மருத்துவ துறையில் பல்வேறு சாதனைகளை தமிழகம் புரிந்து வருகிறது: முதலமைச்சர்

Want create site? Find Free WordPress Themes and plugins.

மருத்துவ துறையில் பல்வேறு சாதனைகளை தமிழகம் புரிந்து வருவதாக முதலமைச்சர் பழனிசாமி தெரிவித்துள்ளார்.

எடப்பாடி அடுத்த கோனேரிப்பட்டியில் 98 லட்சம் ரூபாய் மதிப்பில் கட்டப்பட்ட ஆரம்ப சுகாதார நிலையத்தை முதலமைச்சர் பழனிசாமி திறந்து வைத்தார். இதனைதொடர்ந்து பேசிய அவர், சேலம் மாவட்டத்தில் 11 ஆரம்ப சுகாதார நிலையங்களில் உருவாக்கப்பட்டு, கூடுதல் கட்டிடங்கள் கட்டப்பட்டுள்ளதாக கூறினார். மருத்துவ துறையில் பல்வேறு சாதனைகளை தமிழகம் புரிந்து வருவதாகவும் மருத்துவ துறையில் இந்தியாவிலேயே தமிழகம் சிறந்து விளங்குவதாகவும் அவர் தெரிவித்தார்.

தொடர்ந்து பேசிய முதலமைச்சர் பழனிசாமி,  தமிழகம் முழுவதும் ஆயிரம் கோடி ரூபாய் மதிப்பில் தடுப்பணைகள் கட்ட திட்டம் வகுக்கப்பட்டுள்ளதாக கூறினார். முதற்கட்டமாக 292 கோடி ரூபாயில் 62 தடுப்பணைகள் கட்ட நடவடிக்கைகள் எடுக்கப்பட்டு வருவதாகவும் ஏரிகளுக்கு உபரிநீர் கொண்டுசெல்லப்படுவதால் நிலத்தடி நீர்மட்டம் உயரும் எனவும் அவர் தெரிவித்தார்.

மேட்டூர் அணையின் உபரிநீரை எடுத்து சேலத்தில் உள்ள ஏரிகளில் நிரப்பப்பட்டுள்ளதாக முதலமைச்சர் பழனிசாமி கூறினார். முன்னதாக இன்று காலை சேலம் மாவட்டம் எடப்பாடியில் தேவகிரி அம்மன் பிரசன்ன நஞ்சுண்டேஸ்வரர் கோவில் கும்பாபிஷேக விழாவில்            முதலமைச்சர் எடப்பாடி பழனிசாமி பங்கேற்றார்.

 

 

Did you find apk for android? You can find new Free Android Games and apps.

Related Posts