Home Archive by category அரசியல்

அரசியல்

மதுரை விமான நிலையத்தில் செய்தியாளர்களிடம் பேசிய அவர்,

மத்திய நிதியமைச்சர் நாடாளுமன்றத்தில் பட்ஜெட் உரையின்போது, புறநானுற்றுப் பாடலை மேற்கோள் காட்டியது உலகத்திற்கு தமிழையும் தமிழர்களையும் அடையாளப்படுத்தி பெருமைப்படுத்திய நிகழ்ச்சி என கூறினார். ராஜீவ் காந்தி கொலை வழக்கு கைதி நளினிக்கு சட்டத்துக்குட்பட்டு மனித நேயத்தோடு பரோல் வழங்கப்பட்டுள்ளதாகவும் கூட்டணி குறித்த கற்பனையான, தேவையில்லாத கேள்விகளுக்கு பதில் சொல்லாமல் இருப்பதே புத்திசாலித்தனம் என்றும் அமைச்சர்  ஆர்.பி.உதயகுமார் தெரிவித்தார்.

 என்று  தெரிவித்துள்ளார்.

ஆதிதிராவிட மக்களுக்காக குரல் கொடுத்த இரட்டைமலை சீனிவாசனின் 160 ஆவது பிறந்த நாளையொட்டி,  சென்னை கிண்டியில் அவரது நினைவாக கட்டப்பட்டுள்ள மண்டபத்தில்நிறுவப்பட்டுள்ள சிலைக்கு  அமைச்சர்கள் ஜெயக்குமார், சரோஜா, பெஞ்சமின் ஆகியோர் மாலை அணிவித்து மரியாதை செலுத்தினார். பின்னர், செய்தியாளர்களுக்கு பேட்டியளித்த  அமைச்சர் ஜெயக்குமார், “கட்சியின் கீழ்மட்ட தொண்டர்களுக்கும் மதிப்பளிப்பது அதிமுக மட்டுமே என்றும் கொடி கட்டிய தொண்டனும், இன்று கொடி கட்டிய காரில் பறப்பது அதிமுகவில்தான் என்றும் தெரிவித்தார்.

தமிழக அரசின் அனுமதியின்றி ஹைட்ரோகார்பன் திட்டத்தை தமிழகத்தில் செயல்படுத்த முடியாது என்று தெரிவித்த அமைச்சர்,   சமூக செயற்பாட்டாளர் முகிலன் காணாமல் போன விவகாரத்தில் சிபிசிஐடி போலீசார் திறம்பட செயல்பட்டு அவரை மீட்டுள்ளதாகவும்,  தொடர்ந்து விசாரணை நடைபெற்று வருவதாகவும் கூறினார். மேலும்,நீட் மசோதாக்கள் நிராகரிக்கப்பட்டது குறித்து எழுப்பப்பட்ட கேள்விக்கு பதில் அளித்த அமைச்சர் ஜெயக்குமார், “தன்னை ஏன் இப்படி வறுத்தெடுக்கிறீர்கள்  என்று  சலித்துக் கொண்டார். மேலும்  நீட் மசோதாக்கள் நிராகரிக்கப்பட்டது குறித்து தற்போது கருத்து கூற முடியாது” என்று  அமைச்சர் ஜெயக்குமார் பதில் அளித்துள்ளார்.

159 கோடி ரூபாய் மதிப்பில் 500 புதிய பேருந்துகளின் சேவையை முதல்வர் பழனிசாமி கடந்த 4-ம் தேதி கொடியசைத்து  தொடங்கி வைத்தார். பின்னர் இந்த பேருந்துகள் அனைத்தும் விரைவுப்போக்குவரத்துக்கழகம், மாநகரப்போக்குவரத்து கழகம் உள்ளிட்ட பல்வேறு கோட்டங்களுக்கு பிரித்து அனுப்பப்பட்டன. இந்நிலையில் தமிழக அரசு தற்போது அறிமுகப்படுத்தியுள்ள புதிய பேருந்துகளினுள் அவசர வழி என்று தமிழில் எழுதுவதற்கு பதில் அந்த வார்த்தை ஆங்கிலம் மற்றும் இந்தியில் இடம் பெற்று இருப்பது காண்போரை அதிர்ச்சியடைய வைத்துள்ளது. அதே போல தீயணைப்பான் உள்ளிட்ட அவசர குறிப்புகள் பலவும் தமிழில் எழுதப்படுவதற்கு பதில், ஆங்கிலம் மற்றும் இந்தியில் எழுதப்பட்டுள்ளது. இது, தமிழக மக்களிடையே கடும் கொந்தளிப்பை ஏற்படுத்தியுள்ளது. இதனிடையே தமிழக அரசின் இந்த செயலுக்கு, திமுக மக்களவை உறுப்பினர் கனிமொழி கடும் கண்டனம் தெரிவித்துள்ளார். இது தொடர்பாக தனது கருத்தை  சுட்டுரைப் பக்கத்தில் புகைப்படத்துடன் பதிவிட்டுள்ள அவர், தமிழக மக்களின் வரி பணத்தில் புதிதாக வாங்கியிருக்கும் பேருந்துகளில் தமிழுக்கு இடமில்லை என்பது கண்டிக்கத்தக்கது என்றும் மத்திய அரசின் இந்தி திணிப்பு ஒருபுறம் என்றால், அவர்களுக்கு தாங்களும் சளைத்தவர்கள் அல்ல என  அதிமுக அரசு இந்தியை திணிப்பதாகவும் சாடியுள்ளார்.

தமிழக மக்களின் வரிப்பணத்தில் வாங்கப்படும் மாநில பேருந்துகளில் கூட இந்தி ஆக்கிரமிப்பு செய்து இருப்பது தமிழர்கள் மத்தியில் கடும் கோபத்தை ஏற்படுத்தியுள்ளதாக கனிமொழி தெரிவித்துள்ளார்.

இது தொடர்பாக மாநிலங்களவையில் பேசிய அவர், தமிழகத்தில் 23 இடங்களில் ஹைட்ரோ கார்பன் கிணறுகள் அமைப்பதில் மத்திய அரசு உறுதியாக இருப்பதாகவும், . 2 ஆயிரம் அடியில் துளையிட்டு ஹைட்ரோ கார்பன் எடுப்பதால் சுற்றுச்சூழலுக்கும் மட்டுமல்ல, மனித உயிருக்கும் கேடு விளைவிக்கும் என்றும் கூறினார். தமிழகத்தில் மழை இல்லாததால் கடும் வறட்சி நிலவுகிறது என்றும்  காவிரியில் தண்ணீர் இல்லாததால்  நிலத்தடி நீர் வற்றிவிட்ட நிலையில்  வறண்ட நிலத்தில் ஹைட்ரோ கார்பன் எடுத்தால் நிலைமை இன்னும் மோசமாகும் என்று  அவர் தெரிவித்தார். மேலும் நாடு எண்ணெய் உற்பத்தியில் தன்னிறைவு பெற வேண்டும் என்பதற்காக உயிர்நாடியான விவசாயத்தை அழிக்க வேண்டாம் என அவர்  வேண்டுகோள் விடுத்தார்.

. மேலும் ஹைட்ரோ கார்பன் திட்டத்தை பாலைவனம் போன்ற இடங்களில் செயல்படுத்துங்கள் என திருச்சி சிவா வலியுறுத்தினார்.

இதனிடையே காவேரி படுக்கையில் செயல்படுத்த உள்ள ஹைட்ரோ கார்பன் திட்டத்தை நிறுத்தக்கோரி திமுக நாடாளுமன்ற குழுத் தலைவர் டி.ஆர்.பாலு மக்களவையில் ஒத்திவைப்பு தீர்மான நோட்டிஸ் அளித்துள்ளார்.

மாநிலங்களவைத் தேர்தலில் திமுக சார்பில் தொ.மு.ச பொதுச் செயலளார் மு.சண்முகம்,  வழக்கறிஞர் பி.வில்சன் ஆகியோர் போட்டியிடுவதாக அதிகாரப்பூர்வமாக  அறிவிக்கப்பட்டுள்ளது.

தற்போதைய மாநிலங்களவை உறுப்பினர்கள், அதிமுகவைச்  கே.ஆர்.அர்ஜுனன், வி.மைத்ரேயன், ஆர்.லட்சுமணன், டி.ரத்தினவேல்,இந்தியக் கம்யூனிஸ்ட் கட்சியைச் சேர்ந்த , டி. ராஜா, ஆகிய 5பேரின் பதவிக் காலம் ஜூலை 24-ஆம் தேதியுடன் நிறைவடைகிறது. மேலும், திமுக உறுப்பினரான கனிமொழியின் மாநிலங்களவை உறுப்பினர் பதவிக் காலமும் முடிவடையும் சூழலில் அவர் மக்களவைத் தேர்தலில் வெற்றி பெற்றதால் தனது பதவியை ராஜிநாமா செய்தார்.இதனால், தமிழகத்தில் ஆறு மாநிலங்களவை உறுப்பினர் இடங்கள் காலியாக உள்ளன. இந்தக் காலியிடங்களை நிரப்புவதற்கான தேர்தல் அறிவிப்பு கடந்த 26-ஆம் தேதி வெளியிடப்பட்டது. இதன்படி வேட்புமனு தாக்கல் இன்று தொடங்கி வரும் 8- ந் தேதி நிறைவடைகிறது. வேட்புமனுக்கள் மீதான பரிசீலனை 9-ஆம் தேதி நடைபெறுகிறது. மனுக்களைத் திரும்பப் பெற 11-ஆம் தேதி கடைசி நாளாகும். வாக்குப் பதிவு தேவைப்படும் பட்சத்தில் 18-ஆம் தேதி நடைபெறும் என இந்திய தேர்தல் ஆணையம்  அறிவித்துள்ளது. சட்டமன்ற உறுப்பினர்களின் எண்ணிக்கை அடிப்படையில் அதிமுகவுக்கு 3 இடங்கள், திமுகவுக்கு 3 இடங்கள் என சரிசமாக கிடைக்கும். அந்த வகையில், திமுக சார்பில் தொ.மு.ச பொதுச் செயலளார் மு.சண்முகம் மற்றும் வழக்கறிஞர் வில்சன் ஆகியோர் போட்டியிடுவதாக  இன்று அதிகாரப்பூர்வமாக அறிவிக்கப்பட்டுள்ளது. கடந்த மக்களவை தேர்தலின் போது ஏற்படுத்திக் கொண்ட ஒப்பந்தப்படி மீதியுள்ள  ஒரு இடம் மதிமுகவுக்கு ஒதுக்கீடு செய்யப்பட்டுள்ளது. மதிமுக சார்பில் வைகோ போட்டியிடுவார் என்று எதிர்பார்க்கப்படுகிறது.

டெல்லியில் இருந்து சென்னை திரும்பிய அவர் விமான நிலையத்தில் செய்தியாளர்களுக்கு பேட்டி அளித்தார். அப்போது,

அகில இந்திய தலைவராக ராகுல் காந்தி நீடிக்க வேண்டும் என்று அவரிடம்  கோரிக்கை வைத்துள்ளதாக தெரிவித்தார்.

  தமிழகத்தில் நிலவிவரும் தண்ணீர் பிரச்னையை முடிவுக்கு கொண்டுவர மத்திய,  மாநில அரசுகள் இணைந்து நடவடிக்கை எடுக்க வேண்டும் என்றும் இதனை பேரிடராக கருதி மத்திய அரசு நிவாரண நிதி ஒதுக்க  வேண்டும் என்றும் அவர் வலியுறுத்தினார்.

நாடாளுமன்றத்தில் பேசிய தேனி உறுப்பினர் ரவீந்திரநாத், தமிழகத்தில் தண்ணீர் பிரச்சினை இல்லை என்று கூறியது ஏற்றுக்கொள்ள முடியாது என்றும்  சில நாட்களுக்கு முன்பு டெல்லி சென்ற  ஓ. பன்னீர்செல்வம் மத்திய அரசிடம் தண்ணீர் பிரச்சனைக்காக நிதி கேட்டது ஏன் என்றும் அவர்  கேள்வி எழுப்பினர்.

தங்க தமிழ்ச்செல்வன் திமுகவில் இணைந்த்து குறித்து  கருத்துக் கூற இயலாது என்றும்  அது அவரவரின் விருப்பம்எனவும் அவர் குறிப்பிட்டார்.

பெரிய கட்சிகளில் இடைநீக்கம் செய்வதும்,  பின்னர்  சேர்ப்பதும் இயல்பு என்றும்  கூறிய திருநாவுக்கரசர்,  காங்கிரசில் இருந்து இடைநீக்கம் செய்யப்பட்ட கராத்தே தியாகராஜன் குறித்து  கருத்து கூற எதுவும் இல்லை என்று  கூறினார்.

இது தொடர்பாக அவர் இன்று வெளியிட்டுள்ள அறிக்கையில்,

இந்தியா முழுவதையும் ஒரே குடையின் கீழ் கொண்டுவந்து, அனைத்து மாநிலங்கள் மீதும் ஆதிக்கம் செலுத்துவதை ஆர்.எஸ்.எஸ்., சங் பரிவார், சனாதன சக்திகள் தங்கள் கொள்கையாக கொண்டிருப்பதாகவும், . இதனால்தான் ஒரே நாடு; ஒரே மதம்; ஒரே மொழி; ஒரே பண்பாடு என்பதை நடைமுறைப்படுத்திட பா.ஜ.க. ஆட்சி கடந்த 5 ஆண்டுகளாக முனைந்து செயல்பட்டதாகவும் தெரிவித்துள்ளார்.

 தற்போது இரண்டாவது முறை ஆட்சிப் பொறுப்பை ஏற்ற பின்னர் நரேந்திர மோடி தலைமையிலான பா.ஜ.க. அரசு முன்பைவிட மூர்க்கத்தனமான வேகத்தில் இயங்கத் தொடங்கி இருப்பதாகவும்,

ஒரே தேர்தல்; ஒரே தேசிய கல்விக் கொள்கை; ஒரே சுகாதாரக் கொள்கை; ஒரே நுழைவுத் தேர்வு; ஒரே வரி என்பதில் தொடங்கி, தற்போது நாடு முழுவதும் ஒரே குடும்ப அட்டை எனும் திட்டத்திற்கு அகரம் எழுதி உள்ளனர் எனவும் அவர் சாடியுள்ளார்.

டெல்லியில் மத்திய உணவு அமைச்சர் ராம்விலாஸ்பஸ்வான் தலைமையில் நடந்த மாநில உணவுத்துறைச் செயலாளர்கள் கூட்டத்தில், பொது விநியோகத் திட்டத்தை ஒருங்கிணைத்து, இந்தியா முழுவதும் ஒரே குடும்ப அட்டை முறைக் கொண்டுவரப்படும் என்று மத்திய அரசு தெரிவித்து இருப்பதை அவர் குறிப்பிட்டுள்ளார்

உணவு தானியப் பொருட்களை அரசு வாங்குவது முதல் மக்களுக்கு விநியோகம் செய்வது வரை அனைத்தையும் தகவல் தொழில்நுட்ப கட்டமைப்புக்குள் வைக்க வேண்டிய அவசியம் ஏற்பட்டுள்ளதாகவும்,  பொது விநியோகத் திட்டத்தைச் சிறப்பாகச் செயல்படுத்த ‘ஒரே நாடு; ஒரே ரேசன்’ திட்டம் கொண்டுவரப்படும் என மத்திய அமைச்சர் ராமவிலாஸ் பஸ்வான்நேற்று மாநிலங்களவையில் பேசியதையும் அவர் சுட்டிக்காட்டியுள்ளார்.

பொதுவிநியோகத் திட்டத்தைச் சிறப்பாக நடைமுறைப்படுத்திவரும் மாநிலங்களில் தமிழ்நாடு முதன்மையான இடத்தைப் பெற்றுள்ளது என்றும் . இதனைச் சீர்குலைக்கவும், வட இந்தியாவிலிருந்து புலம்பெயரும் மக்களை ஊக்குவித்துத் தமிழ்நாடு உள்ளிட்ட பிற தென்னக மாநிலங்களில் வலிந்து குடியேற்றவும், ஏழை – எளிய சாதாரண தொழிலாளர்களுக்கு பொது விநியோக முறையில் எந்த மாநிலத்திலும் உணவுப் பொருட்களை வாங்கிக் கொள்ளலாம் என பா.ஜ.க. அரசு ஒரே நாடு;ஒரே குடும்ப அட்டைத் திட்டத்தை அறிமுகம் செய்வதாகவும் அவர் தெரிவித்துள்ளார்.

பொது விநியோகமுறை என்பது மத்திய மாநில அரசுகளின் பொதுப்பட்டியலின் கீழ் வருவதைப் பயன்படுத்தி, மாநில அரசின் அதிகாரத்தைப் பறித்து ஆதிக்கம் செலுத்த முயற்சிப்பது கடும் கண்டனத்திற்கு உரியது என அவர் கூறியுள்ளார்.

குடும்ப அட்டைதாரர்களுக்கு குறைந்த விலையில் உணவுப் பொருட்களை வழங்குவதும், அதனைக் கண்காணிப்பதும்,முறைகேடுகள் இருந்தால் அவற்றைக் களைந்து, செம்மையாக செயல்படுத்துவதும் மாநில அரசுகளின் முழு முதற் கடமைஎனவும்,  இது முழுக்க முழுக்க மாநிலங்களின் நேரடியான கட்டுப்பாட்டில் இருக்க வேண்டுமே தவிர, மத்திய அரசு மூக்கை நுழைப்பது வேண்டாத வேலை என்றும் அவர் தெரிவித்துள்ளார்.

இது மாநிலங்களை நகராட்சிகளைவிடக் கேவலமாக நடத்துவதற்கான சதித் திட்டம் என்று அவர் குற்றம்சாட்டியுள்ளார்.

மத்தியில் அதிகாரக் குவிப்பு என்பதை ஒரு கொள்கையாக வைத்துக்கொண்டு பா.ஜ.க. அரசு ‘நிதி ஆயோக்’ வடிவமைத்துத் தருவதை செயல்படுத்த மோடி அரசு துடிப்பது கூட்டாட்சிக் கோட்பாட்டை சீர்குலைப்பது மட்டுமல்ல, அரசியல் சட்டத்தைக் குழிதோண்டிப் புதைக்கும் முயற்சி என அவர் கண்டனம் தெரிவித்துள்ளார்.

இந்தியா முழுவதும் உள்ள பல்வேறு தேசிய இனங்களின் உணவுப் பழக்க வழக்கங்கள் வெவ்வேறானவை என்றும்  பொது விநியோக முறையை மத்திய அரசின் கட்டுப்பாட்டின் கீழ் கொண்டுவருவதன் மூலம். இந்தியா முழுவதும் உணவுப் பழக்க வழக்கங்களையும் ஒரே முறையில் மாற்ற வேண்டும் என்கிற பா.ஜ.க. அரசின் உள்நோக்கம் நாட்டில் விபரீத விளைவுகளை ஏற்படுத்திவிடும் என்றும் அவர் எச்சரித்துள்ளார்.

எனவே, மத்திய அரசு ‘ஒரே நாடு; ஒரே ரேசன்’ திட்டத்தைக் கைவிட வேண்டும் என்று அவர்  வலியுறுத்தியுள்ளார் .

குடும்ப அட்டைத் திட்டத்தைச் சிறப்பாக செயல்படுத்தி வருகிற தமிழக அரசு, பா.ஜ.க. அரசின் ஒரே குடும்ப அட்டைத் திட்டத்தை ஏற்கக் கூடாது என்றும்  அதை கடுமையாக எதிர்க்க வேண்டும் என்றும் அந்த அறிக்கையில் மதிமுக பொதுச்செயலாளர் வைகோ கேட்டுக் கொண்டுள்ளார்.

 

தேர்தலில் காங்கிரஸ் தனித்து போட்டியிட வேண்டும் என பல தலைவர்கள் பேசியபோதிலும், தனக்கு மட்டும் கட்சியில் நெருக்கடி தரப்படுவதாக  கராத்தே தியாகராஜன் தெரிவித்துள்ளார்.

காங்கிரஸ் கட்சியில் இருந்து இடைநீக்கம் செய்யப்பட்ட கராத்தே தியாகராஜன் சென்னையில் கட்சியின் மூத்த தலைவர் ப.சிதம்பரத்தை இன்று சந்தித்து பேசினார். பின்னர் செய்தியாளர்களுக்குப் பேட்டி அளித்த அவர்,  காங்கிரஸ் கட்சி தலைவர் ராகுல் காந்தியின் அன்பை பெற்றவன் என்றும்,  அவருக்கு எப்போதும் விசுவாசமாக இருப்பேன்  என்றும கூறினார்.எந்த கட்சிக்கும் போகப் போவதில்லை எனவும், தான் மிகவும் மதிக்கும் தலைவரான ப.சிதம்பரத்துக்கு விசுவாசமாக இருப்பேன் என்றும் அவர் தெரிவித்தார். வரும் தேர்தலில் காங்கிரஸ் தனித்து போட்டியிட வேண்டும் என கூட்டத்தில் பல தலைவர்கள் பேசினார்கள் என்றும் . ஆனால், தனக்கு மட்டும் கட்சியில் நெருக்கடி தரப்படுவதாகவும் அவர் குறிப்பிட்டார். இது கட்சியின் தலைவர் ராகுல் காந்திக்கு தெரிந்து எடுக்கப்பட்ட நடவடிக்கையா? அல்லது நேரடியாக வேணுகோபால் எடுத்தாரா? என தெரியவில்லை என்று அவர் கூறினார். காங்கிரஸ் கட்சியின் சொத்தை கொள்ளையடித்த கோபண்ணா, புத்தகம் போட்டு கோடிக்கணக்கில் சம்பாதித்தவர் என்றும்  மூடப்பட்ட பத்திரிகையின் பெயரில் பாஸ் அச்சடித்து விற்பனை செய்தவர்  என்றும் அவர் சரமாரியாக குற்றம்சாட்டினார். தன் மீதான நடவடிக்கைக்கு கோபண்ணாதான் காரணம் என்றும் அவர் மீது நாளைசென்னை காவல்துறை ஆணையர் அலுலவகத்தில் புகார் கொடுக்க போவதாகவும் கராத்தே தியாகராஜன் தெரிவித்தார்.

தமிழக தலைமை செயலாளராக சண்முகம், சட்டம் ஒழுங்கு டிஜிபியாக திரிபாதி ஆகியோர் நியமிக்கப்பட்டுள்ளதாக அதிகாரப்பூர்வமாக அறிவிக்கப்பட்டுள்ளது

தற்போது ,தலைமை செயலாளராக இருக்கும் கிரிஜா வைத்தியநாதன் கடந்த 2016 -ம் ஆண்டு  டிசம்பரில் பொறுப்பேற்றார்;இவர் நாளை ஓய்வு பெறுவதையடுத்து, புதிய தலைமை செயலராக மூத்த ஐ.ஏ.எஸ். அதிகாரி சண்முகம் நியமிக்கப்பட்டு உள்ளார். இவர் தற்போது நிதித் துறை கூடுதல் தலைமை செயலராக உள்ளார். தி.மு.க. ஆட்சியில் இருந்தே சண்முகம் நிதித்துறை செயலர் பொறுப்பை கவனித்து வருகிறார்.தமிழகத்தின் சட்டம் – ஒழுங்கு டி.ஜி.பி.யாக இருக்கும் டி.கே.ராஜேந்திரன் பதவி காலம் 2017ல் முடிவடைந்தது. அவருக்கு தமிழக அரசு இரண்டாண்டு காலம் பதவி நீட்டிப்பு வழங்கியது. இம்மாதம் 30ம் தேதியுடன் அவருடைய பதவி காலம் முடிவடைவதை அடுத்து புதிய டி.ஜி.பி. நியமன பணிகள்தொடங்கின.

பணிமூப்பு அடிப்படையில் ஐ.பி.எஸ். அதிகாரிகள் ஜாங்கிட்,  திரிபாதி, காந்திராஜன், ஜாபர்சேட், ஸ்ரீலட்சுமி பிரசாத், அசுதோஷ் சுக்லா, உள்ளிட்ட 14 பேர் பெயர் பட்டியலை தமிழக அரசு மத்திய பணியாளர் தேர்வாணையத்திற்கு அனுப்பியது. இதில் சிறப்பாக செயல்பட்ட மூன்று ஐ.பி.எஸ். அதிகாரிகளின் பட்டியலை இறுதி செய்து தமிழக அரசுக்கு மத்திய அரசு அனுப்பியது. இந்நிலையில் சட்டம் ஒழுங்கு டி.ஜி.பி.,யாக திரிபாதி நியமிக்கப்பட்டு உள்ளதாக அதிகாரப்பூர்வமாக அறிவிக்கப்பட்டுள்ளது.

வேலூர், திருவண்ணாமலை ஆகிய மாவட்டங்களை சேர்ந்த சிறுபான்மை மக்களின் நலன் மற்றும்  மேம்பாடு குறித்ஆலோசனை கூட்டம் வேலூர்  மாவட்ட ஆட்சியர் அலுவலகத்தில்  நடைபெற்றது. மாவட்ட ஆட்சியர் ராமன் தலைமையில் நடைபெற்ற இந்தக்கூட்டத்தில், தேசிய சிறுபான்மை ஆணையத்தின் துணை தலைவர் ஜார்ஜ் குரியன்கலந்துகொண்டு உரையாற்றினார்.

 மதாசார்பின்மைக்கு பிறநாடுகளுக்கு  எடுத்து கட்டாக இந்தியா திகழ்ந்து வருவதாக தெரிவித்தார் ,  சீனாவில் 10லட்சம் இஸ்லாமியர்கள்  சிறைப்படுத்தப்பட்டுள்ளனர் என்றும்,  மியான்மர் நாட்டில் இஸ்லாமியர்கள்வெளியேற்றப்பட்டு வருவதாகவும் அவர் குறிப்பிட்டார்,  ஆனால் இந்தியாவில் சிறுபான்மை மக்கள் பாதுகாப்புடனும்மத நல்லிணக்கத்துடனும் இருப்பதாகவும்,  அதற்கு நீதித்துறையும் சட்டங்களும்தான்  காரணம் என்றும் அவர் தெரிவித்தார்.

இந்த கூட்டத்தில் முன்னாள் அமைச்சர் முகமது ஜான் மற்றும் சிறுபான்மையின  மக்கள் திரளானோர்கலந்துகொண்டனர்