வரி குறைக்கப்பட்டது வரலாற்று சிறப்புமிக்க நடவடிக்கை

நிறுவனங்களுக்கான வரி குறைக்கப்பட்டது வரலாற்று சிறப்புமிக்க நடவடிக்கை என மத்திய நிதியமைச்சர் நிர்மலா சீதாராமனுக்கு பிரதமர் மோடி பாராட்டுக்களை தெரிவித்துள்ளார்.

இது குறித்து தனது ட்விட்டர் பக்கத்தில் கருத்து தெரிவித்துள்ள அவர், வெளிநாட்டவர்கள் இந்தியாவில் முதலீடு செய்ய வரி குறைப்பு நடவடிக்கை உந்துதலாக அமையும் என்று கூறியுள்ளார் நாட்டின் பொருாளதாரத்தை மீட்டெடுக்க மத்திய அரசு அதிரடியாக வரிச்சலுகைகளை அறிவித்துள்ளது என கூறினார்.  ஒரு நிறுவனத்தின் பங்குகளை வாங்கி விற்கும்போது கிடைக்கும் லாபம் மீதான வரி மீது சர்ஜார்ஜ் ரத்துக்கு நிர்மலா சீதாராமனுக்கு  பாராட்டுக்களை தெரிவித்துள்ளார். இந்தியாவில் தொழில் தொடங்குவதற்கு ஏற்ற நாடு என்ற சூழலை உருவாக்க அரசு எல்லா நடவடிக்கையும் எடுத்து வருவதாகவும், சமுதாயத்தின் அனைத்து தரப்பினருக்கும் வாய்ப்புகளை உருவாக்குவதே தமது அரசின் லட்சியம் என்று பிரதமர் மோடி ட்விட்டரில் கூறியுள்ளார்.

இதனிடையே கருத்து தெரிவித்துள்ள ராகுல்காந்தி , வரிகுறைப்பு உள்பட எதுவுமே இந்திய பொருளாதாரத்தின் மோசமான நிலைமையை மறைக்க முடியாது என்று ட்விட்டரில் பதிவிட்டுள்ளார்.

Related Posts