தமிழகத்தில் வெயில் 100 டிகிரி பாரன்ஹீட்டை தாண்டியது;வானிலை ஆய்வு மையம் தகவல்


தமிழகத்தில் வடகிழக்கு பருவமழை காலம் கடந்த டிசம்பர் மாதம் முடிவடைந்தது. பருவமழை முடிவடைவதற்குள் பனிக்காலம் தொடங்கியது. கடந்த டிசம்பர் மற்றும் ஜனவரி மாதங்களில் வழக்கத்தைவிட பனிப்பொழிவின் தாக்கம் அதிகமாக இருந்தது. மலைப்பகுதிகளில் உறைபனி வாட்டி வதைத்தது.

தமிழகத்தில் தற்போது வெயில் வாட்டி வதைக்க தொடங்கி இருக்கிறது. கோடைகாலம் தொடங்குவதற்கு முன்பாகவே வெயிலின் கொடுமை அதிகமாக காணப்படுகிறது. இந்நிலையில் வானிலை ஆய்வு மையம் வெளியிட்டுள்ள செய்தியில்,தமிழகத்தில் 9 இடங்களில் நேற்று வெயில் 100 டிகிரி பாரன்ஹீட்டை தாண்டியதாக தெரிவித்துள்ளது. சேலம், கரூர், பரமத்தியில் தலா 104 டிகிரியும் , திருச்சி, தருமபுரியில் தலா 102 டிகிரியும், வேலூர், மதுரை தலா  101 டிகிரியும் , நாமக்கல், பாளையங்கோட்டையில் தலா  100 டிகிரி வெப்பம் பதிவாகி உள்ளதாக சென்னை வானிலை மையம் கூறியுள்ளது.

Related Posts