Home Archive by category கல்வி

கல்வி

18 சட்டமன்ற உறுப்பினர்களும் மீண்டும் அதிமுகவில் இணைவார்கள் என அமைச்சர் பாண்டியராஜன்

18 சட்டமன்ற உறுப்பினர்களும் மீண்டும் அதிமுகவில் இணைவார்கள் என அமைச்சர் பாண்டியராஜன் தெரிவித்துள்ளார்.

சென்னையை அடுத்த ஆவடியில் உள்ள அரசு உதவிபெறும் பள்ளி மாணவ/மாணவிகளுக்கு 46 இலட்சம் ரூபாய் மதிப்பிலான விலையில்லா மிதிவண்டி மற்றும் மேஜை நாற்காலி வழங்கும் நிகழ்ச்சி நடைபெற்றது.  இதில் கலந்து கொண்டு மாணவ, மாணவிகளுக்கு  மிதி வண்டிகளை வழங்கிய  அமைச்சர் பாண்டியராஜன் பின்னர் செய்தியாளர்களுக்கு பேட்டி அளித்தார். அப்போது, 18 சட்டமன்ற உறுப்பினர்களும் மீண்டும் அதிமுகவில் இணைவார்கள் எனவும்,கிராம நிர்வாக அலுவலர்கள் விவகாரத்தில் நல்லமுடிவை நிச்சயம் அரசு எடுக்கும் எனவும்தெரிவித்தார்.

இதேபோல் கரூரில் உள்ள அரசு மேல் நிலை பள்ளிகளைச் சேர்ந்த 2 ஆயிரத்து 602 மாணவ மாணவிகளுக்கு விலையில்லா மிதி வண்டிகளை போக்குவரத்து துறை அமைச்சர் விஜயபாஸ்கர் வழங்கினார்..இதை தொடர்ந்து,மாவட்ட மைய நூலகத்தில், பார்வை குறைபாடு உடைய மாற்று திறனாளிகள் படிப்பதற்கு பிரைய்லி மற்றும் கேட்பொலி வசதிகள் கொண்ட பகுதியை அமைச்சர் திறந்து வைத்தார்.

பிளஸ் 2 தேர்வில் பாடங்களை குறைப்பது குறித்து  அரசு பரிசீலித்து வருவதாக : அமைச்சர் செங்கோட்டையன்


பிளஸ் 2 தேர்வில் பாடங்களை குறைப்பது குறித்து  அரசு பரிசீலித்து வருவதாக  அமைச்சர் செங்கோட்டையன் தெரிவித்தள்ளார்.

ஈரோடு மாவட்டம், கோபிசெட்டிபாளையத்தில் செய்தியாளர்களுக்கு பேட்டி அளித்த அவர், இந்தியாவே வியக்கும் வகையில், தமிழகத்தில் பாடத்திட்டங்கள் உருவாக்கப்பட்டுள்ளதாக தெரிவித்தார். மாணவர்களுக்கு கூடுதல்பாடங்கள் சுமையாக இருப்பதாகவும், அவற்றை படிப்பதற்கு நாட்கள் போதவில்லை எனவும் மாணவர்கள் ,ஆசிரியர்கள்  தரப்பில் இருந்து  கோரிக்கைகள் வந்துள்ளதாக அவர் தெரிவித்தார். எனவே, பிளஸ் 2 தேர்வுக்கானபாடங்களை குறைப்பது குறித்து  அரசு பரிசீலித்து வருவதாக அமைச்சர் செங்கோட்டையன் தெரிவித்தார்.

அரசினர் ஆதிதிராவிட நல மேல்நிலைப் பள்ளியில் ஆசிரியர் பணியிடங்களை உடனே நிரப்புக :வைகோ

இது தொடர்பாக இன்று அவர் விடுத்துள்ள அறிக்கையில், காஞ்சிபுரம் மாவட்டம், திருக்கழுக்குன்றம் வட்ட்த்திற்குட்பட்ட  மாமல்லபுரத்தை அடுத்த மணமை ஊராட்சியில் கடந்த 1935 ஆம் ஆண்டு துவங்கப்பட்ட அரசினர் ஆதிதிராவிடர் நல மேல்நிலைப் பள்ளியில் 276 இருபால் மாணவர்கள் பயின்று வருவதாக வைகோ தெரிவித்துள்ளார்.

ஆதிதிராவிடப் பள்ளியாக இருந்தபோதிலும் அனைத்து சமூகத்து மாணவர்களும் இணைந்து பயிலும் பொதுப்பள்ளியாகவே  விளங்கி வருவதாகவும் அந்தப்பள்ளிக்குப் போதுமான ஆசிரியர்கள்  இல்லாமல் தொடர்ந்து புறக்கணிக்கப்பட்டு வருவதாகவும்  அருகாமையில் உள்ள கடம்பாடி ஊராட்சி, குன்னத்தூர் ஊராட்சியைச் சார்ந்த மாணவர்களும் இந்தப் பள்ளியில் பயின்று வருவதை வைகோ தமது அறிக்கையில் சுட்டிக்காட்டியுள்ளார்.

அரசினர் ஆதிதிராவிடர் நல மேல்நிலைப் பள்ளியில் முதல் வகுப்பில் இருந்து ஐந்தாம் வகுப்பு வரை 91 இருபால் மாணவர்கள் பயின்று வருவதாகவும் அவர்களுக்கு 5 ஆசிரியர்கள் பணியிடம் ஒதுக்கப்ப்பட்ட நிலையில் தற்போது ஒரே ஒரு ஆசிரியர் மட்டுமே பணியில் இருப்பதாக வைகோ கூறியுள்ளார்.

இதேபோல்  6-ஆம் வகுப்பில் இருந்து 10-ஆம் வகுப்பு வரை 137 இருபால் மாணவர்கள் பயின்று வருவதாகவும் அவர்களுக்கு 9 ஆசிரியர்கள் பணியிடம் ஒதுக்கப்பட்ட நிலையில் தற்போது ஒரேஒரு ஆசிரியர் மட்டுமே பணியில் இருப்பதை வைகோ தமது அறிக்கையில் சுட்டிக்காட்டியுள்ளார்.

மேலும் 11-ஆம் வகுப்பு மற்றும் 12-ஆம் வகுப்பு வரை 48 இருபால் மாணவர்கள் பயின்று வருவதாகவும் அவர்களுக்கு  3 ஆசிரியர்கள் மட்டுமே தற்போது  உள்ளதாகவும் கூடுதலாக ஆசிரியர்கள் நியமனம் செய்யப்பட வேண்டும் என்று பலமுறை மனு கொடுத்தும் போதுமான ஆசிரியர்கள் பணி நியமனம் செய்யப்படவில்லை என வைகோ வேதனையுடன் குறிப்பிட்டுள்ளார்.

வகுப்புகளில் தமிழ், ஆங்கிலம், கணிதம், அறிவியல், சமூக அறிவியல் மற்றும் கணினி, உடற்கல்வி, ஆய்வுக் கூடங்கள், நூலகம், விளையாட்டுத் திடல், கழிவறைகள் இவை அனைத்தும் ஒவ்வொரு பள்ளியிலும் இருப்பதை தமிழக அரசு உறுதிப்படுத்திட வேண்டும் எனவும் தேர்வுகள் நெருங்கி வருகின்ற வேளையில் போதுமான ஆசிரியர்களை உடனடியாக பணி அமர்த்திட வேண்டும் எனவும் வைகோ கேட்டுக்கொண்டுள்ளார்.

கல்பாக்கம் அணு உலை சுற்றுச்சுவர் அருகாமையில் அமைந்துள்ள இந்தப் பள்ளிக்கு எந்தப் பயனும் இல்லை என்பது தெளிவாகியுள்ளதாகவும், அணு உலை அமைவதற்கு நிலம் கொடுத்த சுற்றுப்புற கிராம மக்களுக்கு மக்கள் நலத் திட்டங்களைச் செய்து வருவதாக மத்திய அரசு சொல்வது இதன் மூலமாக பொய்த்துப்போய் உள்ளதாகவும் வைகோ கூறியுள்ளார்.

எனவே காலம் தாழ்த்திடாமல் போர்க்கால அடிப்படையில் போதுமான ஆசிரியர்கள் பணியிடங்களை நியமித்திட ம.தி.மு.க சார்பில் தமிழக அரசை வலியுறுத்திக் கேட்டுக் கொள்வதாக வைகோ குறிப்பிட்டுள்ளார்.

மாணவர்களுக்கு ஆதார் எண்ணுடன் கூடிய ஸ்மார்ட் கார்டு அடுத்த மாத இறுதிக்குள் வழங்கப்படும் என்று அமைச்சர் செங்கோட்டையன்

மாணவர்களுக்கு ஆதார் எண்ணுடன் கூடிய ஸ்மார்ட் கார்டு அடுத்த மாத இறுதிக்குள் வழங்கப்படும் என்று அமைச்சர் செங்கோட்டையன் தெரிவித்துள்ளார்,

செயற்கை நுண்ணறிவு தொழில்நுட்பத்துடன் மாணவர் வருகை பதிவு தொடக்க விழா சென்னை அசோக் நகரில் உள்ள அரசினர் மகளிர் மேல்நிலைப்பள்ளி நடைபெற்றது இதில் அமைச்சர் செங்கோட்டையன் கலந்து கொண்டு செயற்கை நுண்ணறிவு தொழில்நுட்ப வருகைப் பதிவை தொடங்கி வைத்தார். பின்னர் செய்தியாளர்களிடம் பேசிய அவர், கடந்த ஆண்டு தமிழக அரசின் நீட் தேர்வு பயிற்சி மையங்களுக்கு 20 கோடி ரூபாய் அரசு ஒதுக்கியது எனவும், ஆனால் அதில் ஒரு ரூபாய் கூட செலவு செய்யப்படவில்லை எனவும் அவர் தெரிவித்தார்.கடந்த ஆண்டு அவசர கதியில் கடைசி நேரத்தில் 2 மாதம் மட்டுமே பயிற்சி வழங்கப்பட்டதால் 4 மாணவர்கள் மட்டும் தேர்ச்சி பெற்றதாகவும்,.413 மையங்களில் 26 ஆயிரம் மாணவர்களுக்கு இந்தாண்டு பயிற்சி வழங்கபடுவதாகவும் அவர் குறிப்பிட்டார்.ஆனால் இந்தாண்டு அரசு மற்றும் அரசு உதவி பெரும் பள்ளிகளில் இருந்து 500 மாணவர்கள் தேர்ச்சி பெற அரசு நடவடிக்கை எடுத்து வருவதாகவும் மாணவர்களுக்கு ஆதார் எண்ணுடன் கூடிய ஸ்மார்ட் கார்டு அடுத்த மாத இறுதிக்குள் வழங்கப்படும் எனவும் அமைச்சர் செங்கோட்டையன் தெரிவித்தார்.

சி.பி.எஸ்.இ. 9ஆம் வகுப்பு பாட நூலில் நாடார் சமூக மக்களை இழிவுபடுத்துவதா? வைகோ கண்டனம்

இது குறித்து மதிமுக பொதுசெயலாளர் வைகோ  வெளியிட்டுள்ள அறிக்கையில்,

மத்திய இடைநிலை கல்வி வாரியத்தின் 9 ஆம் வகுப்பு சமூக அறிவியல் பாடநூலில் பக்கம் 168 இல், சாதி மற்றும் மோதலும்; ஆடை மாற்றமும் என்ற குறுந்தலைப்பில் நாடார் சமுதாயத்தை இழிவு படுத்தும் வகையில் பாடம் இடம்பெற்று இருக்கிறது.

2012 ஆம் ஆண்டு இதுபோன்று நாடார்குல மக்கள் மீது அவதூறு செய்யும் வகையில் சி.பி.எஸ்.இ., 9 ஆம் வகுப்பு சமூக அறிவியல் பாடத்தில் இடம்பெற்று இருந்தது. அதனை நீக்க வேண்டும் என்று 2012 அக்டோபர் 26 இல் நான் அறிக்கை வெளியிட்டு வலியுறுத்தினேன். மத்திய அரசின் இடைநிலைக் கல்வி வாரியத்தைக் கண்டித்தும், நாடார் மக்கள் மீது நஞ்சைக் கக்கும் பாடத்தை அறவே நீக்க வலியுறுத்தியும் 2012 நவம்பர் 2 ஆம் தேதி நாகர்கோவிலில், தலைமை அஞ்சலகம் எதிரே மறுமலர்ச்சி திராவிட முன்னேற்றக் கழகத்தின் சார்பில் எனது தலைமையில் கண்டன ஆர்ப்பாட்டமும் நடத்தினோம்.

இந்நிலையில், தேசிய கல்வி ஆராய்ச்சி மற்றும் பயிற்சி நிறுவனம் சார்பில் வெளியிடப்பட்டுள்ள சி.பி.எஸ்.இ., 9 ஆம் வகுப்பு சமூக அறிவியல் பாடத்தில் நாடார் சமுதாயத்தைக் கொச்சைப்படுத்தும் வகையில், அதே பாடம் இடம்பெற்று இருக்கிறது.

தமிழகத்தின் வரலாற்றில் நாடார்குல மக்களுக்கு மேன்மையான சிறப்பு இருக்கிறது. பழந்தமிழர் பூமியான நாஞ்சில் நாட்டின் குமரி மாவட்டத்தை கேரளத்தோடு இணைப்பதற்கு வஞ்சக சதி நடந்தபோது, அதை எதிர்த்து மக்களைத் திரட்டிப் போராடிய வீர வரலாறு மார்ஷல் நேசமணி, குஞ்சன் நாடார், தாணுலிங்க நாடார், நத்தானியர், பி.எஸ்.மணி, சிதம்பர நாடார், கவிமணி தேசிய விநாயகம் பிள்ளை உள்ளிட்ட பெருமக்களுக்கு உண்டு.

நாடார்குல பெருமக்கள் நாஞ்சில் நாட்டின் மண்ணின் மைந்தர்கள் ஆவார்கள். ஆனால், அவர்களை பிழைப்புத் தேடி இடம்பெயர்ந்து வந்தவர்கள் என்று சி.பி.எஸ்.இ., பாடநூல் குறிப்பிடுகிறது. மேலும் பழம்பெருமை வாய்ந்த நாடார் சமூக மக்களை மதிப்புக் குறைவான பெயரைக் குறிப்பிட்டு, இழிவுபடுத்தப்பட்டு இருக்கிறது.

நாடார் சமூகத்திற்கும், அக்குலப் பெண்களுக்கும் இழைக்கப்பட்ட அநீதிகளையும், கொடுமைகளையும் எதிர்த்து அய்யா வைகுண்டநாதர் தலைமையில் அறப்போராட்டம் வீறுகொண்டு எழுந்தது. ஆனால் சி.பி.எஸ்.இ. பாடநூலில் நாடார் சமூக பெண்கள் மேலாடை அணியும் உரிமை பெறுவதற்காக கிறித்துவ சமயத்தைத் தழுவியதாக சி.பி.எஸ்.இ. பாடநூலில்  நஞ்சை கொட்டி இருக்கிறார்கள்.

தேசிய கல்வி மற்றும் ஆராய்ச்சி நிறுவனம், சி.பி.எஸ்.இ. 9 ஆம் வகுப்புப் பாடநூலில் வரலாற்று உண்மைகளை மறைத்து, நாடார் சமூகத்தின் மீது அவதூறு சேற்றை வாரி வீசி இருப்பது மன்னிக்கவே முடியாத கொடும் செயலாகும். மத்திய பா.ஜ.க. அரசு சி.பி.எஸ்.இ., 9 ஆம் வகுப்பு சமூக அறிவியல் பாடத்தில் நாடார்குல மக்களை தவறாகச் சித்தரிக்கும் பாடத்தை உடனே நீக்க வேண்டும் என்று வலியுறுத்துகிறேன்

எனத் தெரிவித்துள்ளார்.

நிகழ் கல்வியாண்டில் 6 மற்றும் 9 ஆம் வகுப்பு பாடப் புத்தகத்தில் பிளாஸ்டிக் குறித்த விழிப்புணர்வு இடம்பெறும்

நிகழ் கல்வியாண்டில் 6 மற்றும் 9 ஆம் வகுப்பு பாடப் புத்தகத்தில் பிளாஸ்டிக் குறித்த விழிப்புணர்வு இடம்பெறும் என பள்ளிக் கல்வித்துறை அமைச்சர் செங்கோட்டையன் தெரிவித்துள்ளார்.

சென்னை தலைமை செயலகத்தில் செய்தியாளர்களுக்கு பேட்டியளித்த அவர், அரசு பள்ளிகளில் பிளாஸ்டிக் குறித்த விழிப்புணர்வு ஏற்படுத்தும் வகையில், தனியார் நிறுவன பங்களிப்போடு மாணவர்களுக்கு பிளாஸ்டிக் பயன்பாட்டால் ஏற்படும் தீமைகள் குறித்த கையேடு வழங்கப்படவுள்ளதாக தெரிவித்தார். முதற்கட்டமாக மாவட்டத்துக்கு 10 பள்ளிகள் வீதம், 320 பள்ளிகளுக்கு இந்த கையேடு வழங்கப்படவுள்ளதாகவும், இந்த 320 பள்ளி ஆசிரியர்கள் மூலம் மற்ற பள்ளிகளுக்கு பயிற்சி வழங்கப்படும் எனவும் அவர் தெரிவித்தார். மேலும் இந்த கல்வி ஆண்டில் 6 மற்றும் 9 ஆம் வகுப்புகளுக்கு வழங்கப்படவுள்ள மூன்றாம் பருவ புத்தகத்தில் பிளாஸ்டிக் குறித்த பாடதிட்டம் இணைக்கப்படவுள்ளதாகவும் அமைச்சர் தெரிவித்தார்.

நவம்பர் மாதம் இறுதிக்குள் தமிழகத்தில் உள்ள 3 ஆயிரம் பள்ளிகளில் ஸ்மார்ட் கிளாஸ் கொண்டு வர நடவடிக்கை

நவம்பர் மாதம் இறுதிக்குள் தமிழகத்தில் உள்ள 3 ஆயிரம் பள்ளிகளில் ஸ்மார்ட் கிளாஸ் கொண்டு வர நடவடிக்கை மேற்கொண்டுள்ளதாக அமைச்சர் செங்கோட்டையன் தெரிவித்துள்ளார்.

          ஈரோடு மாவட்டம், நம்பியூரில் 35 லட்சம் ரூபாய் மதிப்பீட்டில் கட்டப்பட்ட காவல்நிலையத்தின் புதிய கட்டிடத்தை பள்ளி கல்வித்துறை அமைச்சர் செங்கோட்டையன் ரிப்பன் வெட்டி திறந்து வைத்தார். தொடர்ந்து காவல் நிலைய வளாகத்தில் மரக்கன்றுகள் நடப்பட்டன. பின்னர் நம்பியூர் பேருந்து நிலையம் அருகே ஒரு கோடி ரூபாய் மதிப்பில் புதிதாக அமைக்கப்படவுள்ள ரவுண்டான பணிக்கு அமைச்சர் செங்கோட்டையன் அடிக்கல் நாட்டினார். அப்போது செய்தியாளர்களிடம் பேசிய அவர், நம்பியூர் பகுதியில் பல்வேறுதிட்டங்கள் செயல்படுத்தப்பட்டு வருவதாகவும், அத்திக்கடவு – அவிநாசி திட்டம் விரைவில் நிறைவேற்றப்படவுள்ளதாகவும் அவர் தெரிவித்தார்.  தமிழகத்தில் 6முதல் 8ஆம் வகுப்புவரை உள்ள 3 ஆயிரம் பள்ளிகளில், நவம்பர் மாதம் இறுதிக்குள் ஸ்மார்ட் கிளாஸ் கொண்டு வர நடவடிக்கை மேற்கொண்டு பணிகள் தொடங்கப்பட்டுள்ளதாக கூறினார். மேலும், 9ஆம் வகுப்பு முதல் 12 ஆம் வகுப்பு வரை உள்ள அனைத்துபள்ளிகளும் கணினிமாயமாக்கப்படும்  என அமைச்சர் செங்கோட்டையன் தெரிவித்தார்.

10, 11, 12-ம் வகுப்புகளுக்கான செப்டம்பர் மாத துணைத்தேர்வு ரத்து செய்யப்பட்டுள்ளது

10, 11, 12-ம் வகுப்புகளுக்கான செப்டம்பர் மாத துணைத்தேர்வு ரத்து செய்யப்பட்டுள்ளதாக அரசாணை வெளியிடப்பட்டுள்ளது.

                1952-ம் ஆண்டு முதல் 10-ம் வகுப்பு பொதுத்தேர்வில் தோல்வி அடையும் மாணவர்களுக்கு செப்டம்பர் மாதம் துணைத்தேர்வு நடத்தப்பட்டு வந்தது. இதேபோல், 1980-ம் ஆண்டு முதல் 12-ம் வகுப்புக்கு மார்ச் மாதத்தில் பொதுத்தேர்வும், செப்டம்பர் மாதத்தில் துணைத் தேர்வும் நடத்தப்பட்டு வருகிறது. இந்நிலையில், கடந்த 2012-ம் ஆண்டு முதல் 10ஆம் 12ஆம் வகுப்பு பொதுத்தேர்வில் தோல்வி அடையும் மாணவர்கள் மற்றும் தனித்தேர்வர்கள் தேர்ச்சிபெறாத அனைத்து பாடங்களிலும் தேர்வு எழுதுவதற்காக ஜூன், ஜூலை மாதங்களில் உடனடி சிறப்பு துணைத்தேர்வு நடத்தப்பட்டு வருகிறது. இந்த உடனடி சிறப்பு துணைத்தேர்வின் மூலம் 10, 12-ம் வகுப்பில் தோல்வி அடைந்த பாடங்களை மாணவர்கள் எழுதி, தேர்ச்சி பெற்று உயர்கல்வியில் சேர்ந்தனர். உடனடி சிறப்பு துணைத்தேர்வில் தேர்ச்சி பெறும் மாணவர்களின் எண்ணிக்கை அதிகரித்து வருவதால், செப்டம்பர் மாதம் நடைபெறும் துணைத்தேர்வினை எழுதி தேர்ச்சி பெறும் மாணவர்களின் எண்ணிக்கை தொடர்ந்து குறைந்து வருகிறது.

                இதனைக் கருத்தில் கொண்டு உடனடி சிறப்பு துணைத் தேர்வு மற்றும் பொதுத்தேர்வு மட்டும் நடத்திட அரசு அனுமதிக்க வேண்டும் என அரசுத் தேர்வுத்துறை இயக்குநர் அரசிடம் கேட்டுக்கொண்டார். அதனை பரிசீலித்த அரசு,வரும் கல்வியாண்டு முதல் துணை தேர்வுகளை ரத்து செய்வதாக அறிவித்துள்ளது. இது குறித்து வெளியிடப்பட்டுள்ள அரசாணையில், தமிழகத்தில் வரும் 2019-20ஆம் கல்வி ஆண்டு முதல் 10, 11, 12-ம் வகுப்பு பொதுத்தேர்வுகள் மார்ச்,ஏப்ரலில் நடப்படும் என்றும், தோல்வியடையும் மாணவர்களுக்கு  ஜூன், ஜூலையில் சிறப்பு துணைத் தேர்வுகள் மட்டும் நடத்தப்படும் எனவும் தெரிவித்துள்ளது. மேலும், செப்டம்பர், அக்டோபர் மாதங்களில் நடைபெறும்துணைத்தேர்வுகளை ரத்து  செய்வதாக அரசாணையில் தெரிவிக்கப்பட்டுள்ளது.இதன் மூலம் கடந்த 66 வருடங்களாக நடைமுறையில் இருந்து வந்த துணைத்தேர்வு முறை முடிவுக்கு வருகிறது

தமிழகம் முழுவதும் அமைக்கப்பட்டுள்ள 412 நீட் பயிற்சி மையங்கள் இன்று  முதல் செயல்படத் தொடங்கும்

தமிழகம் முழுவதும் அமைக்கப்பட்டுள்ள 412 நீட் பயிற்சி மையங்கள் இன்று  முதல் செயல்படத் தொடங்கும் என அமைச்சர் செங்கோட்டையன் தெரிவித்துள்ளார்.

                நாடு முழுவதும் மருத்துவ படிப்புகளில் சேர்வதற்கு நீட் தேர்வு கட்டாயமாக்கப்பட்டுள்ள நிலையில் தமிழகத்தில் நீட் தேர்வு எழுதும் மாணவர்களுக்கு சிறப்பு பயிற்சி அளிக்க அரசு முடிவு செய்தது. அதன்படி மாநிலம் முழுவதும் 412 பயிற்சி மையங்கள் அமைக்கப்பட்டுள்ளன.இந்த பயிற்சி மையங்கள் அனைத்தும் இன்று முதல் செயல்படத் தொடங்கும் என பள்ளிக்கல்வித்துறை அமைச்சர் செங்கோட்டையன் தெரிவித்துள்ளார். நீட் தேர்வு எழுதும் மாணவர்களுக்கு சுமார் 3 ஆயிரத்து200 ஆசிரியர் ஆசிரியைகள் பயிற்சி அளிக்க உள்ளதாக அமைச்சர் செங்கோட்டையன் கூறினார். மேலும் இந்த பயற்சியில் 11 மற்றும் 12-ம் வகுப்பு மாணவர்கள் கலந்துகொள்ள உள்ளதாகவும், அடுத்த ஆண்டு, நீட் தேர்வுக்கு முன்னர் வரை இந்தப் பயிற்சி வகுப்புகள் நடைபெறும் எனவும் அவர் தெரிவித்துள்ளார். பயிற்சி வகுப்புகள் மொத்தம் 36 வாரம், விடுமுறை நாட்களில்  நடைபெறும் விதத்தில் திட்டமிடப்பட்டுள்ளதாகவும், தமிழகத்தில் இருந்து எத்தனை லட்சம் மாணவர்கள் நீட் தேர்வு எழுதினாலும், அவர்கள் அண்டை மாநிலத்திற்கு சென்று தேர்வு எழுதும் நிலை இனி வராது என்றும் அமைச்சர் செங்கோட்டையன்  உறுதிபட தெரிவித்துள்ளார்.

மருத்துவ துறையில் பல்வேறு சாதனைகளை தமிழகம் புரிந்து வருகிறது: முதலமைச்சர்

மருத்துவ துறையில் பல்வேறு சாதனைகளை தமிழகம் புரிந்து வருவதாக முதலமைச்சர் பழனிசாமி தெரிவித்துள்ளார்.

எடப்பாடி அடுத்த கோனேரிப்பட்டியில் 98 லட்சம் ரூபாய் மதிப்பில் கட்டப்பட்ட ஆரம்ப சுகாதார நிலையத்தை முதலமைச்சர் பழனிசாமி திறந்து வைத்தார். இதனைதொடர்ந்து பேசிய அவர், சேலம் மாவட்டத்தில் 11 ஆரம்ப சுகாதார நிலையங்களில் உருவாக்கப்பட்டு, கூடுதல் கட்டிடங்கள் கட்டப்பட்டுள்ளதாக கூறினார். மருத்துவ துறையில் பல்வேறு சாதனைகளை தமிழகம் புரிந்து வருவதாகவும் மருத்துவ துறையில் இந்தியாவிலேயே தமிழகம் சிறந்து விளங்குவதாகவும் அவர் தெரிவித்தார்.

தொடர்ந்து பேசிய முதலமைச்சர் பழனிசாமி,  தமிழகம் முழுவதும் ஆயிரம் கோடி ரூபாய் மதிப்பில் தடுப்பணைகள் கட்ட திட்டம் வகுக்கப்பட்டுள்ளதாக கூறினார். முதற்கட்டமாக 292 கோடி ரூபாயில் 62 தடுப்பணைகள் கட்ட நடவடிக்கைகள் எடுக்கப்பட்டு வருவதாகவும் ஏரிகளுக்கு உபரிநீர் கொண்டுசெல்லப்படுவதால் நிலத்தடி நீர்மட்டம் உயரும் எனவும் அவர் தெரிவித்தார்.

மேட்டூர் அணையின் உபரிநீரை எடுத்து சேலத்தில் உள்ள ஏரிகளில் நிரப்பப்பட்டுள்ளதாக முதலமைச்சர் பழனிசாமி கூறினார். முன்னதாக இன்று காலை சேலம் மாவட்டம் எடப்பாடியில் தேவகிரி அம்மன் பிரசன்ன நஞ்சுண்டேஸ்வரர் கோவில் கும்பாபிஷேக விழாவில்            முதலமைச்சர் எடப்பாடி பழனிசாமி பங்கேற்றார்.