பணப்பதுக்கலில் கைது செய்யப்பட்ட சேகர்ரெட்டி மீண்டும் திருப்பதி உறுப்பினராக நியமனம்

சட்டவிரோத பணப்பதுக்கல், பணப்பரிமாற்றம் தொடர்பாக சிபிஐ ரெய்டில் கைது செய்யப்பட்ட சேகர்ரெட்டி மீண்டும் திருப்பதி அறங்காவலர் குழு உறுப்பினராக நியமிக்கப்பட்டுள்ளார்.

மத்திய அரசு பணமதிப்பிழப்பு திட்டத்தை நடைமுறைப்படுத்தியபோது 131 கோடி ரூபாய் மதிப்பிலான பணத்தை சட்டவிரோதமாக பதுக்கி வைத்தது தொடர்பான குற்றச்சாட்டில் சேகர் ரெட்டி கைது செய்யப்பட்டார். அவருக்கு ஓ.பி.எஸ், முன்னாள் தலைமை செயலாளர் ராம மோகன்ராவ் உள்ளிட்டோருடன் நெருங்கிய தொடர்பு இருப்பதாகவும் கூற்பட்டது. இதனையடுத்து தமிழகத்தின் சார்பில் திருப்பதி அறங்காவலர் குழு உறுப்பினராக நியமிக்கப்பட்ட அவர் அதிரடியாக நீக்கப்பட்டார். பின்னர், இது தொடர்பான வழக்கு நீதிமன்றத்தில் 3 ஆண்டுகளாக நடைபெற்றது. அதில் சேகர் ரெட்டியின் சொத்துகள் அனைத்தும் சட்டப்பூர்வமாக சம்பாதித்தது என கணக்கு காட்டப்பட்டதையடுத்து வழக்கில் இருந்து அவர் விடுதலை செய்யப்பட்டார். இந்நிலையில் திருப்பதி அறங்காவலர் குழு உறுப்பினராக சேகர் ரெட்டியை ஆந்திர அரசு மீண்டும் நியமித்துள்ளது. சட்ட விரோத பண பரிமாற்ற வழக்கில் சிபிஐ யால் கைது செய்யப்பட்ட சேகர் ரெட்டிக்கு திருப்பதி தேவஸ்தானத்தில் மீண்டும் பதவி கொடுக்கப்பட்டுள்ளது சர்ச்சையை ஏற்படுத்தி உள்ளது.

Related Posts