Home Archive by category சினிமா

சினிமா

யாரை எங்கு உட்கார வைக்க வேண்டுமோ அங்கு உட்கார வைத்தால் அனைத்தும் சரியாக இருக்கும் என நடிகர் விஜய் தெரிவித்துள்ளார்.

அட்லி இயக்கத்தில், நடிகர் விஜய் நடித்துள்ள பிகில் திரைப்படத்தின் இசை வெளியீட்டு விழா சென்னையில் உள்ள தனியார் கல்லூரி வளாகத்தில் நடைபெற்றது. இதில் கலந்து கொண்டு பேசிய நடிகர் விஜய், யாரை எங்கு உட்கார வைக்க வேண்டுமோ, அங்கு உட்கார வைத்தால் அனைத்தும் சரியாக இருக்கும் என தெரிவித்தார். மேலும், அரசியல் விளையாட்டில் ஈடுபடுங்கள் என்றும், விளையாட்டில் அரசியல் செய்யாதீர்கள் என்றும் அவர் கூறினார். சுபஸ்ரீ உயிரிழப்பு விவகாரத்தில் யார் மீது கோபப்பட வேண்டுமோ, அவர்கள் மீது கோபப்படாமல், யார் மீதோ பழிபோடுகிறார்கள் என்றும் விஜய் தெரிவித்தார். தன் பேனரை கிழித்துக்கொள்ளுங்கள் என்றும், ரசிகர்கள் மீது கை வைக்காதீர்கள் என்றும் விஜய் கூறினார். இசை வெளியீட்டு விழாவில் அவர் பேசியது அரசியல் வட்டாரத்தில் பரபரப்பை ஏற்படுத்தியுள்ளது.

பிரபல இயக்குனரும், நடிகருமான ராஜசேகர் சென்னையில் இன்று காலமானார்.

பாரதிராஜா இயக்கிய ‘நிழல்கள்’ படத்தில், ஹீரோக்களில் ஒருவராக நடித்தவர் ராஜசேகர். ‘இது ஒரு பொன்மாலைப் பொழுது’ என்ற பாடலில் தோன்றியவர். பிறகு, தனது நண்பர் ராபர்ட்டுடன் இணைந்து படங்களை இயக்கினார். ’பாலைவனச் சோலை’, சின்னப்பூவே மெல்லப் பேசு, மனசுக்குள் மத்தாப்பூ, பறவைகள் பலவிதம் உட்பட சில படங்களை இவர்கள் இயக்கினார்கள். பிறகு நடிப்பில் கவனம் செலுத்திய ராஜசேகர், தொடர்ந்து, படங்களிலும், சின்னத்திரை தொடர்களிலும் நடித்து வந்தார். சின்னத்திரை சங்கங்களிலும் பொறுப்பு வகித்தார். சில நாட்களாக, உடல் நலமில்லாமல் இருந்த அவர், போரூரில் உள்ள தனியார் மருத்துவமனையில் சிகிச்சை பெற்றுவந்தார். சிகிச்சை பலனின்றி அவர் இன்று உயிரிழந்தார். அவரது மறைவுக்கு தமிழ்த் திரையுலகினர் மற்றும் சின்னத்திரை கலைஞர்கள் தங்கள் இரங்கல் தெரிவித்து வருகின்றனர்.

கதையை திருடி படம் எடுத்தால் ஒழுங்காக எடுங்கள் என்று ’சாஹோ’ படத்தின் இயக்குனருக்கு பிரெஞ்ச் பட இயக்குனர் அறிவுரை கூறியுள்ளார்.

பிரபாஸ் ஹீரோவாக நடித்து கடந்த வெள்ளிக்கிழமை வெளியான பிரமாண்டமான ஆக்‌ஷன் படம், சாஹோ. சுஜித் இயக்கியுள்ள இந்தப் படம், தமிழ், தெலுங்கு, இந்தி, மலையாள மொழிகளில் வெளியானது. இந்தப் படம் ’லார்கோ வின்ச்’ என்ற பிரெஞ்ச் படத்தின் காப்பி என்று கூறப்படுகிறது. ’சாஹோ’வைப் பார்த்த ரசிகர்கள் சிலர், லார்கோ வின்ச் படத்தின் இயக்குனர் ஜெரோம் சல்லே-வுக்கு Tag செய்து ட்வீட் செய்திருந்தனர். சாஹோ படத்தைப் பார்த்துவிட்டு சாலே டிவிட்டரில் பதிவிட்டிருந்தார். அதில், லார்கோ வின்ச் படத்தின் இரண்டா வது இலவச ரீமேக் இது எனவும், முதல் ரீமேக்கை விட இது மோசமாக இருக்கிறது எனவும் கூறியுள்ளார். திருடினாலும், தயவு செய்து அதை ஒழுங்காக செய்யுங்கள் எனவும் அவர் விமர்சித்துள்ளார். ’லார்கோ வின்ச்’ படம் 2008 ஆம் ஆண்டு வெளியானது. ஏற்கனவே, பவன் கல்யாண் நடிப்பில் வெளியான அக்னியாதவாசி என்ற தெலுங்கு படம், ’லார்கோ வின்ச்’ படத்தின் காப்பி என்று கூறப்பட்டது.

மணிரத்னம் இயக்கும் பொன்னியின் செல்வன் படத்துக்காக பாடல்கள் எழுத உள்ளதாக, பாடலாசிரியர் வைரமுத்து தெரிவித்துள்ளார்.

வைரமுத்து எழுதிய தமிழாற்றுப்படை புத்தக வெளியீட்டு விழா திருப்பூரில் நடைபெற்றது. இதில் சிறப்பு விருந்தினராக தென்சென்னை மக்களவை தொகுதி உறுப்பினர் தமிழச்சி தங்க பாண்டியன் கலந்து கொண்டார். பின்னர் செய்தியாளர்களிடம் பேசிய வைரமுத்து, நாடாளுமன்றத்தில் தமிழ் மொழி ஆட்சி மொழியாக உதிக்கும் நாளே, தமிழர்களின் கனவு நிறைவேறும் நாள் என கூறினார்.  மணிரத்னம் இயக்கும் பொன்னியின் செல்வன் படத்துக்காக, 12ம் நூற்றாண்டை மையமாக வைத்து பாடல்களை எழுத உள்ளதாகவும் வைரமுத்து தெரிவித்தார்.

பாரதிராஜாவின் அதிரடி அறிவிப்பு! தயாரிப்பாளர்கள் மகிழ்ச்சிதயாரிப்பாளர் சங்கத்திற்கு தமிழக அரசு நியமனம் செய்த தனி அதிகாரியின் ஆலோசனைக்குழு உறுப்பினர்களான பாரதிராஜா உள்பட ஏழு பேர்கள் இணைந்து இன்று அறிக்கை ஒன்றை வெளியிட்டுள்ளனர். இந்த அறிக்கையால் தயாரிப்பாளர்கள் அனைவரும் மகிழ்ச்சி அடைந்துள்ளனர்.
அந்த அறிக்கையில், தயாரிப்பாளர் சங்க உறுப்பினர்களுக்கு வணக்கம். நமது சங்கத்திற்கு தமிழக அரசால் நியமிக்கப்பட்ட ஆலோசனைக்குழு கடந்த ஜூன் 23ஆம்  தேதி நடைபெற்ற பேசுவார்த்தையின் அடிப்படையில்
1. ஜூன் 29 முதல் தயாரிப்பாளர்கள் திரையி டும் பிரிவியூ காட்சி  லும் காட்சி தேவைப்படும் தயாரிப்பாளர்கள் தங்களுடைய ஹார்ட் டிஸ்க்கை கியூபில் கொடுத்து தங்களது திரைப்படத்தின் டிசிபிஐ காப்பி செய்து லைஃப் டைம் இலவசமாக பயன்படுத்தி கொள்ளலாம்.2. ஜூலை 12 முதல் திரையரங்குகளில் திரையிடப்படும் ஒரு நிமிட டிரைலர்களுக்கு கட்டணம் இல்லை3. தயாரிப்பாளர்கள் தங்களது திரைப்படங்களுக்கான லைஃப் டைம் கியூப்புக்கு வரும் ஆகஸ்ட் மாதம் 1ஆம் தேதி முதல் ஷிப்டிங் வசதி உண்டு என்று கியூப் நிர்வாகம் ஒப்புதல் அளித்துள்ளது என்பதை மகிழ்ச்சியுடன் தெரிவித்து கொள்கிறோம்இவ்வாறு அந்த அறிக்கையில் குறிப்பிடப்பட்டுள்ளது

இயக்குனர் ஏ.எல்.விஜய் 2வது திருமணத்திற்கு ஒப்புக்கொண்டதாகவும், அவரை திருமணம் செய்யப்போகும் பெண் குறித்த தகவலும் வெளியாகியுள்ளது.

பிரபல தயாரிப்பாளர் ஏ.எல்.அழகப்பனின் இளைய மகன் ஏ.எல்.விஜய், கீரிடம் படத்தின் மூலம் இயக்குனராக அறிமுகமானார். அதனை தொடர்ந்து ’பொய் சொல்லப் போறோம்’, ‘மதராச பட்டினம்’, ‘தெய்வ திருமகள்’, ‘தலைவா’, ‘சைவம்’, ‘தேவி’ ஆகிய படங்களை இயக்கினார்.

தெய்வ திருமகள் படத்தின் போது அந்த படத்தில் நடித்த அமலா பாலுடன் காதல் வயப்பட்டு 2014 ஆம் திருமனம் செய்துக்கொண்டு, கருத்து வேறுபாடி காரணமாக விவாகரத்து பெற்றனர். அதன் பின்னர் விஜய்யின் 2வது திருமணம் குறித்து அவ்வப்போது செய்திகள் வெளியானது.

தற்போதும் அதேபோல் ஒரு செய்தி வெளியாகியுள்ளது. அதாவது, விஜய் 2வது திருமணத்திற்கு சம்மதம் தெரிவித்துவிட்டதாகவும், சென்னை மண்ணிவாக்கத்தை சேர்ந்த ராஜன்பாபு – அனிதா தம்பதியின் மகள் ஐஸ்வர்யாவை திருமணம் செய்ய உள்ளதாகவும் செய்தி வெளியாகியுள்ளது.

ஐஸ்வர்யா டாக்டர். பொதுநல மருத்துவராக பணியாற்றி வருகிறாராம். அடுத்த மாதம் 11ஆம் தேதி சென்னையில் இவர்களது திருமணம் நடைபெற உள்ளது என செய்திகள் தெரிவிக்கின்றன.

தென்னிந்திய நடிகர் சங்க தேர்தல் வரும் 23 ஆம் தேதி நடைபெறும் என்று அறிவிக்கப்பட்டிருந்த நிலையில், உறுப்பினர்கள் நீக்கப்பட்ட விவகாரத்தில் தேர்தலை நிறுத்தி சங்கங்களின் பதிவாளர் கடந்த புதன்கிழமை உத்தரவிட்டார். அந்த உத்தரவை எதிர்த்து நடிகர் விஷால் தொடர்ந்த வழக்கை வெள்ளியன்று விசாரித்த சென்னை உயர்நீதிமன்ற நீதபதி ஆதிகேசவலு, நடிகர் சங்க தேர்தலை நிறுத்தி பதிவாளர் பிறப்பித்த உத்தரவுக்கு இடைக்கால தடை விதித்தார்.

ஏற்கனவே திட்டமிட்டபடி தேர்தல் நடத்தலாம் என்றும், மறு உத்தரவு பிறப்பிக்கும் வரை முடிவுகளை வெளியிடக் கூடாது என்றும் நீதிபதி உத்தரவிட்டிருந்தார். தேர்தலை எங்கு நடத்தலாம் என்பதை, ஏற்கனவே வழக்கை விசாரித்த நீதிபதி ஆனந்த் வெங்கடேஷிடம் முறையிட்டு இறுதி செய்து கொள்ளலாம் என்று நீதிபதி ஆதிகேசவலு அறிவுறுத்தி இருந்தார்.

இதையடுத்து தேர்தலுக்கு பாதுகாப்பு வழங்க காவல்துறைக்கு உத்தரவிடக் கோரி ஏற்கனவே விஷால் தொடர்ந்த வழக்கை அவசர வழக்காக விசாரிக்க கோரி நீதிபதி ஆனந்த் வெங்கடேசிடம் முறையீடு செய்யப்பட்டது. அதனை ஏற்று சென்னை பெசன்ட்நகரில் உள்ள நீதிபதி ஆனந்த் வெங்கடேஷ் வீட்டில் வழக்கு விசாரணைக்கு எடுத்துக் கொள்ளப்பட்டது.

நடிகர் சங்க தேர்தலை நடத்த அனைத்து ஆயத்தப்பணிகளும் தயார் நிலையில் இருப்பதாக, விஷால் தரப்பில் வாதிடப்பட்டது. சென்னை மயிலாப்பூரில் உள்ள எப்பாஸ் பள்ளியில் தேர்தல் நடத்தலாம் என்றும் ஏற்கனவே அங்குதான் நடத்தப்பட்டது என்றும் தெரிவிக்கப்பட்டது. அந்த பள்ளியில் அனைத்து வசதிகளும் இருப்பதாகவும், உரிய பாதுகாப்பு வழங்க காவல்துறை உத்தரவிட வேண்டும் என்றும் கோரிக்கை வைக்கப்பட்டது.

காவல்துறை சார்பில் அரசின் குற்றவியல் தலைமை வழக்கறிஞர் நடராஜன் ஆஜராகி வாதிட்டார். ஏற்கனவே சில நிகழ்ச்சிகளுக்கு பாதுகாப்பு வழங்க வேண்டியிருப்பதால் அதிகப்படியான காவலர்களை கொண்டு பாதுகாப்பு வழங்குவதில் சிரமம் இருப்பதாக அவர் வாதிட்டார்.

இருதரப்பு வாதங்களை கேட்ட நீதிபதி, மயிலாப்பூர் எப்பாஸ் மகளிர் மேல்நிலைப்பள்ளியில் நடிகர் சங்க தேர்தலை இன்று நடத்த அனுமதி அளித்து உத்தரவிட்டார். முடிந்தவரை காவல்துறையினர் உரிய பாதுகாப்பு வழங்கவும் உத்தரவு பிறப்பித்தார்.

இதனிடையே ஐசரி கணேஷ், அனந்தராமன் ஆகிய இருவர் மீதும் நீதிமன்ற அவமதிப்பு வழக்கை, நீதிபதி தானாக முன்வந்து தொடுத்துள்ளார். நடிகர் சங்க வழக்கை விசாரணைக்கு ஏற்க வேண்டுமென தம்மை அவர்கள் இருவரும் வேறு ஒருவர் மூலம் அணுகியதாகவும், இதனால் அவர்கள் மீது நீதிமன்ற அவமதிப்பு வழக்கை பதிவு செய்வதாகவும் நீதிபதி ஆனந்த்வெங்கடேஷ் தெரிவித்துள்ளார்.

இதனிடையே செய்தியாளர்களிடம் பேசிய நடிகர் பாக்கியராஜ், அமைதியான முறையில் தேர்தல் நடைபெற வேண்டும் என்பதே தங்களுடைய குறிக்கோள் என்று தெரிவித்தார்.

(பைட்)

இதனிடையே, நடிகர் சங்க தேர்தலில் தபால் வாக்கு தாமதமாக கிடைத்ததால் சங்க தேர்தலில் ஓட்டு போட இயலாது என நடிகர் ரஜினிகாந்த் தமது டிவிட்டர் பதிவில் தெரிவித்துள்ளார்.

தென்னிந்திய திரைப்பட மற்றும் தொலைக்காட்சி தயாரிப்பாளர்கள் சங்கத் தேர்தல் உயர்நீதிமன்ற உத்தரவுபடி கடந்த ஆண்டு நடைபெற்றது இதில் சங்கத்தின் தலைவராக சண்டைப்பயிற்சி இயக்குநர் ஜாகுவார்தங்கம் மற்றும்  ஒன்பது நிர்வாகிகள் தேர்ந்தெடுக்கப்பட்டனர் இந்நிலையில் அந்த தேர்தலில் எதிரணியாக செயல்பட்ட திருக்கடல் உதயம் விஜயராகவ சக்கரவர்த்தி  உள்ளிட்ட சிலர்  சங்கத்தை முடக்க வேண்டும் என்ற  நோக்கத்துடன் செயல்பட்டு வருவதாக கூறப்படுகிறது. இந்நிலையில் நேற்று முன் தினம் தங்களை ஜாக்குவார் தங்கம் அணியினர் தாக்கியதாக காவல் நிலையத்தில் புகார் அளித்துள்ளனர் இது தொடர்பாக காவல்துறையினர் சம்பவம் நடைபெற்றதாக கூறப்படும் இடத்தில் உள்ள கண்காணிப்பு கேமரா பதிவுகளை வைத்து ஆய்வு செய்தபோது இது போன்ற சம்பவம் நடைபெறவில்லை என தெரிய வந்தது.  இந்நிலையில் ஜாக்குவார் தங்கம்  சென்னை காவல் ஆணையர் அலுவலகத்தில்  இன்று புகார் மனு ஒன்றை அளித்தார்.  அதில்,  தன் மீது பொய் புகார் கூறி வருபவர்கள் மீது நடவடிக்கை எடுக்க வேண்டும் என கோரிக்கை விடுத்துள்ளார்.

சென்னை நேரு விளையாட்டு அரங்கில் சிறப்பு ஒலிம்பிக்ஸ் அமைப்பு சார்பாக சிறப்பு ஒலிம்பிக் சர்வதேச போட்டிகள் வரும் ஆகஸ்ட் 03 முதல் 6 வரை 3  நாட்கள் நடைபெற உள்ளது. இதில் பல்வேறு நாடுகளிலிருந்து சிறப்பு மற்றும் மாற்று திறன் கொண்ட 200 ற்கும் மேற்பட்ட  குழந்தைகளுகான கலந்து கொண்டு விளையாடவுள்ளனர்

இது குறித்தான செய்தியாளர் சந்திப்பு தியாகராய நகரிலுள்ள தனியார் விடுதியில் நடைபெற்றது. இந்த நிகழ்வில் சிறப்பு விருந்தினராக  நடிகையும் சமூக ஆர்வலருமான  வரலட்சுமி  கலந்து கொண்டு சிறப்பு ஒலிம்பிக் போட்டிகளுக்கான ஆடைகளை அறிமுகம் செய்து வைத்தார்…பின்னர் செய்தியாளர்களிடம் பேசிய அவர், சிறப்பு ஒலிம்பிக்கிற்கு அனைவரும் ஒத்துழைப்பு தந்து வெற்றி பெற செய்ய வேண்டும் என்று தெரிவித்தார்.

கோவையில் புதிதாக தொடங்கப்பட்டுள்ள பிரபல நகை கடை திறப்பு விழாவில் கலந்து கொண்ட அவர் பின்னர் செய்தியாளர்களுக்கு பேட்டி அளித்தார். அப்போது தனது நடிப்பில் உருவாகியுள்ள சிந்துபாத் திரைப்படம் அடுத்த மாதம் 15-ந் தேதி வெளியாக உள்ளது என்றும் அனைத்து விதமான திரைப்படங்களிலும் நடித்து வருவதாகவும் தெரிவித்தார். எல்லோரையும் போல் தானும் தேர்தல் முடிவை எதிர்நோக்கி இருப்பதாகவும்,  மதுரையில் நேற்று தினம் செய்தியாளர்களுக்கு பேட்டியளித்த போது ஆட்சி மாற்றம் ஏற்பட வேண்டும் என தான் குறிப்பிடவில்லை எனவும்தெரிவித்த விஜயசேதுபதி  தனது கருத்து திரிக்கப்பட்டுவிட்டதாகவும் விளக்கமளித்தார்.