Home Archive by category உலகம்

உலகம்

ஆப்கானிஸ்தானின் ஹெராத் மாகாணத்தில் உள்ள கராக் மாவட்டத்தில் பாதுகாப்பு படை சோதனை சாவடிகள் மீது தலிபான் பயங்கரவாதிகள் நேற்று திடீரென தாக்குதல் நடத்தினர். பயங்கரவாதிகள் தாக்குதலுக்கு பாதுகாப்பு படையினரும் பதிலடி கொடுத்தனர். இருதரப்புக்கும் இடையே பல மணி நேரம் நீடித்த  துப்பாக்கிச் சண்டையில், பாதுகாப்பு படையினர் 9 பேர், தலிபான் பயங்கரவாதிகள் 10 பேர் என மொத்தம் 19 பேர் உயிரிழந்தனர். தலிபான் தரப்பில் உயிரிழந்தவர்களில் அந்த இயக்கத்தின்  தளபதி முல்லா கவுசூதிங்கும் ஒருவர் என தகவல் வெளியாகியுள்ளது.தொடர்ந்து அப்பகுதியில் பதுங்கியுள்ள தலீபான் பயங்கரவாதிகளைத் தேடும் வேட்டையில் பாதுகாப்பு படையினர் ஈடுபட்டு வருகின்றனர்

 

எகிப்து நாட்டில் ஜனநாயக முறையில் முதல் முறையாக அதிபராக தேர்வு செய்யப்பட்டவர் முகமது மோர்சி. . இவரை அதிபர் பதவியில் இருந்து நீக்க கடந்த 2013-ம் ஆண்டு கடுமையான போராட்டம் நடைபெற்றது. இதையடுத்து, அந்நாட்டு ராணுவம் அவரை வலுக்கட்டாயமாக பதவியில் இருந்து நீக்கியது. மேலும், அதிபர் மாளிகை முன்பு போராட்டம் நடத்தியவர்களை கொன்ற குற்றத்திற்காக, முகமது மோர்சிக்கு 20 ஆண்டுகள் சிறை தண்டனை விதிக்கப்பட்டது. மேலும் பல வழக்குகள்  அவருக்கு எதிராக நிலுவையில் இருந்தன. இதனிடையே வழக்கு விசாரணைக்காக மோர்சி கடந்த திங்கள்கிழமை நீதிமன்றத்தில் ஆஜரானார். அப்போது திடீரென நீதிமன்றத்திலேயே மயங்கி விழுந்தமோர்சியை.மருத்துவமனைக்கு கொண்டு சென்றபோது வழியிலேயே உயிரிழந்தார். அவரது உடலை உடற்கூறு ஆய்வு செய்த மருத்துவர்கள் மாரடைப்பால் உயிரிழப்பு ஏற்பட்டதாக தெரிவித்தனர். ஆனால், முகமது மோர்சி கொலை செய்யப்பட்டதாகஅவரது ஆதரவாளர்கள் குற்றம்சாட்டி வருகின்றனர்.  இந்நிலையில், ஜப்பானில் உள்ள ஒசாகா நகரில் நடைபெற்ற ஜி20  உச்சி மாநாட்டில் பங்கேற்க வந்த துருக்கி அதிபர் எர்டோகன்,  எகிப்து முன்னாள் அதிபர் முகமது மோர்சியின் மரணம் குறித்து விரிவான விசாரணை நடத்தப்பட வேண்டும் என்றும் இந்த விசாரணையை ஐக்கிய நாடுகள் சபையும் உலக நாடுகளைச் சேர்ந்த அரசியல் தலைவர்களும் வலியுறுத்த வேண்டும்’ எனவும் குறிப்பிட்டார்.

உலகின் மிகப் பெரிய பொருளாதார சக்திகளான அமெரிக்காவுக்கும், சீனாவுக்கும் இடையே வர்த்தக மோதல் நீடித்து வருகிறது.

சீனாவில் இருந்து இறக்குமதியாகும் பொருட்களுக்கு அமெரிக்கா கூடுதல்  வரி விதித்ததை அடுத்து சீனாவும், அமெரிக்க பொருட்களுக்கு கூடுதல் இறக்குமதி வரி விதித்தது. இருநாடுகளும் இடையே ஏற்பட்ட வர்த்தக மோதல் போக்குஉலகளாவிய பொருளாதாரத்தில் பாதிப்பை ஏற்படுத்தும் என்று பல நாடுகள் கவலை தெரிவித்தன. இந்த சூழலில், ஜி 20மாநாட்டின் போது  இரு தலைவர்களும் சந்தித்துக்கொண்டனர். இந்த சந்திப்புக்கு பிறகு சீன செய்தி நிறுவனம் ஒன்றுவெளியிட்டுள்ள செய்தியில், ,  , “சீனாவும், அமெரிக்காவும் மீண்டும் வர்த்தக பேச்சுவார்த்தையை துவங்க  ஒப்புக்கொண்டுள்ளதாகவும்,   சமத்துவம் மற்றும் பரஸ்பர மரியாதை அடிப்படையில்  இந்த பேச்சுவார்த்தையை தொடரும்என்றும் தெரிவிக்கப்பட்டுள்ளது.  சீனாவின் ஏற்றுமதி பொருட்களுக்கு புதிய வரிகள் விதிக்கப்படாது என்று அமெரிக்கா தெரிவித்து  இருப்பதாக அதில்   தெரிவிக்கப்பட்டுள்ளது.

சுரைக்காய் ஜூஸ் தயாரித்து தினமும் காலையில் வெறும் வயிற்றில் குடித்து வாருங்கள். இதனால் உடலில் உள்ள அதிகப்படியான அமிலம் மட்டுப் படுத்தப்படும் மற்றும் சுரைக்காயில் சக்தி வாய்ந்த சிறுநீர்ப் பெருக்கியாக செயல்படுகிறது.
சுரைக்காயில் சுண்ணாம்புச் சத்து, பாஸ்பரஸ்,இரும்புச் சத்து, வைட்டமின் பி போன்றவை உள்ளன. ஜீரண சக்தியை அதிகரிக்க சுரைக்காய் ஜூஸை குடித்தால் கல்லையும் ஜீரணுக்கும் சக்தியை கொடுக்கும்.

கோடை கால வெப்பம் நமது உடல் சூட்டை அதிகரிப்பதோடு, தோல் சம்பந்தமான பிரச்சனைகளையும் ஏற்படுத்துகிறது. சுரைக்காய் பக்குவம் செய்து சாப்பிடுவதால் உடல் சூடு குறையும், வெப்ப நோய்கள் தாக்காமல் காப்பதோடு நமது தோலுக்கு மினுமினுப்பையும் கொடுக்கும்.

உடல் எடையை குறைக்க நினைப்பவர்கல் சுரைக்காய் ஜூஸ் அதிக நீர்ச்சத்து கொண்டது. இது கொழுப்புகளைக் குறைக்கும். வளர்சிதை மாற்றத்தை அதிகரிக்கும்.

உயர் ரத்த அழுத்தத்தை குறைக்க, சுரைக்காய் மற்றும் தேன் இரண்டையும் கலந்து சாப்பிடலாம். இதனால் ஆரோக்கியமான ரத்த ஓட்டத்தை தூண்டச் செய்வதால் ஆரோக்கியம் மேம்படும்.

கர்ப்பிணிகளுக்கு தேவையான கால்சியம். இரும்பு சத்து, விட்டமின் இருப்பதால், இதனை கர்ப்பிணிகள் எடுத்துக் கொண்டால் கருவின் வளர்ச்சி நன்றாக இருக்கும். இவற்றை மருத்துவரிடம் ஆலோசனைப் பெற்று எடுத்துக் கொள்ளுவது நல்லது.

மன அழுத்தத்தை போக்வதோடு, நரம்புகளில் உண்டாகும் இறுக்கங்களை போக்குகிறது. ஸ்ட்ரெஸ் ஹார்மோன் சுரப்பை கட்டுப்படுத்துகிறது.

கல்லீரலில் உண்டாகும் பிரச்சனைகளை சரிப்படுத்தும். வயிற்றில் உண்டாகும் புண்களை ஆற்றும். அல்சர் வராமல் தடுக்கும்.ன்ற உணர்வை உணரக்கூடும்.

 

 

இலங்கையில் கடந்த ஏப்ரல் 21ந்தேதி ஈஸ்டர் பண்டிகையன்று தொடர் குண்டுவெடிப்பு தாக்குதல் நடத்தப்பட்டது.  இந்த குண்டுவெடிப்புகளில் 258 பேர் பலியாகினர்.  500-க்கும் மேற்பட்டோர் காயமடைந்தனர்

இந்த தாக்குதலுக்கு ஐ.எஸ். பயங்கரவாத இயக்கம் பொறுப்பேற்றது.  ஆனால் இதற்கு உள்நாட்டு பயங்கரவாத அமைப்பான தேசிய தவ்ஹீத் ஜமாஅத் மீது இலங்கை அரசு குற்றம் சாட்டியது.

 

இந்த நிலையில், இலங்கையின் தெற்கே கல்லி நகரில் கூட்டமொன்றில் பேசிய அந்நாட்டு பிரதமர் ரனில் விக்ரமசிங்கே, இலங்கை தொடர் குண்டுவெடிப்பில் குற்றச்சாட்டு கூறப்பட்ட அனைத்து பயங்கரவாதிகளும் கைது செய்யப்பட்டு விட்டனர் என்று தெரிவித்தார்.

14-வது ‘ஜி-20’ உச்சி மாநாடு, ஜப்பான் நாட்டின் ஒசாகா நகரத்தில் வரும் 28-ந் தேதி தொடங்குகிறது.

இந்த மாநாட்டில் அர்ஜெண்டினா, ஆஸ்திரேலியா, பிரேசில், கனடா, சீனா, ஐரோப்பிய யூனியன், பிரான்ஸ், ஜெர்மனி, இந்தியா, இந்தோனேசியா, இத்தாலி, ஜப்பான், மெக்சிகோ, ரஷியா, சவுதி அரேபியா, தென் ஆப்பிரிக்கா, தென் கொரியா, துருக்கி, இங்கிலாந்து, அமெரிக்கா ஆகிய 20 நாடுகளின் தலைவர்கள் கலந்து கொள்கிறார்கள்.

இதில் இந்தியா சார்பில் பிரதமர் நரேந்திர மோடி கலந்துகொள்கிறார்.

இந்த மாநாட்டின் இடையே பிரதமர் நரேந்திர மோடி, அமெரிக்க அதிபர் டிரம்பை சந்தித்து இரு தரப்பு பேச்சு வார்த்தை நடத்துகிறார்.

அப்போது இந்தியாவை அமெரிக்கா வர்த்தக முன்னுரிமை நாடுகள் பட்டியலில் இருந்து விலக்கிய விவகாரம், இரு தரப்பு வரி விதிப்பு பிரச்சினை, விசா விவகாரம், இரு தரப்பு ராணுவ, அரசியல் உறவுகளை வலுப்படுத்துதல் உள்ளிட்டவை குறித்து விவாதிக்க முடிவு செய்யப்பட்டுள்ளதாக தகவல்கள் கூறுகின்றன.

இந்த உச்சி மாநாட்டுக்கு முன்னதாக அமெரிக்க வெளியுறவு அமைச்சர் மைக் பாம்பியோ வரும் 25-ந் தேதி இந்தியா வருவது குறிப்பிடத்தக்கது.

அவரது வருகையின் போது மோடி, டிரம்ப் சந்திப்பின்போது பேச விரும்பும் அம்சங்கள் பற்றி இறுதி செய்யப்படும் என தெரிகிறது.

 

பிரிட்டிஷ் ஹெரால்டு நாளிதழ் இணையம் மூலமாக வாசகர்களிடம் வாக்கெடுப்பு நடத்தியது.

இதில் ரஷ்ய அதிபர் விளாடிமிர் புதின், அமெரிக்க அதிபர்டொனால்ட் டிரம்ப் மற்றும் சீன அதிபர் ஜி ஜின்பிங் போன்ற 25க்கும் மேற்பட்ட முக்கிய மற்றும் பிரபலமான நபர்கள் இடம் பெற்றிருந்தனர். வாக்கெடுப்பில் வாசகர்களுக்கு வாக்களிக்க ஒருமுறை மட்டும் வாய்ப்பு வழங்கப்பட்டது.

எந்தவொரு நபருக்கும் எந்தவொரு தலைவருக்கும் ஒன்றுக்கு மேற்பட்ட முறை வாக்களிக்க முடியாது. இந்நிலையில் பிரதமர் நரேந்திர மோடி 30.9 சதவீத வாக்குகளைப் பெற்று முதலிடத்தை பிடித்துள்ளார்.

மோடிக்கு அடுத்தபடியாக இரண்டாவது இடத்தில் ரஷ்ய ஜனாதிபதி விளாடிமிர் புதின் இடம் பெற்றுள்ளார். அவர் 29.9 சதவீத வாக்குகளைப் பெற்றார். அமெரிக்க அதிபர் டொனால்ட் டிரம்ப் 21.9 சதவீத வாக்குகளுடன் மூன்றாம் இடத்தில் இருந்தார். இறுதியாக, சீனாவின் ஜனாதிபதி ஜி ஜின்பிங் 18.1 சதவீத வாக்குகளைப் பெற்றார்.

 

 

தீவிரவாதத்திற்கு எதிராக வரும் அக்டோபருக்குள் உரிய நடவடிக்கை எடுக்கத் தவறினால் கறுப்புப் பட்டியலில் சேர்க்க நேரிடும் என பாகிஸ்தானை சர்வதேச நிதி நடவடிக்கைக்கான பணிக்குழு எச்சரித்துள்ளது.

 

சர்வதேச அளவில் தீவிரவாத நிதியாதாரங்களை கண்காணித்து தடுக்கும் , எஃப்ஏடிஎஃப் எனப்படும் பணிக்குழுவின் கூட்டம், அமெரிக்காவின் ஆர்லாண்டோ நகரில் கடந்த 16ஆம் தேதி தொடங்கி நேற்று நிறைவு பெற்றது.

 

இந்தக்  கூட்டத்தில், தீவிரவாத நிதித் தடுப்பு நடவடிக்கைகள் ஆய்வுக்கு உட்படுத்தப்பட்டன.

பணமோசடி மற்றும் தீவிரவாத நிதியைத் தடுக்கும் வகையில் போதிய சட்டங்கள் இல்லை என்ற அடிப்படையில்,கடந்த ஜூனில், பாகிஸ்தான் நாடு கிரே பட்டியலில் வைக்கப்பட்டது.

கிரே பட்டியலில் சேர்க்கப்பட்டதால், ஆண்டுக்கு 10 பில்லியன் டாலர்கள் அளவுக்கு நிதி பாதிப்புகளை பாகிஸ்தான் சந்திக்க நேரிட்டுள்ளதாக கடந்த ஏப்ரலில் பாகிஸ்தான் வெளியுறவு அமைச்சர் கூறியிருந்தார். மேலும்,தீவிரவாதிகளுக்கு நிதி கிடைப்பதை தடுக்க எடுக்க வேண்டிய நடவடிக்கைகள் தொடர்பாக 10 அம்ச செயல் திட்டம் பாகிஸ்தானுக்கு பட்டியலிடப்பட்டிருந்தது. இதை நிறைவேற்ற கடந்த ஜனவரி வரையிலும், பின்னர் மே மாதம் வரையிலும் பாகிஸ்தானுக்கு கெடு விதிக்கப்பட்டிருந்தது. ஆனால் கெடு முடிந்த பிறகும் பாகிஸ்தான்10 அம்ச செயல் திட்டத்தை நிறைவேற்றாத நிலையில், அந்நாட்டை கறுப்பு பட்டியலில் சேர்ப்பது குறித்து சர்வதேச நிதி நடவடிக்கைக்கான பணிக்குழு கூட்டத்தில் ஆலோசிக்கப்பட்டது.  நிதி நுண்ணறிவுப் பிரிவின் தலைவர் பி.கே.மிஸ்ரா தலைமையிலான இந்திய குழு, பாகிஸ்தானை கறுப்புப் பட்டியலில் சேர்க்க வேண்டும் என வலியுறுத்தியதோடு, அதற்கான புதிய ஆதாரங்களையும் வழங்கியது. 3 நாடுகளின் ஆதரவு இருந்தால் கறுப்பு பட்டியலில் சேர்ப்பதை தவிர்த்துவிடலாம் என்ற நிலையில், சீனா, துருக்கி, மலேசியாவின் உதவியுடன் இந்த முறை நடவடிக்கையில் இருந்து பாகிஸ்தான் தப்பியுள்ளது. இருப்பினும், தீவிரவாதத்திற்கு எதிராக வரும் அக்டோபருக்குள் உரிய நடவடிக்கைகள் எடுக்கத் தவறினால் கறுப்புப் பட்டியலில் சேர்க்க நேரிடும் என பாகிஸ்தானை சர்வதேச நிதி நடவடிக்கைக்கான பணிக்குழு எச்சரித்துள்ளது.

 

இந்தோனேசியாவின் வடக்கு சுமத்ரா மாகாணத்தில் உள்ள பிஞ்சாய் நகரில் தீப்பெட்டி தொழிற்சாலை இயங்கி வருகிறது. இங்கு 100-க்கும் மேற்பட்ட தொழிலாளர்கள் பணியாற்றி வருகின்றனர்.

இந்த தொழிற்சாலையில் தீப்பெட்டி தயாரிக்கும் பணிகள் மும்முரமாக நடந்து கொண்டிருந்தபோது சற்றும் எதிர்பாராதவிதமாக தொழிற் சாலைக்குள் தீப்பிடித்தது. மளமளவென கொழுந்துவிட்டு எரிந்த தீ, கண்இமைக்கும் நேரத்தில் தொழிற்சாலை முழுவதும் பரவியது.

இதனால் அதிர்ச்சியடைந்த தொழிலாளர்கள் உயிரை காப்பாற்றிக்கொள்ள அலறி அடித்துக்கொண்டு தொழிற்சாலையை விட்டு வெளியே ஓட தொடங்கினர்.
அதற்குள் தீ நாலாபுறமும் சூழ்ந்துகொண்டதால், பலர் தொழிற்சாலைக்குள்ளேயே சிக்கிக்கொண்டனர். இதற்கிடையில் அக்கம்பக்கத்தில் இருந்தவர்கள் இந்த விபத்து குறித்து தீயணைப்பு துறையினருக்கு தகவல் கொடுத்தனர். தீயணைப்பு வாகனங்களில் சம்பவ இடத்துக்கு விரைந்து வந்த வீர்ர்கள் தீயை அணைத்து தொழிற் சாலைக்குள் சிக்கியிருப்பவர்களை மீட்கும் முயற்சியில் இறங்கினர்.

எனினும் 30 பேரை பிணமாகத்தான் மீட்க முடிந்தது. அவர்களது உடல்கள் அடையாளம் காண முடியாதபடி தீயில் கருகி கரிக்கட்டையாகி விட்டன. உயிர் இழந்த 30 பேரில் சிறுவர்கள் சிலரும் அடங்குவர். இதற்கிடையில் பல மணி நேர போராட்டத்துக்கு பிறகு தீ முழுமையாக கட்டுக்குள் கொண்டுவரப்பட்டது. தீவிபத்துக்கான காரணம் உடனடியாக தெரியவில்லை.

 

பாகிஸ்தான் கடுமையான பொருளாதார நெருக்கடியில் சிக்கி தவிக்கிறது. மந்தமான வளர்ச்சி, உயர் பணவீக்கம் மற்றும் அதிகப்படியான கடன் போன்ற காரணங்களால் பாகிஸ்தானின் பொருளாதாரம் வீழ்ச்சியை சந்தித்து வருகிறது.

அந்நாட்டின் அன்னிய செலாவணி கையிருப்பு முன்எப்போதும் இல்லாத அளவுக்கு வேகமாக குறைந்து வருகிறது. இதனால் நாட்டின் பொருளாதார நிலைமையை கையாளுவது பிரதமர் இம்ரான்கான் அரசுக்கு பெரும் சவாலாக உள்ளது.

நாட்டை பொருளாதார நெருக்கடியில் இருந்து மீட்பதற்கு, சர்வதேச நிதியத்தின் உதவியை பாகிஸ்தான் நாடியது. இது தொடர்பாக பாகிஸ்தான் அரசுக்கும், சர்வதேச நிதியத்துக்கும் இடையே பல மாதங்களாக பல்வேறு கட்ட பேச்சுவார்த்தைகள் நடந்து வந்தன.

இந்த நிலையில், வெளிநாட்டு கடன் சுமைகளை குறைப்பதற்காக பாகிஸ்தானுக்கு அடுத்த 3 ஆண்டுகளில் 6 பில்லியன் டாலர்களை அதாவது இந்திய மதிப்பில் சுமார் ரூ.42 ஆயிரம் கோடி ரூபாய் வழங்க சர்வதேச நிதியம் முன்வந்துள்ளது.

இது தொடர்பாக பாகிஸ்தான் அரசு அதிகாரிகள் மற்றும் சர்வதேச நிதியத்தின் அதிகாரிகள் இடையே ஒப்பந்தம் கையெழுத்தாகி உள்ளது. இந்த ஒப்பந்தம் சர்வதேச நிதியத்தின் இயக்குநர்களின் ஒப்புதலுக்காக அனுப்பி வைக்கப்பட்டுள்ளது.