வாக்கு எண்ணிக்கை முன்னேற்பாடுகள் குறித்த பயிற்சி முகாம்

வாக்குகளை எண்ணுவது தொடர்பான பயிற்சி முகாம் சென்னையில் தொடங்கி நடைபெற்று வருகிறது.

7 கட்ட மக்களவை மற்றும் சட்டப்பேரவைத் தேர்தலின் போது பதிவான வாக்குகள் வரும் 23ஆம் தேதி அன்று எண்ணப்படுகின்றன. ஆனால் இந்த முறை ஒரு சட்டப்பேரவைத் தொகுதியில் 5 வாக்குப் பதிவு எந்திரங்களில் பதிவான வாக்குகளை ஒப்புகைச் சீட்டுகளுடன் ஒப்பிட்டு எண்ண வேண்டும் என உச்சநீதிமன்றம் உத்தரவிட்டுள்ளது.

இதுபோன்று எண்ணுவது புதிய நடைமுறை என்பதால் இதுதொடர்பாக மாநிலங்களின் தலைமைத் தேர்தல் அதிகாரிகள், தேர்தல் அலுவலர்களுக்கு தலைமைத் தேர்தல் ஆணையம் பயிற்சி வழங்க முடிவு செய்துள்ளது. அதன்படி, சென்னை சின்னமலையில் உள்ள தனியார் ஓட்டலில் பயிற்சி தொடங்கியது. இதில் தமிழ்நாடு, கேரளா, குஜராத், புதுச்சேரி மற்றும் லட்சத்தீவுகளின் தேர்தல் அதிகாரிகள் கலந்து கொண்டுள்ளனர்.

தலைமைத் தேர்தல் ஆணையத்தின் துணை ஆணையர்கள் சந்தீப் சக்சேனா, உமேஷ் சின்ஹா, தேர்தல் செலவின இயக்குனர் திலிப் சர்மா ஆகியோர் பங்கேற்று பயிற்சி வழங்கி வருகின்றனர். இதைத் தொடர்ந்து அண்ணா பல்கலைக்கழகத்தில் அமைக்கப்பட்டுள்ள மாதிரி வாக்கு எண்ணும் மையத்தில் செய்முறை பயிற்சி வகுப்பு நடக்க உள்ளது.

Related Posts