குட்கா வழக்கு :அமைச்சர் விஜயபாஸ்கர், டிஜிபி பதவி நீக்கம் செய்ய ஸ்டாலின் வலியுறுத்தல்

 

 

குட்கா வழக்கில் மேல் முறையீடு செய்துள்ள சுகாதாரத்துறை அமைச்சர் மற்றும் டிஜிபி ஆகியோரை உடனடியாக பதவி நீக்கம் செய்ய வேண்டும் என்று திமுக செயல் தலைவர் மு.க.ஸ்டாலின் வலியுறுத்தியுள்ளார்.

இது குறித்து அவர் வெளியிட்டுள்ள அறிக்கையில், குட்கா ஊழல் வழக்கினை சி.பி.ஐ. விசாரணைக்கு மாற்றியதை எதிர்த்து சுகாதார ஆய்வாளர் பதவியில் உள்ள ஊழியர் சிவகுமார் உச்சநீதிமன்றத்தில் மேல்முறையீடு செய்திருப்பது, மிகுந்த ஆச்சரியத்தையும் பலத்த சந்தேகத்தையும், பொதுமக்களிடையே ஏற்படுத்தியிருக்கிறது என்று கூறியுள்ளார். சுகாதார ஆய்வாளராக இருக்கும் சிவகுமாரை சுகாதாரத்துறை அமைச்சரும், டி.ஜி.பி.யும் தங்களது முகமூடியாக”, பினாமிமுறையில் பயன்படுத்துகிறார்கள் என்று குற்றஞ்சாட்டியுள்ள மு.க.ஸ்டாலின், சுகாதாரத்துறை அமைச்சர் மற்றும் டிஜிபி ஆகிய இருவரும் தங்கள் பதவியிலிருந்து விலகிக் கொள்ள வேண்டும் அல்லது முதலமைச்சர் இருவரையும் பதவி நீக்கம் செய்ய வேண்டும் என்று வலியுறுத்தியுள்ளார்.  அதுமட்டுமின்றி, முகுல் ரோத்தகி போன்ற மூத்த வழக்கறிஞரை நியமிக்கும் அளவுக்கு சுகாதாரத்துறை ஆய்வாளர் சிவகுமாருக்கு எங்கிருந்து பணம் வந்தது என்பது பற்றி, லஞ்ச ஊழல் தடுப்புப்பிரிவின் விசாரணைக்கு உத்தரவிட வேண்டும் என்று ஸ்டாலின் கூறியுள்ளார்.

Related Posts