தமிழில் நீட் தேர்வு எழுதுவோருக்கு தமிழகத்திலேயே தேர்வு மையங்கள் ஒதுக்கீடு 

மருத்துவப் படிப்புகளுக்கான நீட் தேர்வு வரும் 5-ஆம் தேதி நடைபெற உள்ளது. இந்நிலையில், அதற்கான ஹால் டிக்கெட்கள் கடந்த 15-ஆம் தேதி தேசிய தேர்வு முகமை இணையதளத்தில் வெளியிடப்பட்டன. இதில், பல மாணவர்களின் தேர்வுக்கூட நுழைவுச் சீட்டுகளில் பிழைகள் இருப்பதாகத் தெரிய வந்துள்ளது. இதுதொடர்பாக பள்ளிகல்வித்துறை வெளியிட்ட செய்திக்குறிப்பில், நீட் தேர்வுக்கான ஹால் டிக்கெட்டில் பிழைகள் இருந்தால் மாணவர்கள் மே 3-ஆம் தேதிக்குள் சரி செய்துகொள்ள வேணடும் என அறிவறுத்தப்பட்டுள்ளது. மேலும், தமிழில் நீட் தேர்வு எழுதுவோருக்கு தமிழகத்திலேயே தேர்வுமையங்கள் ஒதுக்கப்பட்டுள்ளதாகவும், ஆங்கில வழியில் தேர்வு எழுதும் சிலருக்கு மட்டும் மற்ற மாநிலங்களில் தேர்வு மையங்கள் ஒதுக்கீடு செய்யப்பட்டுள்ளதாகவும் பள்ளிக்கல்வித்துறை தெரிவித்துள்ளது.

Related Posts