இந்தியா தனது 2-வது இன்னிங்சை தொடங்கி விளையாடி வருகிறது.

அடிலெய்டில் நடைபெற்று வரும் முதல் டெஸ்ட் கிரிக்கெட் போட்டியில், இந்திய அணி ,ஆஸ்திரேலியாவை 235 ரன்களில் ஆட்டமிழக்க செய்த்தன் மூலம் 15 ரன்கள் முன்னிலைப் பெற்றுள்ளது.

ஆஸ்திரேலியா – இந்தியா இடையிலான முதல் டெஸ்ட் அடிலெய்டில் நடைபெற்று வருகிறது. டாஸ் வென்று முதலில் பேட்டிங் செய்த இந்தியா, புஜாராவின் சதத்தால் 250 ரன்கள் சேர்த்தது. பின்னர் ஆஸ்திரேலியா முதல் இன்னிங்சை தொடங்கியது. ஆட்டத்தின் முதல் ஓவரிலேயே ஆரோன் பிஞ்ச் தனது விக்கெட்டை பறிகொடுத்தார். அதன்பின் வந்த கவாஜா 28 ரன்னிலும், ஷேன் மார்ஷ் 2 ரன்னிலும் ஆட்டமிழந்தனர். மற்றொரு தொடக்க வீரர் ஹாரிஸ் 26 ரன்கள் எடுத்து ஆட்டமிழந்தார். இந்த மூன்று விக்கெட்டுக்களையும் அஸ்வின் கைப்பற்றினார்.5-வது வீரராக களம் இறங்கிய பீட்டர் ஹேண்ட்ஸ்காம்ப் 34 ரன்கள் எடுத்தார்.. கேப்டன் டிம் பெய்ன் 5 ரன்னிலும், பேட் கம்மின்ஸ் 10 ரன்னிலும் ஆட்டமிழந்தனர். ஆனால் டிராவிஸ் ஹெட் சிறப்பாக விளையாடி அரைசதம் அடித்தார். 8-வது விக்கெட்டுக்கு டிராவிஸ் ஹெட் உடன் மிட்செல் ஸ்டார்க் ஜோடி சேர்ந்தார். இந்த ஜோடி 2-ம் நாள் ஆட்டம் முடியும் வரை விக்கெட் இழக்காமல் பார்த்துக் கொண்டனர். ஆஸ்திரேலியா 88 ஓவரில் 7 விக்கெட் இழப்பிற்கு 191 ரன்கள் எடுத்திருந்தது. டிராவிஸ் ஹெட் 61 ரன்னுடனும், ஸ்டார்க் 8 ரன்னுடனும் களத்தில் இருந்தனர். இந்நிலையில் இன்று மூன்றாம் நாள் ஆட்டம் தொடங்கியதும், தொடர்ந்து ஆடிய ஸ்டார்க்15 ரன்களில் விக்கெட்டை இழந்தார். அப்போது சிறிதுநேரம் மழை பெய்ததால் போட்டி பாதிக்கப்பட்டது. மழை விட்டதும் நிதானமாக ஆடிய ஹெட் சதத்தை நெருங்குவார் என எதிர்பார்க்கப்பட்டது. ஆனால், அவர் 72 ரன்கள் சேர்த்த நிலையில், அவரது விக்கெட்டை ஷமி கைப்பற்றினார். அடுத்த பந்தில்  ஹேசில்வுட் ஆட்டமிழக்க, ஆஸ்திரேலிய அணி 235 ரன்களில் ஆட்டமிழந்தது. நாதன் லயன் 24ரன்களுடன் ஆட்டமிழக்காமல் இருந்தார். இந்தியா தரப்பில் அஸ்வின், பும்ரா இருவரும் தலா 3  விக்கெட்டுகள் எடுத்தனர். இஷாந்த் ஷர்மா, ஷமி தலா 2 விக்கெட் கைப்பற்றினர். இதையடுத்துஇந்தியா தனது 2-வது இன்னிங்சை தொடங்கி விளையாடி வருகிறது.  முதல் இன்னிங்சில் இந்தியாவை விட ஆஸ்திரேலியா 15 ரன்கள் பின்தங்கியுள்ளது குறிப்பிடத்ருதக்கது.

Related Posts