திருவண்ணாமலை சாத்தனூர் அணையை திறக்க முதலமைச்சர் உத்தரவு

திருவண்ணாமலை மாவட்டம் சாத்தனூர் அணையில் இருந்து வரும் 14 ஆம் தேதி முதல் 5 நாட்களுக்கு தண்ணீர் திறக்க முதலமைச்சர் எடப்பாடி பழனிசாமி உத்தரவிட்டுள்ளார்.

சென்னை : மே-10

இதுதொடர்பாக அவர் இன்று வெளியிட்டுள்ள அறிக்கையில், திருவண்ணாமலை மாவட்டம், தண்டாரம்பட்டு அடுத்த சாத்தனூர் அணையிலிருந்து 2018 ஆம் ஆண்டு பாசனத்திற்கு கூடுதலாக தண்ணீர் திறந்துவிட வேளாண் பெருமக்களிடமிருந்து கோரிக்கைகள் வந்துள்ளதாக தெரிவித்துள்ளார்.

அவர்களது வேண்டுகோளினை ஏற்று, சாத்தனூர் அணையிலிருந்து வரும் 14 ஆம் தேதி முதல் 19 ஆம் தேதி வரை சாத்தனூர் அணையின் இடது மற்றும் வலதுபுற கால்வாயில், வினாடிக்கு 350 கனஅடி மற்றும் 220 கனஅடி வீதம் 5 நாட்களுக்கு கூடுதலாக தண்ணீர் திறந்துவிட முதலமைச்சர் ஆணையிட்டுள்ளார்.

இதனால், திருவண்ணாமலை மற்றும் விழுப்புரம் மாவட்டங்களில் உள்ள 45 ஆயிரம் ஏக்கர் நிலங்கள் பாசன வசதி பெறும் என முதலமைச்சர் மகிழ்ச்சியுடன் தெரிவித்துள்ளார்.

மேலும், விவசாயிகள் நீரை சிக்கனமாக பயன்படுத்தி, நீர் மேலாண்மை மேற்கொண்டு உயர் மகசூல் பெற வேண்டும் என முதலமைச்சர் எடப்பாடி பழனிசாமி வேண்டுகோள் விடுத்துள்ளார்.

Related Posts