பள்ளி கல்வித்துறை சார்பில் நல்லது கெட்டது குறித்து படங்கள் மூலம் மாணவர்களுக்கு விளக்கப்படும் – செங்கோட்டையன்

பள்ளி கல்வித்துறை சார்பில் நல்லது கெட்டது குறித்து படங்கள் மூலம் மாணவர்களுக்கு விளக்கப்படும் என அமைச்சர் செங்கோட்டையன் தெரிவித்துள்ளார்.

                தலைமை செயலகத்தில், செய்தியாளர்களுக்கு பேட்டியளித்த அவர், குழந்தைகள் பராமரிப்பு சட்டத்தின் கீழ் பாதுகாப்பு நடவடிக்கைகள் எடுக்கப்பட்டு வருவதாக தெரிவித்தார். பெண் குழந்தைகளுக்கு பாலியல் தொந்தரவுகள் இருப்பின் 14417 என்ற கட்டணமில்லா தொலைப்பேசி எண்ணில் தொடர்பு கொண்டு புகார் அளிக்கலாம் எனவும், அதன் மீது 24 மணி நேரத்தில் நடவடிக்கை எடுக்கப்படும் எனவும் அவர் கூறினார்..

                சிறப்பு ஆசிரியர்கள் தேர்வில் முறைகேடு நடைபெற்றிருப்பது ஆதாரத்துடன் நிரூபிக்கப்பட்டால் அரசு கடும் நடவடிக்கை எடுக்கும் எனவும், 379 ஆசிரியர்களுக்கு அடுத்த மாதம் நல் ஆசிரியர் விருதுகளை, முதல்வர் எடப்பாடி பழனிச்சாமி வழங்கவுள்ளதாகவும் கூறினார். பள்ளிகளில் கழிப்பறை வசதிகள்  ரோட்டரி கிளப் மூலம்  செய்து கொடுக்க நடவடிக்கை எடுக்கப்பட்டு வருவதாக அமைச்சர் செங்கோட்டையன் தெரிவித்தார்.

Related Posts