ராமசாமி படையாச்சியார் மற்றும் நடிகர் சிவாஜி கணேசனின் பிறந்த நாட்கள் அரசு விழாவாக கொண்டாடப்படும்

சுதந்திரப் போராட்ட வீர்ரும்,முன்னாள் அமைச்சருமான ராமசாமி படையாச்சியார் மற்றும் நடிகர் சிவாஜி கணேசனின் பிறந்த நாட்கள் அரசு விழாவாக கொண்டாடப்படும் என்று முதலமைச்சர் எடப்பாடி பழனிசாமி அறிவித்துள்ளார்.

சென்னை : ஜூன்-29

தமிழக சட்டசபையில் விதி எண் 110-ன் கீழ் முதலமைச்சர் எடப்பாடி பழனிசாமி இன்று சில அறிவிப்புகளை வெளியிட்டார். அதில், சமூக நீதிக்காக பாடுபட்டவரும், சுதந்திரப் போராட்ட வீரருமான ராமசாமி படையாச்சியாரை பெருமைப்படுத்தும் வகையில், அவரது பிறந்த தினமான செப்டம்பர் 16 ஆம் நாள் ஆண்டுதோறும் அரசு விழாவாக கொண்டாடப்படும் என்று தெரிவித்தார்.

இதேபோல், கலைமாமணி, பத்மஸ்ரீ, பத்மபூஷன், செவாலியே, தாதாசாகேப் பால்கே ஆகிய விருதுகளை பெற்று நடிகர் திகலம் என்று மக்களால் போற்றப்பட்ட சிவாஜி கணேசனின் பிறந்த தினமான அக்டோபர் 1ஆம் நாள் ஆண்டுதோறும் அரசு விழாவாக கொண்டாடப்படும் என்றும் முதலமைச்சர் எடப்பாடி பழனிசாமி  கூறினார்.

Related Posts