ஜம்மு-காஷ்மீர் எல்லையில் பாகிஸ்தான் ராணுவம் அத்துமீறி தாக்குதல்

ஜம்மு-காஷ்மீர் எல்லையில், பாகிஸ்தான் ராணுவம் அத்துமீறி தாக்குதல் நடத்தியதில், எல்லை பாதுகாப்புப் படை வீரர்கள் 2 பேர் உயிரிழந்தனர்.

ஜம்மு-காஷ்மீர் : ஏப்ரல்-10

ஜம்மு-காஷ்மீர் மாநிலம் ரஜோரி மாவட்டம் சந்தர்பானி செக்டார் பகுதியில் உள்ள எல்லைக்கட்டுப்பாடு கோடு அருகே இன்று அதிகாலை இந்திய நிலைகளை குறிவைத்து பாகிஸ்தான் ராணுவத்தினர் அத்துமீறி தாக்குதல் நடத்தினர். போர் நிறுத்த ஒப்பந்தத்தை மீறி துப்பாக்கி மற்றும் சிறிய ரக மோட்டார் குண்டுகளால் அவர்கள் தாக்கினர். இந்த தாக்குதலில், படுகாயமடைந்த வினோத் சிங், ஜாக்கி சர்மா ஆகிய 2 ராணுவ வீரர்கள் சிகிச்சை பலனின்றி உயிரிழந்தனர். இதனையடுத்து, அங்கு கூடுதல் படைகள் அனுப்பிவைக்கப்பட்டு பாகிஸ்தானுக்கு பதிலடி கொடுக்கப்பட்டு வருவதாக ராணுவத்தினர் தரப்பில் தெரிவிக்கப்பட்டுள்ளது.

Related Posts