புனித நூல்களை அவமதித்தால் ஆயுள் தண்டனை – மாநில அரசு ஒப்புதல்

              பஞ்சாப் மாநிலத்தில் புனித நூல்களை அவமதித்தால் ஆயுள் தண்டனை வழங்கும் சட்ட திருத்தத்துக்கு மாநில அரசு ஒப்புதல் அளித்துள்ளது.

                பஞ்சாப் மாநிலத்தில், புனித நூல்களான பகவத்கீதை, குரான், பைபிள், குரு கிரந்த் சாகிப் ஆகியவற்றை மத உணர்வுகளை காயப்படுத்தும் நோக்கத்துடன் கிழித்தாலோ, சேதப்படுத்தினோலோ அல்லது அவமதிப்பு செய்தாலோ அவர்களுக்கு ஆயுள் தண்டனை விதிக்கும் வகையில் சட்டத் திருத்தம் கொண்டு வரப்பட்டு அது இந்திய தண்டனை சட்டத்தில் 295 ஏஏ பிரிவு என புதிதாக சேர்க்கப்படுகிறது. இந்த சட்ட திருத்தத்துக்கு முதல் அமைச்சர் அம்ரீந்தர் சிங் தலைமையில் நடைபெற்ற அமைச்சரவைக் கூட்டத்தில் ஒப்புதல் அளிக்கப்பட்டது. இது குறித்து மாநில அரசின் செய்தி தொடர்பாளர் ஒருவர் கூறுகையில், பஞ்சாபில் புனித நூல்கள் அவமதிக்கப்படும் சம்பவங்கள் தொடர்ந்து நடைபெறுவதை தடுக்கவும், சமூக நல்லிணக்கத்தை தொடர்ந்து பேணவும் இந்த நடவடிக்கை எடுக்கப்பட்டுள்ளதாக தெரிவித்தார்

Related Posts