தமிழகத்தின் பல்வேறு இடங்களில் பலத்த சூறைக்காற்றுடன் கனமழை

தமிழகத்தின் பல்வேறு டங்களில் பலத்த சூறைக்காற்றுடன் கனமழை பெய்துள்ளது.

ஈரோடு மாவட்டத்தின் பல்வேறு பகுதியில் மாலை நேரத்தில் இரண்டாவது நாளாக கனமழை பெய்துள்ளது. பவானி, பெருந்துறை, கோபி, அந்தியூர் மற்றும் ஈரோட்டை சுற்றியுள்ள பகுதியில் கனமழை பெய்ததால் கோடை வெப்பத்தின் பிடியில் சிக்கி தவித்த மக்கள் சற்று ஆறுதல் அடைந்தனர்.

நாமக்கல் மாவட்டம் குமாரபாளையத்தில் பலத்த காற்றுடன் பெய்த கனமழையால் சாலைகளில் மழைநீர் வெள்ளம் போல் ஓடியது. இதனால் நெடுஞ்சாலைகளில் சென்ற வாகனங்கள் முகப்பு விளக்கை எரிய விட்டு சென்றன. குமாரபாளையம்  அருகே உள்ள குப்பாண்டபாளையம், தட்டாங்குட்டை, எம்.ஜி.ஆர் நகர் மற்றும் காந்திநகர் உள்ளிட்ட பகுதிகளில் கனமழை பெய்தது.

திருவண்ணாமலை மாவட்டம் செங்கத்தில் சூறைக் காற்றுடன் மிதமான மழை பெய்ததால் மக்கள் குளிர்ச்சியான சூழலை அனுபவித்தனர்.

Related Posts