மீனவர்கள் வேலைநிறுத்தம் நீட்டிப்பு

பல்வேறு கோரிக்கைகளை வலியுறுத்தி, ராமேஸ்வரம் மீனவர்கள் இன்று ஏழாவது நாளாக வேலை நிறுத்தத்தில் ஈடுபட்டுள்ளனர்.
கூடுதல் மானிய விலையில் டீசல் வழங்க வேண்டும், இலங்கையில் உள்ள தமிழக மீனவர்களின் விசைப்படகுகளை உடனே விடுவிக்க வேண்டும், சேதமடைந்த படகுகளுக்கு இழப்பீடு வழங்க வேண்டும் உள்ளிட்ட 5 அம்ச கோரிக்கைகளை வலியுறுத்தி, ராமேஸ்வரம் மீனவர்கள் கடந்த 3-ம் தேதி முதல் காலவரையற்ற வேலை நிறுத்தத்தில் ஈடுபட்டுள்ளனர். இதனால் ராமேஸ்வரம், பாம்பன் மற்றும் மண்டபம் உள்ளிட்ட பகுதிகளில் உள்ள 1500-க்கும் மேற்பட்ட விசைப்படகுகள் துறைமுகத்தில் நிறுத்தி வைக்கப்பட்டுள்ளன.
இதேபோல் நாகையிலும், டீசல் விலை உயர்வைக் கண்டித்து மீனவர்கள் கடலுக்கு செல்லாமல் காலவரையற்ற வேலைநிறுத்தத்தில் ஈடுபட்டுள்ளனர். வேலைநிறுத்தம் இன்று ஏழாவது நாளை எட்டிய நிலையில், விசைப்படகுகள் மற்றும் பைபர் படகுகள் கரையில் நிறுத்தி வைக்கப்பட்டுள்ளன. இதனால் மீன்பிடித் துறைமுகமும், மீன் விற்பனை மார்க்கெட் வெறிச்சோடிக் காணப்படுகிறது.

Related Posts