Home Archive by category கல்வி

கல்வி

மதுரை மாவட்டம் உசிலம்பட்டி டி.இ.எல்.சி பெண்கள் மேல்நிலைப் பள்ளியில் மாணவ மாணவிகளுக்கு மடிக்கணினி வழங்கும் விழா நடைபெற்றது. இந்த விழாவில் தமிழக வருவாய்த்துறை அமைச்சர் உதயக்குமார் கலந்து 2, 748 மாணவ, மாணவிகளுக்கு இலவச மடிக்கணினியை வழங்கினார். படிக்கும் மாணவர்களின் எதிர்காலத்தை மாற்றும் விதமாக மடிக்கணினி வழங்கும் திட்டத்தை தமிழக அரசு தொடர்ந்து செய்து வருவதாக அவர் கூறினார். இந்த விழாவில் இதில் கட்சி நிர்வாகிகள் உட்பட ஏராளமானோர் கலந்து கொண்டனர்.

 

 

இதுகுறித்து அனைத்து முதன்மைக்கல்வி அலுவலர்கள் மற்றும் மாவட்ட கல்வி அலுவலர்களுக்குஅனுப்பப்பட்டுள்ள சுற்றறிக்கையில், பள்ளிகளில் குடிநீர் வசதி, கழிப்பிட வசதி உள்ளிட்ட அனைத்து அடிப்படை வசதிகள் உள்ளதாக பள்ளி நிர்வாகி உறுதி அளித்த பிறகு தான் தனியார் பள்ளிகளுக்கு அங்கீகாரம் வழங்கப்பட்டுள்ளதாக தெரிவிக்கப்பட்டுள்ளது. இந்நிலையில், தற்போது சில தனியார் பள்ளிகளில் குடிநீர் வசதி இல்லை என தெரிவித்து பள்ளிகளுக்கு விடுமுறை விடுவதாக பத்திரிகை செய்திகள் வாயிலாக தெரியவருவதாகவும், மாணவர்களின் கல்வி நலன் பாதிக்கும் வகையில் விதிகளுக்கு முரணாக செயல்படுவது கண்டிக்கத் தக்கது என்றும் அந்த சுற்றறிக்கையில் தெரிவிக்கப்பட்டுள்ளது. மேலும், தண்ணீர் தட்டுப்பாடு உள்ள பள்ளிகளில் உரிய மாற்று ஏற்பாடுகள் செய்து பள்ளி தொடர்ந்து நடைபெற  நடவடிக்கைகள் எடுக்க வேண்டியதுசம்பந்தப்பட்ட பள்ளி நிர்வாகங்களின் கடமை என்றும் தவறும் பட்சத்தில் சம்பந்தப்பட்ட பள்ளிகளின் மீது கடும்நடவடிக்கை எடுக்கப்படும் எனவும் தெரிவிக்கப்பட்டுள்ளது. இது தொடர்பாக  தனியார் பள்ளி நிர்வாகங்களுக்கும் அறிவுறுத்தவும், அந்தந்த மாவட்டங்களில் உள்ள அனைத்து வகை தனியார் பள்ளிகளும் குடிநீர் தட்டுப்பாடு காரணமாக விடுமுறை விடப்பாடல் தொடர்ந்து செயல்படுவதை கண்காணிக்கமாறும் அனைத்து முதன்மைக்கல்வி அலுவலர்கள் மற்றும் மாவட்டக்கல்வி அலுவலர்களுக்கு சுற்றறிக்கையில் அறிவுறுத்தப்பட்டுள்ளது.

 

 

கோபியில் செய்தியாளர்களுக்கு பேட்டி அளித்த அவர்,  தமிழகத்தில் பிளஸ் 2 மாணவ மாணவிகள் 5 லட்சத்து 40ஆயிரம் பேருக்கு ஏற்கனவே இலவச மடிக்கணினி வழங்கப்பட்டுவிட்டதாகவும்,  இன்று பிளஸ் 1 மாணவ – மாணவிகளுக்கு மடிக்கணினி வழங்கும் நிகழ்ச்சி தமிழகம் முழுவதும் நடைபெற்று வருவதாகவும் கூறினார். 2017-18 விடுபட்ட மாணவ மாணவிகளுக்கு மடிக்கணினி வழங்க அரசாணை பிறப்பிக்கப்பட்டுள்ளதாக அவர் தெரிவித்தார், . இந்தியாவிலேயே முதல்முறையாக பள்ளி மாணவர்களுக்கு மடிக்கணினி வழங்கப்பட்டதுதமிழ்நாட்டில்தான் என்றும் மத்திய அரசு சார்பில் 850 பள்ளிகளில் அடுத்த மாதம் 15ஆம் தேதிக்குள் அடல் டிங்கர் லேப் தொடங்கப்பட உள்ளதாகவும் அமைச்சர் கூறினார்.

1-ம் வகுப்பு முதல் 8 -ம் வகுப்பு வரை மாணவ மாணவிகளுக்கு வண்ண சீருடைகள் இந்த மாதத்திற்குள் வழங்கப்படும் என்றும்,  தனியார் பள்ளிகளில் கட்டமைப்பு வசதிகள் இல்லாமல் இருந்தால் அந்தப் பள்ளியின் அங்கீகாரம் ரத்து செய்ய நடவடிக்கை எடுக்கப்படும் என்றும் அவர் எச்சரித்தார்.

அரசு பள்ளிகளில் கூடுதலாக கட்டணம் வசூலித்தால் அந்த பள்ளி மீது கடும் நடவடிக்கை எடுக்கப்படும் என்று அமைச்சர் செங்கோட்டையன் தெரிவித்தார்.

 

 

கடந்த 50 ஆண்டுகளுக்கு முன்பு பள்ளிகளில் செயல்படுத்தப்பட்ட மதிய உணவு திட்டம் காலப்போக்கில் சத்துணவு திட்டமாக மாற்றப்பட்டது. தற்போது பள்ளியில் சத்துணவில் முட்டை உட்பட  13 வகையான உணவுகள் வழங்கப்படுகிறது. இந்நிலையில் 1 முதல் 5-ம் வகுப்பு வரை படிக்கும் குழந்தைகளுக்கு தினமும் காலையில ஒரு கப் பால் வழங்கலாமா என்று அரசு பரிசீலித்து வருவதாக தகவல் வெளியாகியுள்ளது.

. பாலில் கால்சியம் மற்றும் புரதச்சத்துக்கள் நிறைந்துள்ளன. இவைகள் குழந்தைகளின் எலும்பு வளர்ச்சிக்கு நல்லது  என்று உணவு ஆலோசகர்கள் பரிந்துரைத்துள்ளனர். எனவே சத்துணவில் காய்கறிகள் முட்டை இவற்றுடன் தினமும் காலையில் ஒரு கப் பால் வழங்குவது பற்றி ஆலோசிக்கப்பட்டு வருகிறது. ஏற்கனவே கடந்த 6 ஆண்டுகளுக்கு முன்பு இதே திட்டம் பரிசீலிக்கப்பட்டு நடைமுறை சிக்கல்களை காரணம் காட்டி கைவிடப்பட்டது. இப்போது மீண்டும் பால் வழங்கும் திட்டம் பரிசீலிக்கப்படுகிறது. நடைமுறையில் பாலை கெடாமல் பாதுகாப்பது சிரமமாக இருக்கும் எனபதால்  பால் பவுடரை வாங்கி கலந்து கொடுக்கலாமா என்று ஆலோசிக்கப்பட்டு வருகிறது.

அண்ணா பல்கலைக்கழகம் ஊழியர்களின் சம்பளம், கல்விக்கான உள்கட்டமைப்பை மேம்படுத்துதல், ஆய்வகங்களுக்கான உபகரணங்கள் வாங்குதல், தண்ணீர், மின்சாரம், பாதுகாப்பு போன்ற பல்வேறு காரணங்களால் அதிகரித்துவரும் செலவினங்களுக்காக தேவைப்படும் நிதியை ஈடு செய்வதற்காக நடப்பு கல்வி ஆண்டு முதல் மாணவர்களின் கல்வி கட்டணத்தை உயர்த்த முடிவு செய்துள்ளது.

அண்ணா பல்கலைக்கழகம் இதற்கு முன்பு 1999-ம் ஆண்டு கல்வி கட்டணத்தை உயர்த்தியிருந்தது. 20 ஆண்டுகளுக்கு பின்னர் தற்போது மீண்டும் கல்வி கட்டணம் உயர்த்தப்பட்டிருக்கிறது. புதிய கல்வி கட்டணம் தற்போது இருக்கும் கட்டணத்தோடு ஒப்பிடுகையில் தோராயமாக 2 மடங்கு உயர்த்தப்பட்டுள்ளது.

புதிய கட்டண விகிதப்படி அண்ணா பல்கலைக்கழகத்தில் உள்ள சுயநிதி படிப்புகளுக்கான கல்வி கட்டணம் 14,665-ரூபாயில் இருந்து 20 ஆயிரம் ரூபாயாகவும், ஏரோநாட்டிக்கல் என்ஜினீயரிங் படிப்புக்கான கட்டணம் 9,250-ரூபாயில் இருந்து 21 ஆயிரம் ரூபாயாகவும் உயர்ந்துள்ளது.

இதேபோல பிற படிப்புகளுக்கான கட்டணம் .8,250-ரூபாயில் இருந்து 20 ஆயிரம் ரூபாயாகவும், அண்ணா பல்கலைக்கழகத்தில் அங்கம்வகிக்கும் கல்லூரிகளில் அனைத்து படிப்புகளுக்கான கட்டணம் 8,250-ல் இருந்து 15 ஆயிரம் ரூபாயாகவும் அதிகரித்துள்ளது. புதிய கட்டண உயர்வு மாணவர்களையும், பெற்றோரையும் அதிர்ச்சிக்கு உள்ளாக்கியுள்ளது.

 

சென்னை விமான நிலையத்தில் செய்தியாளர்களுக்கு பேட்டி அளித்த அவர், 7 பேர் விடுதலை தொடர்பாக தமிழக ஆளுநரை, அதிமுக அரசு தொடர்ந்து வலியுறுத்தும் என்றார்.   நீட் தேர்வில் ஒரு மாநிலத்திற்கு மட்டும் விலக்கு அளிப்பது சாத்தியமில்லை என மத்திய அமைச்சர் பிரகாஷ் ஜவடேகர் கூறியது தொடர்பான கேள்விக்கு பதில் அளித்த அவர், நீட் தேர்வில் தமிழகத்திற்கு விலக்கு அளிக்கப்பட வேண்டும் என்ற கோரிக்கை மத்திய அரசிடம் தொடர்ந்து வலியுறுத்தப்படும் என்று கூறினார். தேர்தல் ஆணையம் என்பது சுயேச்சையான அமைப்பு என்றும், அதற்குரிய அதிகாரத்தின்படி செயல்படுவதாகவும் ஓ.பன்னீர்செல்வம் தெரிவித்தார்.

கடந்த 2009-ம் ஆண்டு கொண்டுவரப்பட்ட இலவச மற்றும் கட்டாய கல்வி சட்டத்தின் அடிப்படியில் செயல்படக்கூடிய பள்ளிகள் முறையான அங்கீகாரம் பெற்றிருக்க வேண்டும்.  ஆனால் தமிழகத்தை பொறுத்தவரையில் அரசு பள்ளி, அரசு உதவி பெறும் பள்ளி, தனியார் பள்ளி என மூன்று வகையாக செயல்பட்டு வருகின்றன. இதில் தனியார் மற்றும் அரசு பள்ளியை சேர்ந்த சுமார் 800-க்கும் மேற்பட்ட பள்ளிகள் தமிழகத்தில் முறையாக அங்கீகாரம் பெறாமல் இயங்கிவருவதாக சில நாட்களுக்கு முன்பாக பள்ளிக்கல்வித்துறை பட்டியல் ஒன்றை வெளியிட்டு இருந்தது. இந்த பள்ளிகள் வரும் 31-ம் தேதிக்குள் அங்கீகாரத்தை முறையாக பெற வேண்டும் எனவும்,  இல்லையெனில் அப்பள்ளிகளை மூட வேண்டும் எனவும் கடுமையாக எச்சரிக்கப்பட்டது. இந்நிலையில் தனியார் பள்ளி கூட்டமைப்பு சார்பில் மாணவர்களின் நலன் கருதி காலஅவகாசம் வழங்க வேண்டும் என்று, கோரிக்கை வைக்கப்பட்டது.  குறிப்பிட்ட பள்ளியில் படிக்கக்கூடிய மாணவர்கள் 10-ம் வகுப்பு மற்றும் 12-ம் வகுப்பு பொதுத்தேர்வு எழுத வேண்டுமானால் அந்த பள்ளியானது முறையாக அங்கீகாரம் பெற்றிருக்க வேண்டும். ஒரு பள்ளி முறையான அங்கீகாரம் பெறவில்லை என்றால் அந்த பள்ளியில் படிக்கும் மாணவர்கள் பொதுத்தேர்வு எழுத தகுதியில்லாத மாணவர்களாக அறிவிக்கப்படுவார்கள். எனவே தற்போது 10-ம் வகுப்பு, 12-ம் வகுப்பு செல்ல இருக்கும் மாணவர்களின் எதிர்காலம் பாதிக்கப்பட கூடாது என்பதன் அடிப்படையில் பள்ளியில் அங்கீகாரம் முக்கிய அம்சமாக பார்க்கப்படுகிறது.   இந்நிலையில் முறையான அங்கீகாரத்தை அடுத்த ஆண்டு மே 31-ம் தேதிக்குள் பெற வேண்டும் என்று கால அவகாசத்தை நீட்டிப்பு செய்து பள்ளிக்கல்வித்துறை உத்தரவிட்டுள்ளது.

தமிழகத்தில் 11-ம் வகுப்புக்கான பொதுத்தேர்வு கடந்த மார்ச் மாதம் 6-ந்தேதி தொடங்கி 22-ந் தேதி நிறைவு பெற்றது இந்த தேர்வினை சுமார் 8 லட்சத்துக்கும் அதிகமான மாணவ, மாணவிகள் எழுதினர்.  விடைத்தாள் திருத்தும் பணி நிறைவடைந்ததையடுத்து தேர்வு முடிவு இன்று வெளியிடப்பட்டது. www.tnresults.nic.inwww.dge1.tn.nic.inwww.dge2.tn.nic.in என்ற இணையதளத்தில் பதிவு எண், பிறந்த தேதி, ஆகியவற்றை பதிவு செய்து, தேர்வு முடிவுகளை மாணவர்கள் அறிந்துகொள்ளலாம். மாவட்ட ஆட்சியர் அலுவலகங்களில் இயங்கும் தேசிய தகவலியல் மையங்களிலும், அனைத்து மைய மற்றும் கிளை நூலகங்களிலும் கட்டணம் இன்றி தேர்வு முடிவுகளை அறிந்துகொள்ளலாம். 11-ம் வகுப்பு பொதுத்தேர்வில் 95 சதவீத மாணவ மாணவிகள் தேர்ச்சி பெற்றுள்ளனர். மாணவிகள் 96 புள்ளி5 சதவீதமும், மாணவர்கள் 93புள்ளி 3 சதவீதமும் தேர்ச்சி பெற்றுள்ளனர். அரசுப் பள்ளிகள் 90புள்ளி 6 சதவீதம் தேர்ச்சி பெற்றுள்ளன. மாநிலம் முழுவதும் 2 ஆயிரத்து 636 பள்ளிகள் 100 சதவீத தேர்ச்சி பெற்றுள்ளன. பிளஸ்1 தேர்வு எழுதிய 78 சிறைக் கைதிகளில் 62 பேர் தேர்ச்சி பெற்றுள்ளனர். தேர்ச்சி விகிதத்தில் ஈரோடு மாவட்டம் முதலிடத்தை பிடித்துள்ளது. ஈரோடு மாவட்டம் 98புள்ளி 08 சதவீத தேர்ச்சி பெற்றுள்ளது. திருப்பூர் மாவட்டம் 97புள்ளி ஒன்பது பூஜ்யம் சதவீத தேர்ச்சியுடன் இரண்டாம் இடத்தையும், கோவை மாவட்டம் 97புள்ளி ஆறு பூஜ்யம் சதவீத தேர்ச்சியுடன் 3-ம் இடத்தையும் பிடித்துள்ளது. 89 புள்ளி இரண்டு ஒன்பது சதவீத தேர்ச்சியுடன் வேலூர் மாவட்டம் கடைசி இடத்தைப் பிடித்துள்ளது.

கடந்த ஞாயிறன்று ஹுப்ளியில் இருந்து மைசூரு சென்ற ஹம்பி எக்ஸ்பிரஸ் ரயில், தண்டவாள பராமரிப்பு பணி காரணமாக மாற்றுப் பாதையில் திருப்பி விடப்பட்டது.

இதனால் காலை 7 மணிக்கு வர வேண்டிய ரயில், பிற்பகல் 3 மணிக்கு வந்து சேர்ந்தது. அதனால் நூற்றுக்கணக்கான மாணவர்கள் நீட் தேர்வை எழுத முடியாமல் பரிதவித்தனர்.பாதிக்கப்பட்ட மாணவர்களுக்கு சிறப்பு தேர்வு நடத்த வேண்டும் என்று கோரிக்கை வைக்கப்பட்டது.

இந்த நிலையில் பாதிக்கப்பட்ட மாணவர்களுக்கு, மீண்டும் ஒரு வாய்ப்பு வழங்கப்படும் என்று மத்திய அமைச்சர் பிரகாஷ் ஜவடேகர் டுவிட்டரில் பதிவிட்டுள்ளார். மத்திய அமைச்சர் ஜவடேகரின் இந்த நடவடிக்கைக்கு, கர்நாடக முதலமைச்சர் குமாரசாமி நன்றி தெரிவித்தார்.

இதனிடையே, ஒடிசாவில் பானி புயலால் ஒத்திவைக்கப்பட்டிருந்த நீட் தேர்வு, மே மாதம் 20ஆம் தேதி நடைபெறும் என தெரிவிக்கப்பட்டது. , ஏற்கெனவே அறிவிக்கப்பட்டிருந்த தேர்வு மையங்களிலேயே தேர்வுகள் நடைபெறும் எனவும் திருத்தியமைக்கப்பட்ட தேர்வு எழுதவுள்ளோரின் பட்டியலானது விரைவில் வெளியிடப்படும் எனவும் தெரிவிக்கப்பட்டது.

நீட் தேர்வு கடந்த ஆண்டு நடைபெற்ற போது தமிழக மாணவர்களுக்கு  வெளிமாநிலங்களில் தேர்வு மையம் அமைக்கப்பட்டது பெரும் சிரமத்தை ஏற்படுத்தியது. குளறுபடிகளால் மாணவர்கள் தேர்வு எழுத முடியாத நிலையும் நேரிட்டது.

இந்தாண்டு தமிழகத்தில் இருந்து ஒரு லட்சத்து 40 ஆயிரம் மாணவர்கள் நீட் தேர்வு  எழுதுகின்றனர். நாளை நீட் தேர்வு நடைபெற உள்ள நிலையில், திருநெல்வேலி மையத்தில் இருந்து 600 மாணவர்கள், மதுரையில் உள்ள மையத்திற்கு மாற்றப்பட்டுள்ளது.

தேசிய சோதனை தேர்வு முகமை நேற்று திடீரென மதுரை நகரத்தில் உள்ள 5 மையங்களையும், நெல்லையில் அமைக்கப்பட்டு இருந்த ஒரு மையத்தையும் மாற்றி அமைத்துள்ளது. புதிய ஹால்-டிக்கெட்டை ntaneet.nic.in என்ற இணையதளத்தில் டவுன் – லோடு செய்து கொள்ளலாம் என தெரிவிக்கப்பட்டுள்ளது.

இந்த தேர்வு மையம் மாற்றப்பட்டதற்கான காரணம் தெரிவிக்கப்படவில்லை.