பாகிஸ்தான், ஆப்கானிஸ்தானுக்கு வழங்கி வரும் நிதியுதவியில் இருந்து 1. 5 பில்லியன் டாலர் மெக்சிகோ எல்லை சுவர் திட்டத்துக்கு ஒதிக்கியுள்ளது அமெரிக்கா

மெக்சிகோ எல்லை வழியாக அகதிகள் அமெரிக்காவுக்குள் நுழைவதை தடுக்க அமெரிக்கா-மெக்சிகோ எல்லையில் பிரமாண்ட சுவர் எழுப்ப அமெரிக்கா அதிபர்  டிரம்ப் திட்டமிட்டுள்ளார்,. இதற்காக நிதி ஒதுக்கும்படி நாடாளுமன்றத்தில் டிரம்ப் முன்வைத்த கோரிக்கைகள் அனைத்தும் நிராகரிப்பட்டதை தொடர்ந்து, அவசர நிலையை பிரகடனப்படுத்தினார். இதன் மூலம் மெக்சிகோ எல்லையில் சுவர் எழுப்ப தேவையான தொகையைபாதுகாப்பு  நிதியில் இருந்து பெறமுடியும். இந்நிலையில் பயங்கரவாதத்தை ஒழிக்க பாகிஸ்தான் மற்றும் ஆப்கானிஸ்தானுக்கு வழங்கி வரும் நிதியுதவியில் இருந்து  1.புள்ளி 5 பில்லியன் டாலர் தொகையை மெக்சிகோ எல்லை சுவர் திட்டத்துக்கு ஒதுக்க இருப்பதாக பாதுகாப்பு அமைச்சர்பேட்ரிக் சனாஹன் தெரிவித்துள்ளார். இதுகுறித்து பேசிய அவர், பாகிஸ்தான் மற்றும் ஆப்கானிஸ்தானுக்கு நிதியுதவி அளிக்கும் திட்டத்தை எவ்வித பாதிப்பும் இல்லாமல் மாற்றியமைத்து, அதில் இருந்து 1 புள்ளி 5 பில்லியன் டாலரை  மெக்சிகோ எல்லையில் 120 மைல் தூரத்துக்கு சுவர் எழுப்புவதற்காக ஒதுக்கப்பட்டுள்ளதாக தெரிவித்தார். மேலும், இந்த நிதியானது, முந்தைய ஆண்டில் பாகிஸ்தானுக்கு வழங்காமல் நிறுத்திவைத்த நிதி எனவும் அவர் கூறினார்.

Related Posts