100 நாள் வேலையுறுதி திட்டத்தின் கூலித்தொகையை உயர்த்த தேர்தல் ஆணையம் அனுமதி வழங்கியுள்ளது


கிராமப்புறங்களில் நடைபெறும் அரசுப் பணிகளில் மகாத்மா காந்தி தேசிய ஊரக வேலையுறுதி திட்டத்தின் கீழ் உள்ளூர் மக்களுக்கு ஆண்டில் குறைந்தபட்சம் 100 நாட்களுக்கு வேலைவாய்ப்புக்கு உறுதியளிக்கும் திட்டம் செயல்படுத்தப்பட்டு வருகிறது. இத்திட்டத்தில் தினக்கூலியாக அளிக்கப்படும் தொகை மாநிலத்துக்கு மாநிலம் வேறுபடுகிறது. ஒரு நாளைக்கான கூலி 168-லிருந்து 274 ரூபாய் வரை முன்னர் உயர்த்தப்பட்டது. கடந்த ஆண்டு நிலவரப்படி தமிழ்நாடு மற்றும் புதுச்சேரியில் நாளொன்றுக்கு 224 ரூபாய் அளிக்கப்படுகிறது. 

மக்களவை தேர்தலுக்கான தேதி அறிவிக்கப்பட்டதால் மத்திய அரசு கூலி உயர்வை அறிவிக்கவில்லை.


100
நாள் வேலையுறுதி திட்டத்தின் தினகூலி தொகையை உயர்த்தி அறிவிக்க தலைமை தேர்தல் ஆணையத்திடம் மத்திய ஊரக வளர்ச்சித்துறை அமைச்சகம் அனுமதி கோரியிருந்தது. இதற்கு தலைமை தேர்தல் ஆணையம் அனுமதி அளித்தது. இதனையடுத்து 100 நாள் வேலையுறுதி திட்டப்பணிகளுக்காக அந்தந்த மாநிலத்தில் அளிக்கப்படும் தினக்கூலியில் 5% வரை உயர்த்தப்படலாம் என எதிர்பார்க்கப்படுகிறது.

Related Posts