில் பாதுகாப்பு படையினர் ஈடுபட்டு வருகின்றனர்

 

Related Posts