தருமபுரி மாணவி பாலியல் வன்கொடுமை வழக்கில் விசாரணை அதிகாரி மாற்றம்

தருமபுரி அருகே மாணவி பாலியல் பலாத்காரம் செய்யப்பட்ட வழக்கில் விசாரணை அதிகாரி மாற்றப்பட்டுள்ளார்.

தர்மபுரி மாவட்டம் அரூர் அரூர் அருகே பாலியல் பலாத்காரத்தின்போது படுகாயமடைந்த  பிளஸ்-2 மாணவி சவுமியா, சிகிச்சை பலனின்றி உயிரிழந்தார்.இதுகுறித்து கோட்டப்பட்டி காவல்துறையினர் வழக்குப்பதிவு செய்து விசாரணை நடத்தி வருகின்றனர். மாணவி உயிரிழந்த சம்பவத்தால் ஆத்திரம் அடைந்த பொதுமக்கள் சாலைமறியல் போராட்டத்தில் ஈடுபட்டனர்.  இந்த வழக்கில் குற்றவாளிகளை கைது செய்ய அரூர் துணை காவல் கண்காணிப்பாளர்செல்லப்பாண்டியன் தலைமையில் தனிப்படை அமைக்கப்பட்டது. தனிப்படை போலீசார் விசாரணை நடத்தி அதே ஊரைச்சேர்ந்த சதீஷ், ரமேஷ் ஆகியோரை தேடி வந்தனர்.இந்நிலையில் சேலம் மாவட்டம் ஏற்காட்டில் பதுங்கியிருந்த சதீசை போலீசார் அதிரடியாக கைது செய்தனர். பின்னர் அவரை ரகசிய இடத்துக்கு அழைத்து சென்று விசாரணை நடத்தி வருகின்றனர்.மேலும் ரமேசை போலீசார் வலைவீசி தேடி வருகின்றனர். இதனிடையே, இந்த வழக்கில் விசாரணை அதிகாரி மாற்றம் செய்யப்பட்டுள்ளார்.  கோட்டப்பட்டி ஆய்வாளர் முத்துகிருஷ்ணன் மாற்றப்பட்டு அரூர் மகளிர் காவல்நிலைய ஆய்வாளர் லட்சுமி விசரணை அதிகாரியாக நியமிக்கப்பட்டுள்ளார்

Related Posts