தூத்துக்குடி துப்பாக்கிச் சூட்டில் காயமடைந்தவர்களுக்கு ஆறுதல் கூறினார் ரஜினி

தூத்துக்குடி துப்பாக்கிச் சூட்டில், காயமடைந்து மருத்துவமனையில் சிகிச்சை பெற்று வருபவர்களை நேரில் சந்தித்து நடிகர் ரஜினிகாந்த் ஆறுதல் கூறினார்.

தூத்துக்குடி : மே-30

தூத்துக்குடி ஸ்டெர்லைட் ஆலைக்கு எதிரான  100-வது நாள் போராட்டத்தில் வன்முறை வெடித்தது. அதில் காவல்துறையினர் துப்பாக்கிச்சூடு நடத்தியதில் 13 பேர் உயிரிழந்தனர். 100-க்கும் மேற்பட்டோர் காயமடைந்தனர். படுகாயம் அடைந்தவர்கள் அரசு மருத்துவமனைகளில் சிகிச்சை பெற்று வருகின்றனர். அவர்களை நடிகர் ரஜினிகாந்த் இன்று சந்தித்து ஆறுதல் தெரிவித்தார். மேலும், காயம் அடைந்தவர்களுக்கு தலா 10 ஆயிரம் ரூபாய் வழங்கி ரஜினிகாந்த், துப்பாக்கிச் சூட்டில் உயிரிழந்தவர்களின் குடும்பங்களுக்கு தலா 2 லட்சம் ரூபாய் நிதியுதவி கொடுத்து, ஆறுதல் தெரிவித்தார்.

Related Posts