ராஜஸ்தானை சேர்ந்தவர் வயிற்றிலிருந்து நீக்கப்பட்ட 116 ஆணிகள்

ராஜஸ்தானை சேர்ந்த ஒருவரின் வயிற்றில் இருந்து 116 ஆணிகள் அறுவை சிகிச்சை மூலம் நீக்கப்பட்டுள்ளன.

ராஜஸ்தான் மாநிலம் புண்டி பகுதியை சேர்ந்த போலா சங்கர் என்ற 43 வயதான நபர் கடுமையான வயிற்று வலி காரணமாண அரசு மருத்துவமனையில் அனுமதிக்கப்பட்டார். அவரை பரிசோதனை செய்த மருத்துவர்கள், எக்ஸ்ரே எடுத்து பார்த்த போது அவர் வயிற்றில் 100க்கும் மேல் ஆணிகள் இருந்ததை பார்த்து அதிர்ச்சி அடைந்துள்ளனர். பின்னர் அந்த ஆணிகளை அறுவை சிகிச்சை மூலம் மருத்துவர்கள் நீக்கினர்.

அந்த நபர் உளவியல் ரீதியாக பாதிக்கப்பட்டு இருப்பதாகவும், மேலும் அவர் மெல்லிய கம்பிகளையும் விழுங்கி உள்ளதும் அறுவை சிகிச்சையின் மூலம் தெரிவியவந்ததாகவும் மருத்துவர்கள் தெரிவித்துள்ளனர். ஆனால் அந்த நபரின் வயிற்றில் இருந்த ஆணிகளால் அவரது வயிற்றில் சிராய்ப்பு கூட ஏற்படாதது ஆச்சர்யமளிப்பதாகவும் மருத்துவர்கள் தெரிவித்துள்ளனர்.

Related Posts