லஞ்சம் வாங்கியதை ஒப்புக்கொண்டார்: மெங்

      விதி மீறல் புகாரில் கைது செய்யப்பட்டுள்ள இண்ட்டர்போல் தலைவர் மெங், லஞ்சம் வாங்கியதை ஒப்புக்கொண்டதாக சீன அரசு அறிவித்துள்ளது.

                இண்டர்போல் தலைவராக பணியாற்றி வந்த மெங் ஹாங்வெய், அண்மையில் காணாமல் போனதாக அவரது குடும்பத்தினர் காவல்துறையினரிடம் புகார் அளித்திருந்தனர். இதைத்தொடர்ந்து, மெங் மாயமாகவில்லை என்றும், அவர் கைது செய்யப்பட்டு சீன அரசின் கட்டுப்பாட்டில் இருப்பதாகவும் அந்நாட்டு அரசு பகிரங்கமாக அறிவித்தது.

                இந்நிலையில், லஞ்சம் வாங்கியதை மெங் ஒப்புக்கொண்டதாகவும், பொது பாதுகாப்புத்துறை துணை அமைச்சரிடமும் விசாரணை மேற்கொள்ளப்பட்டு வருவதாகவும் சீன அரசு தெரிவித்துள்ளது.

                முன்னதாக, இண்டர்போல் தலைவர் பதவியை மெங் ராஜினாமா செய்ததாக ஃபிரான்ஸை தலைமையகமாகக் கொண்டு செயல்படும் இண்ட்டர்போல் பொதுச்செயலகம் அறிவித்திருந்தது குறிப்பிடத்தக்கது.

 

Related Posts