Home Articles posted by Madhimugam

பாஜக மூத்த தலைரும் முன்னாள் மத்திய அமைச்சருமான அருண் ஜெட்லி, டெல்லி எய்ம்ஸ் மருத்துவமனையில் சிகிச்சை பெற்று வந்த நிலையில், இன்று காலமானார்.

பாஜக மூத்த தலைவரான அருண் ஜெட்லி, கடந்த மோடி அமைச்சரவையில் நிதி மற்றும் பாதுகாப்பு அமைச்சர் பொறுப்புகளை வகித்தார்.

மாநிலங்களவை உறுப்பினராக இருக்கும் அவர் நடப்பு அரசில் அமைச்சராக பொறுப்பு வகிக்க விருப்பம் இல்லை என்று கூறி கடிதம் அனுப்பியிருந்தார்.

இந்நிலையில் கடந்த 9-ம் தேதி உடல்நலக்குறைவால் டெல்லி எய்ம்ஸ் மருத்துவமனையில் 66 வயதான அருண் ஜெட்லி அனுமதிக்கப்பட்டார். தொடர்ந்து அவரது உடல்நிலை கவலைக்கிடமாக இருப்பதாக கூறப்பட்டது.

பிரதமர் அமைச்சர்கள் பல்வேறு அரசியல் தலைவர்கள் அவரை நேரில் சென்று சந்தித்தனர். இந்த நிலையில், இன்று 12.08 மணிக்கு அவர் சிகிச்சை பலனின்றி உயிரிழந்ததாக எய்ம்ஸ் மருத்துவமனை அறிவித்துள்ளது.

உச்ச நீதிமன்ற மூத்த வழக்கறிஞராகவும் பணியாற்றி வந்த அருண் ஜெட்லி, கட்சி வேறுபாடு இன்றி பல வழக்குகளில் ஆஜராகி வாதாடியுள்ளார்.

ஜி.எஸ்.டி வரியை அமல்படுத்தியது, தற்போதைய மோட்டார் வாகன சட்டம் ஆகியவற்றில் அருண் ஜெட்லியின் பணி இன்றியமையாதது.

பாஜகவின் மற்றொரு மூத்த தலைவரும் முன்னாள் அமைச்சருமான சுஷ்மா ஸ்வராஜ் கடந்த 6-ம் தேதி காலமான நிலையில், அருண் ஜெட்லியின் மரணம் அக்கட்சியினரை சோகத்தில் ஆழ்த்தியுள்ளது.

டெல்லி, மும்பை நகரங்களில் ஜெட் ஏர்வேஸ் நிறுவனர் நரேஷ் கோயலுக்குச் சொந்தமான இடங்களில் அமலாக்கத்துறையினர் அதிரடிச் சோதனையில் ஈடுபட்டனர்

ஜெட் ஏர்வேஸ் நிறுவனம் கடும் நிதி நெருக்கடி காரணமாகக் கடந்த ஏப்ரல் மாதம் தனது செயல்பாட்டை நிறுத்திக் கொண்டது. அந்த நிறுவனத்தைக் கலைக்க நடவடிக்கை எடுக்கப்பட்டு வருகிறது.

நிறுவனத்தின் நிதியை வேறு துறைகளில் முதலீடு செய்ததாகவும், அதில் அந்நியச் செலாவணி விதிமுறைகள், ரிசர்வ் வங்கியின் வழிகாட்டு நெறிமுறைகள் மீறப்பட்டதாகவும் குற்றச்சாட்டு எழுந்துள்ளது.

இது தொடர்பாக அமலாக்கத்துறை வழக்குப் பதிவு செய்துள்ள நிலையில் வியாழனன்று தீவிர மோசடிக் குற்றங்கள் விசாரணைப் பிரிவினர் ஜெட் ஏர்வேஸ் முன்னாள் தலைவர் நரேஷ் கோயலிடம் விசாரணை நடத்தினர்.

இந்நிலையில்  மும்பை, டெல்லி நகரங்களில் நரேஷ் கோயலுக்குச் சொந்தமான பத்துக்கு மேற்பட்ட இடங்களில் அமலாக்கத்துறையினர் அதிரடிச் சோதனையில் ஈடுபட்டனர். மும்பையில் அல்ட்டாமவுன்ட் சாலையில் உள்ள நரேஷ் கோயலின் வீட்டிலும் சோதனை நடைபெற்றது. அந்நியச் செலாவணி விதிமீறல் தொடர்பாக இந்தச் சோதனை நடைபெற்றதாகக் கூறப்படுகிறது.

தமிழக முதலமைச்சர் வெளிநாடு செல்வதன் மூலம் கிடைக்கும் முதலீடு நாட்டுக்கானதா ? என திமுக தலைவர் ஸ்டாலின் கேள்வி எழுப்பியுள்ளார்

சென்னை அண்ணா நகரில் திமுக பிரமுகர் இல்ல திருமண விழாவில் மு.க. ஸ்டாலின் கலந்து கொண்டு மணமக்களை வாழ்த்தினார்.

பின்னர் மேடையில் பேசிய மு.க.ஸ்டாலின், திமுக ஆட்சியில் இருந்தாலும், இல்லை என்றாலும் மக்கள் பணியாற்றுவதில் என்றைக்கும் பின் வாங்கியது இல்லை எனவும், மக்களை மட்டுமின்றி நாட்டையும் பாதுகாக்கும் பணியில் திமுக ஈடுபட்டு வருகிறது எனவும் கூறினார்.

பைட்

தொடர்ந்து பேசிய அவர், முதலமைச்சரின் வெளிநாட்டு சுற்று பயணம் நாட்டிற்கு பயன்படும் வகையில் அமையுமா என கேள்வி எழுப்பினார்.

பைட்

இந்த திருமண நிகழ்ச்சியில், நாடாளுமன்ற உறுப்பினர்கள் தயாநிதி மாறன், கலாநிதி வீராசாமி, உள்ளிட்டோர் கலந்து கொண்டனர்.

அமெரிக்கா, கனடா, இத்தாலி, பிரிட்டன், ஜெர்மனி, ஜப்பான் மற்றும் பிரான்ஸ் நாட்டின் தலைவர்கள் கலந்துகொள்ளும் ஜி7 மாநாடு பிரான்ஸ் நாட்டின் பையாரிட்ஸ் நகரில் இன்று தொடங்குகிறது.

அமெரிக்கா, கனடா, இத்தாலி, பிரிட்டன், ஜெர்மனி, ஜப்பான் மற்றும் பிரான்ஸ் நாட்டின் தலைவர்கள் கலந்துகொள்ளும் ஜி7 மாநாடு பிரான்ஸ் நாட்டின் பையாரிட்ஸ் நகரில் இன்று தொடங்கி வரும் 26ம் தேதி வரை 3 நாட்கள் நடக்கிறது. மேலும், அடுத்த ஆண்டு ஜி7 நாடுகளின் மாநாடு அமெரிக்காவில் நடைபெறவுள்ள நிலையில், இதில் ரஷ்யாவைச் சேர்த்துக் கொள்வது தொடர்பாக அமெரிக்கா, பிரான்ஸ் அதிபர்கள் முடிவெடுப்பார்கள் என்று எதிர்பார்க்கப்படுகிறது. இந்த மாநாட்டில் பிரதமர் நரேந்திர மோடி சிறப்பு விருந்தினராக நாளை மாநாட்டில் கலந்து கொள்கிறார்.

ஜி 7 மாநாட்டில் உலக பொருளாதாரத்தை மேம்படுத்துவதற்கான வழிமுறைகள், அந்நிய வர்த்தக சுதந்திரம்,பாதுகாப்பு போன்றவற்றை பற்றி விவாதிக்கப்பட உள்ளது.

ரயில்வே துறையை தனியார் மயமாக்கும் முயற்சிகள், நாட்டின் பொருளாதாரத்தில் கடுமையான விளைவுகளை ஏற்படுத்தும் என்று வைகோ கூறியுள்ளார். அமைச்சர்கள் அளித்த வாக்குறுதிகளை காப்பாற்றும் வகையில் ரயில்வே துறையை தனியார் மயமாக்கும் நடவடிக்கையை கைவிட வேண்டும் என மத்திய அரசுக்கு, வைகோ வலியுறுத்தியுள்ளார்.

இது தொடர்பாக அவர் வெளியிட்டுள்ள அறிக்கையில், 2014-ம் ஆண்டு பாரதிய ஜனதா அரசு பொறுப்பு ஏற்றது முதல், இரயில்வே துறையைத் தனியார் மயமாக்கத் தொடர்ந்து முயற்சிகளை மேற்கொண்டு வருவதாக குற்றம்சாட்டியுள்ளார்.
பிபேக் தேப்ராய் தலைமையில் அமைக்கப்பட்ட குழு, இரயில்வே துறையை முழுமையாகத் தனியார் துறைக்குத் தாரை வார்த்திடுவதற்கான பரிந்துரைகளை மத்திய அரசிடம் அளித்து இருக்கின்றது என்று குறிப்பிட்டுள்ள வைகோ , இரயில்வே துறை தனியார் மயமாகாது என்று இரயில்வே அமைச்சர்கள் சுரேஷ் பிரபு, பியுஷ் கோயல் கூறி வந்தனர் என்றும் அவர் சுட்டிக்காட்யுள்ளார்.
கடந்த மே மாதம் இரண்டாவது முறையாகப் பொறுப்பு ஏற்ற பின்பு, ‘100 நாள் செயல் திட்டம்’ என்ற பெயரில், இரயில்வே உள்ளிட்ட பல பொதுத்துறை நிறுவனங்களை தனியார் மயமாக்க பாஜக அரசு விரைவான நடவடிக்கைகளை மேற்கொண்டு வருகின்றது என்று அவர் கூறினார்.
நெரிசல் இல்லா வழித் தடங்களிலும், சுற்றுலா தலங்கள் அமைந்துள்ள வழித் தடங்களிலும், தங்க நாற்கரப் பாதை எனப்படும் சென்னை – மும்பை, மும்பை – டெல்லி, டெல்லி – ஹௌரா, ஹௌரா – சென்னை வழித்தடங்களிலும், தனியார் நிறுவனங்கள் தொடரிகளை ஓட்டுவதற்கு உரிமம் அளிக்கின்ற திட்டம் வடிவமைக்கப்பட்டுள்ளது.
ராஜதானி, சதாப்தி உள்ளிட்ட பிரிமியம் கட்டண இரயில்களைத் தனியார் இயக்குவதற்கு ஒப்பந்தப் புள்ளிகள் கோரவும் மத்திய அரசு முடிவு எடுத்துள்ளது. இதற்கு, பிரதமர் அலுவலகம் ஒப்புதல் அளித்துள்ளதாக வைகோ குறிப்பிட்டுள்ளார்.
ஏற்கனவே இரயில்வேத் துறைக்குச் சொந்தமான அச்சகங்கள் மூடப்பட்டு உள்ள நிலையில், பயணச் சீட்டு வழங்குவதையும், இரயில் பெட்டி தயாரிப்பு, இரயில் இயந்திரம் மற்றும் சக்கரங்கள் தயாரிக்கும் ஏழு உற்பத்தி ஆலைகளையும், இரயில்வே துறையின் கட்டுப்பாட்டில் இருக்கும் சொத்துகளையும் தனியார் நிறுவனங்களுக்குத் தாரை வார்க்க இரயில்வே துறை முனைந்துள்ளதாக வைகோ தெரிவித்துள்ளார்.
இந்நிலையில், இரயில்வே துறை கடும் நிதி நெருக்கடியில் சிக்கி இருப்பதாகக் காரணம் கூறி, ஐ.ஆர்.சி.டி.சி.யின் பங்குகளைத் தனியாருக்கு விற்பனை செய்ய நேற்று முன்தினம் மத்திய அரசு முடிவு செய்துள்ளதாக அவர் குறிப்பிட்டுள்ளார்.
இரயில்வே துறையைப் புதுப்பிக்க, 2030 ஆம் ஆண்டுக்குள் சுமார் 50 இலட்சம் கோடி முதலீடு தேவைப்படுகின்றது. ஆனால் ஆண்டுக்கு ஒன்று புள்ளி ஆறு இலட்சம் கோடி மூலதனம் இடும் சக்தி மட்டுமே இரயில்வே துறையிடம் இருப்பதால், தனியார் மூலதனம் தேவை என்று பா.ஜ.க. அரசு தனியார் மயத்தை நியாயப்படுத்துகின்றது என்று வைகோ குற்றம்சாட்டியுள்ளார்.
நடப்பு நிதி ஆண்டிற்கhன நிதிநிலை அறிக்கையில், மத்திய நிதித்துறை அமைச்சர் நிர்மலா சீதாராமன், இரயில்வே துறையைப் புதுப்பிக்கத் தேவையான நிதி, பொதுத்துறை-தனியார் கூட்டின் மூலம் திரட்டப்படும் என்று தெரிவித்து இருந்தார்.
இந்தியாவின் மிகப்பெரிய பொதுத்துறை நிறுவனமான இரயில்வே துறையை தனியார் மயமாக்கும் முயற்சிகள், நாட்டின் பொருளாதாரத்தில் கடுமையான விளைவுகளை ஏற்படுத்தும் என்று வைகோ எச்சரிக்கை விடுத்துள்ளார்.
இதனால், பயணிகள் கட்டணம் உயர்த்தப்படும்; ஏழை எளிய மக்களுக்கு இரயில் பயணம் என்பது எட்டா கனியாக ஆகிவிடும் என்று தெரிவித்த வைகோ சரக்குக் கட்டணங்கள் கடுமையாக உயரும், என்றும், அதனால், விலைவாசி உயரும், இலட்சக்கணக்கான தொழிலாளர்களின் வேலைவாய்ப்புக்கு அச்சுறுத்தலாக அமையும் எனறு தெரிவித்துள்ளார்.
எனவே, முன்பு அமைச்சர்கள் அளித்த வாக்குறுதிகளைக் காப்பாற்றும் வகையில், இரயில்வே துறையைத் தனியார் மயமாக்கும் நடவடிக்கைகளை கைவிட வேண்டும் என்று மத்திய அரசை வலியுறுத்துவதாக மதிமுக பொதுச்செயலாயர் வைகோ கூறியுள்ளார்.

ஆளுநரின் எச்சரிக்கையையும் மீறி காங்கிரஸ் எம்.பி ராகுல் காந்தி,  எதிர்க்கட்சித் தலைவர்களுடன் டெல்லி விமான நிலையத்தில் இருந்து காஷ்மீர் புறப்பட்டு சென்றார்.

ஜம்மு-காஷ்மீர் மாநிலத்திற்கான சிறப்பு அந்தஸ்தை, அண்மையில் ரத்து செய்த மத்திய அரசு, அதனை 2 யூனியன்  பிரதேசங்களாக பிரித்தது. இதற்கு எதிர்ப்பு தெரிவித்து, காஷ்மீரில் பல்வேறு போராட்டங்கள் நடைபெற்று வருகின்றன. மத்திய அரசின் நடவடிக்கையை காங்கிரஸ் எம்.பி. ராகுல்காந்தி கடுமையாக விமர்சனம் செய்தார்.

இதனையடுத்து, அவரை காஷ்மீருக்கு நேரில் வந்து பார்வையிடுமாறு  அம்மாநில ஆளுநர் சத்யபால் மாலிக் அழைப்பு விடுத்தார். இதனையேற்று, இன்று காஷ்மீர் செல்வதாக ராகுல்காந்தி அறிவித்திருந்தார். இதற்கிடையே, ராகுல்காந்தி உள்ளிட்டோர் காஷ்மீர் வரக்கூடாது என ஆளுநர் சத்யபால் மாலிக் எச்சரித்துள்ளார்.

ஜம்மு-காஷ்மீரில் தற்போது தான் அமைதி திரும்பி வருவதாகவும், ராகுல்காந்தி வந்தால், இயல்பு வாழ்க்கை மீண்டும் பாதிக்கப்படும் என சத்யபால் மாலிக் குறிப்பிட்டுள்ளார். எனினும், காஷ்மீர் ஆளுநரின் எச்சரிக்கையையும் பொருட்படுத்தாமல் ராகுல் காந்தி சென்றார்.

அவருடன் காங்கிரஸ் தலைவர்கள் குலாம் நபி ஆசாத், ஆனந்த் சர்மா, திமுக எம்.பி. திருச்சி சிவா, இந்திய கம்யூனிஸ்ட் பொதுச்செயலாளர் டி.ராஜா மற்றும் மார்க்சிஸ்ட் பொதுச்செயலாளர் சீதாராம் யெச்சூரி உள்பட எதிர்க்கட்சி தலைவர்கள் அடங்கிய குழு டெல்லி விமான நிலையத்தில் இருந்து காஷ்மீர் மாநில தலைநகர் ஸ்ரீநகருக்கு புறப்பட்டு சென்றனர்.

மும்பையில் 4 மாடி கட்டடம் இடிந்து விழுந்த விபத்தில் ஒருவர் உயிரிழந்த நிலையில், இடிபாடுகளில் சிக்கியுள்ளவர்களை மீட்கும் பணி தொடர்ந்து நடைபெற்று வருகிறது

மும்பையில் உள்ள பிவாண்டி சாந்தி நகர் பகுதியில் நள்ளிரவில் பயங்கர சத்தத்துடன் 4 மாடி கட்டடம் ஒன்று இடிந்து விழுந்தது. இதனை அறிந்த அக்கம்பக்கத்தினர் தீயணைப்புத்துறையினருக்கு தகவல் கொடுத்ததை அடுத்து தீயணைப்பு துறையினர் மற்றும் தேசிய பாதுகாப்பு மீட்பு படையினர் சம்பவ இடத்திற்கு விரைந்தனர்.

மேலும் நள்ளிரவு நேரம் என்பதால் இடிபாடுகளில் சிக்கியுள்ளவர்களை மீட்பதில் மீட்பு படையினருக்கு சிரமம் ஏற்பட்டது. இருப்பினும் இடிபாடுகளில் சிக்கியவர்களில் ஒருவர் உயிரிழந்த நிலையில், 4 பேர் காயத்துடன் மீட்கப்பட்டனர். மேலும் இடிபாடுகளில் சிக்கியவர்களை மீட்கும் பணிகள் தொடர்ந்து நடைபெற்று வருகிறது.

மகாராஷ்டிரா மாநிலத்தில் பழங்குடியின பெண்கள் முதன்முறையாக பேருந்து ஓட்டுநர் பணிக்கு தேர்வு செய்யப்பட்டுள்ளனர்.

பைலட் திட்டத்தின் மூலம் தேர்வு செய்யப்பட்டுள்ள 163 பழங்குடியின பெண்களுக்கு முதலில் கனரக வாகனங்களை ஓட்டுவதற்கான பயிற்சி அளிக்கப்பட்டு பின்னர் அரசு போக்குவரத்தில் ஓட்டுநர்களாக பணியமர்த்தப்படுவார்கள்.

இந்த புது முயற்சியை புனேவில் முன்னாள் குடியரசுத் தலைவர் பிரதீபா பட்டேல் தொடங்கி வைத்தார். அப்போது பேசிய அவர், நீண்ட தொலை தூரம்  பெண் ஓட்டுநர்களை அனுப்பக்கூடாது என்றும் வெளியில் தங்க வேண்டிய சூழல் ஏற்பட்டால் பெண் ஓட்டுநர்களுக்கு பாதுகாப்பான இடம் வழங்க வேண்டும் என்றும் மாநில அரசுக்கு பிரதீபா பட்டேல் வலியுறுத்தினார்.

புதுச்சேரி சட்டமன்ற பட்ஜெட் கூட்டத்தொடர் வரும் 26 ஆம் தேதி துணைநிலை ஆளுநர் கிரண்பேடி உரையுடன் தொடங்கும் என சட்டப் பேரவை செயலர் வின்சென்ட்ராயர் தெரிவித்துள்ளார்.

புதுச்சேரி சட்டமன்ற பட்ஜெட் கூட்டத்தொடர் தேதி அறிவிக்கப்பட்டுள்ள நிலையில் சபாநாயகர் சிவக்கொழுந்து மீது எதிர்க்கட்சி தலைவர் ரங்கசாமி நம்பிக்கையில்லா தீர்மானம் கொண்டுவர வலியுறுத்தி கடிதம் கொடுத்துள்ளார்.

இந்த விவகாரம் தொடர்பாகவும் , பல்வேறு பிரச்சனைகளை பற்றி பேரவையில் கேள்வி எழுப்பி என்.ஆர். காங்கிரஸ், அதிமுக , பாஜக  திட்டமிட்டுள்ளனர்.

 

தமிழகம் முழுவதும் வருவாய் உதவியாளர் உத்தேச காலிப்பணியிடங்களை நிரப்புமாறு, தமிழ்நாடு அரசு பணியாளர் தேர்வாணையத்துக்கு தமிழக அரசு உத்தரவிட்டுள்ளது.

தமிழகத்தில் காலியாக உள்ள வருவாய் உதவியாளர் பணியிடங்கள் குறித்த விவரங்கள் அரசு சார்பில் தொகுக்கப்பட்டுள்ளன. அதன்படி நேரடி நியமனம் மூலம் நிரப்பக்கூடிய இடங்களில் 91 பணியிடங்கள் காலியாக உள்ளன. அவற்றில் அதிகபட்சமாக சென்னையில் 31 இடங்களும், அடுத்தபடியாக வேலூரில் 25 இடங்களும், திருவண்ணாமலையில் 18 இடங்களும் காலியாக உள்ளன.

இந்த பணியிடங்களை நிரப்புவதற்கான ஆட்கள் தேர்வு குறித்த, அறிவிப்பை வெளியிட தமிழ்நாடு அரசு பணியாளர் தேர்வாணையத்துக்கு அறிவுறுத்தப்பட்டுள்ளது.

அதே போல் பதவி உயர்வின் மூலம் நிரப்பக்கூடிய இடங்களில், ஆயிரத்து 384 வருவாய் உதவியாளர் பணியிடங்கள் நடப்பாண்டில் காலியாக இருப்பதாக உத்தேசிக்கப்பட்டுள்ளது. அந்த வகையில் அதிகபட்சமாக காஞ்சிபுரம் மாவட்டத்தில் 167 இடங்களும், அதற்கடுத்தபடியாக சென்னையில் 109 இடங்களும் காலியாக இருப்பதாக தெரிவிக்கப்பட்டுள்ளது. இந்த இடங்களை நிரப்புவதற்கும் நடவடிக்கை எடுக்க மாவட்ட ஆட்சியர்களுக்கு உத்தரவிடப்பட்டுள்ளது.