Home Archive by category தமிழ்நாடு

தமிழ்நாடு

மதுரை விமான நிலையத்தில் செய்தியாளர்களிடம் பேசிய அவர்,

மத்திய நிதியமைச்சர் நாடாளுமன்றத்தில் பட்ஜெட் உரையின்போது, புறநானுற்றுப் பாடலை மேற்கோள் காட்டியது உலகத்திற்கு தமிழையும் தமிழர்களையும் அடையாளப்படுத்தி பெருமைப்படுத்திய நிகழ்ச்சி என கூறினார். ராஜீவ் காந்தி கொலை வழக்கு கைதி நளினிக்கு சட்டத்துக்குட்பட்டு மனித நேயத்தோடு பரோல் வழங்கப்பட்டுள்ளதாகவும் கூட்டணி குறித்த கற்பனையான, தேவையில்லாத கேள்விகளுக்கு பதில் சொல்லாமல் இருப்பதே புத்திசாலித்தனம் என்றும் அமைச்சர்  ஆர்.பி.உதயகுமார் தெரிவித்தார்.

பஞ்சபூத தலங்களில் ஆகாய தலமாக விளங்கும் சிதம்பரம் நடராஜர் கோவில் கடலூர் மாவட்டத்தில் அமைந்துள்ளது.  இக்கோவிலில் ஆனி மற்றும் மார்கழி மாதங்களில் நடைபெறும் திருத்தேர் வீதி உலா மிகவும் முக்கியத்துவம் வாய்ந்ததாகும். ஏனெனில் இந்த இரு விழாக்களின் போதும் மூலவரே தேரில் எழுந்தருள்வது சிறப்பாகும். .இந்தாண்டிற்கான ஆனித் திருமஞ்சன விழா கடந்த 29ஆம் தேதி தொடங்கியது. இவ்விழாவின் முக்கிய நிகழ்வான திருத்தேர் திருவிழா இன்று நடைபெற்று வருகிறது. விநாயகர், முருகன், நடராஜர், சிவகாக சுந்தரி அம்பாள், சண்டிகேசுவரர் ஆகிய ஐவரும் தனித்தனித் தேர்களில் வலம் வருகின்றனர். ஆயிரக்கணக்கான பக்தர்கள் தேர்களை வடம் பிடித்து இழுத்து வழிபட்டு வருகின்றனர். தேர்கள் செல்லும் வழிகளெல்லாம், பெண்கள் வண்ணக் கோலமிட்டு சாமி தரிசனம் செய்தனர் .மேலும் தேர்த்திருவிழாவையொட்டி, பெண்களின் பரதநாட்டியம் நடைபெற்று வருகிறது. இன்று மாலை திருதேர் நிலைக்கு  வந்தடைந்ததும் அங்கு சமகால லட்சார்ச்சனை என்ற சிறப்பு பூஜை நடைபெற உள்ளது. தேர் திருவிழாவை முன்னிட்டு வெளி மாநிலங்கள் மற்றும் வெளி மாவட்டங்களைச் சேர்ந்த பக்தர்கள் திரண்டுள்ளனர்.

 என்று  தெரிவித்துள்ளார்.

ஆதிதிராவிட மக்களுக்காக குரல் கொடுத்த இரட்டைமலை சீனிவாசனின் 160 ஆவது பிறந்த நாளையொட்டி,  சென்னை கிண்டியில் அவரது நினைவாக கட்டப்பட்டுள்ள மண்டபத்தில்நிறுவப்பட்டுள்ள சிலைக்கு  அமைச்சர்கள் ஜெயக்குமார், சரோஜா, பெஞ்சமின் ஆகியோர் மாலை அணிவித்து மரியாதை செலுத்தினார். பின்னர், செய்தியாளர்களுக்கு பேட்டியளித்த  அமைச்சர் ஜெயக்குமார், “கட்சியின் கீழ்மட்ட தொண்டர்களுக்கும் மதிப்பளிப்பது அதிமுக மட்டுமே என்றும் கொடி கட்டிய தொண்டனும், இன்று கொடி கட்டிய காரில் பறப்பது அதிமுகவில்தான் என்றும் தெரிவித்தார்.

தமிழக அரசின் அனுமதியின்றி ஹைட்ரோகார்பன் திட்டத்தை தமிழகத்தில் செயல்படுத்த முடியாது என்று தெரிவித்த அமைச்சர்,   சமூக செயற்பாட்டாளர் முகிலன் காணாமல் போன விவகாரத்தில் சிபிசிஐடி போலீசார் திறம்பட செயல்பட்டு அவரை மீட்டுள்ளதாகவும்,  தொடர்ந்து விசாரணை நடைபெற்று வருவதாகவும் கூறினார். மேலும்,நீட் மசோதாக்கள் நிராகரிக்கப்பட்டது குறித்து எழுப்பப்பட்ட கேள்விக்கு பதில் அளித்த அமைச்சர் ஜெயக்குமார், “தன்னை ஏன் இப்படி வறுத்தெடுக்கிறீர்கள்  என்று  சலித்துக் கொண்டார். மேலும்  நீட் மசோதாக்கள் நிராகரிக்கப்பட்டது குறித்து தற்போது கருத்து கூற முடியாது” என்று  அமைச்சர் ஜெயக்குமார் பதில் அளித்துள்ளார்.

சமூக ஆர்வலர் முகிலன் கடந்த பிப்ரவரி மாதம் திடீரென காணாமல் போனதால் அவரை கண்டுபிடிக்க நீதிமன்றத்தில் ஆட்கொணர்வு மனு தாக்கல் செய்யப்பட்டது. இதன் அடிப்படையில் சிபிசிஐடி போலீசார் முகிலனை கண்டுபிடிக்க தீவிர முயற்சியில் ஈடுபட்டு வந்தனர். இந்நிலையில்  நேற்று திருப்பதி ரயில் நிலையத்தில் ஆந்திர மாநில போலிசார் அவரை கண்டுபிடித்தனர். இதையடுத்து முகிலனை தங்களிடம் ஒப்படைக்குமாறு தமிழக சி.பி.சி.ஐ.டி. போலீசார், ஆந்திர போலீசாருக்கு வேண்டுகோள் விடுத்தனர். இதனை ஏற்று ஆந்திரா போலீசார் காட்பாடி ரெயில்வே காவல் நிலையத்தில் முகிலனை சிபிசிஐடி போலீசாரிடம் ஒப்படைத்தனர். முகிலன் கண்டுபிடிக்கப்பட்டதாக செய்தி அறிந்த அவரது மனைவி பூங்கொடி அவரை சந்திப்பதற்காக நேற்றிரவு சென்னைக்கு புறப்பட்டார். அவர் பயணம் செய்த  கார் கள்ளக்குறிச்சி அருகே வந்த போது திடீரென  டயர் வெடித்து விபத்துக்குள்ளானது.  இதில் காயமடைந்த பூங்கொடி அருகில் உள்ள மருத்துவமனையில் அனுமதிக்கப்பட்டு  சிகிச்சை பெற்று வருவதாக தகவல் வெளியாகியுள்ளது.

159 கோடி ரூபாய் மதிப்பில் 500 புதிய பேருந்துகளின் சேவையை முதல்வர் பழனிசாமி கடந்த 4-ம் தேதி கொடியசைத்து  தொடங்கி வைத்தார். பின்னர் இந்த பேருந்துகள் அனைத்தும் விரைவுப்போக்குவரத்துக்கழகம், மாநகரப்போக்குவரத்து கழகம் உள்ளிட்ட பல்வேறு கோட்டங்களுக்கு பிரித்து அனுப்பப்பட்டன. இந்நிலையில் தமிழக அரசு தற்போது அறிமுகப்படுத்தியுள்ள புதிய பேருந்துகளினுள் அவசர வழி என்று தமிழில் எழுதுவதற்கு பதில் அந்த வார்த்தை ஆங்கிலம் மற்றும் இந்தியில் இடம் பெற்று இருப்பது காண்போரை அதிர்ச்சியடைய வைத்துள்ளது. அதே போல தீயணைப்பான் உள்ளிட்ட அவசர குறிப்புகள் பலவும் தமிழில் எழுதப்படுவதற்கு பதில், ஆங்கிலம் மற்றும் இந்தியில் எழுதப்பட்டுள்ளது. இது, தமிழக மக்களிடையே கடும் கொந்தளிப்பை ஏற்படுத்தியுள்ளது. இதனிடையே தமிழக அரசின் இந்த செயலுக்கு, திமுக மக்களவை உறுப்பினர் கனிமொழி கடும் கண்டனம் தெரிவித்துள்ளார். இது தொடர்பாக தனது கருத்தை  சுட்டுரைப் பக்கத்தில் புகைப்படத்துடன் பதிவிட்டுள்ள அவர், தமிழக மக்களின் வரி பணத்தில் புதிதாக வாங்கியிருக்கும் பேருந்துகளில் தமிழுக்கு இடமில்லை என்பது கண்டிக்கத்தக்கது என்றும் மத்திய அரசின் இந்தி திணிப்பு ஒருபுறம் என்றால், அவர்களுக்கு தாங்களும் சளைத்தவர்கள் அல்ல என  அதிமுக அரசு இந்தியை திணிப்பதாகவும் சாடியுள்ளார்.

தமிழக மக்களின் வரிப்பணத்தில் வாங்கப்படும் மாநில பேருந்துகளில் கூட இந்தி ஆக்கிரமிப்பு செய்து இருப்பது தமிழர்கள் மத்தியில் கடும் கோபத்தை ஏற்படுத்தியுள்ளதாக கனிமொழி தெரிவித்துள்ளார்.

இது தொடர்பாக மாநிலங்களவையில் பேசிய அவர், தமிழகத்தில் 23 இடங்களில் ஹைட்ரோ கார்பன் கிணறுகள் அமைப்பதில் மத்திய அரசு உறுதியாக இருப்பதாகவும், . 2 ஆயிரம் அடியில் துளையிட்டு ஹைட்ரோ கார்பன் எடுப்பதால் சுற்றுச்சூழலுக்கும் மட்டுமல்ல, மனித உயிருக்கும் கேடு விளைவிக்கும் என்றும் கூறினார். தமிழகத்தில் மழை இல்லாததால் கடும் வறட்சி நிலவுகிறது என்றும்  காவிரியில் தண்ணீர் இல்லாததால்  நிலத்தடி நீர் வற்றிவிட்ட நிலையில்  வறண்ட நிலத்தில் ஹைட்ரோ கார்பன் எடுத்தால் நிலைமை இன்னும் மோசமாகும் என்று  அவர் தெரிவித்தார். மேலும் நாடு எண்ணெய் உற்பத்தியில் தன்னிறைவு பெற வேண்டும் என்பதற்காக உயிர்நாடியான விவசாயத்தை அழிக்க வேண்டாம் என அவர்  வேண்டுகோள் விடுத்தார்.

. மேலும் ஹைட்ரோ கார்பன் திட்டத்தை பாலைவனம் போன்ற இடங்களில் செயல்படுத்துங்கள் என திருச்சி சிவா வலியுறுத்தினார்.

இதனிடையே காவேரி படுக்கையில் செயல்படுத்த உள்ள ஹைட்ரோ கார்பன் திட்டத்தை நிறுத்தக்கோரி திமுக நாடாளுமன்ற குழுத் தலைவர் டி.ஆர்.பாலு மக்களவையில் ஒத்திவைப்பு தீர்மான நோட்டிஸ் அளித்துள்ளார்.

சென்னையில் இயக்கப்படும் மாநகரப் பேருந்துகளில் நாள்தோறும் பல்லாயிரக்கணக்கான மக்கள் பயணம் செய்கின்றனர். இந்நிலையில், எவ்வித முன்னறிவிப்பும் இன்றி போக்குவரத்து ஊழியர்கள் இன்று காலை திடீர் வேலைநிறுத்தத்தில் ஈடுபட்டனர்.

ஜூன் மாத ஊதியம் வழங்கப்படாததைக் கண்டித்து போராட்டம் நடத்துவதாக அவர்கள் தெரிவித்தனர். வழக்கமாக மாத இறுதி நாளில் ஊழியர்களின் வங்கிக் கணக்கில் ஊதியம்செலுத்தப்படும்என்றும்  ஆனால் ஜூன் மாதத்திற்கான ஊதியம் இன்று வரை வழங்கப்படவில்லை என்றும் அவர்கள் கூறினர். போக்குவரத்து ஊழியர்களின் போராட்டம் காரணமாக கிண்டி, வடபழனி, வியாசர்பாடி, தாம்பரம், ஆவடி, உள்ளிட்ட இடங்களில் பேருந்துகள் புறப்படவில்லை. இதனால் மாணவ-மாணவிகள், பணிக்கு செல்வோர் செய்வதறியாது திகைத்து நின்றனர். இதனிடையே, இன்று மாலைக்குள் போக்குவரத்து ஊழியர்களுக்கு ஊதியம் வழங்கப்படும் என போக்குவரத்துத்துறை அறிவித்துள்ளது. நேற்று விடுமுறை நாள் என்பதால் வங்கிக் கணக்கில் பணம் செலுத்த முடியவில்லை என தெரிவித்த அதிகாரிகள்,  குறைவான ஊதியம் என்ற வதந்தியை நம்ப வேண்டாம் என  கேட்டுக் கொண்டனர். அதிகாரிகள் விளக்கம் அளித்ததைத் தொடர்ந்து ஊழியர்கள் வேலைநிறுத்தத்தை  கைவிட்டு பணிக்கு திரும்பினர்.

றைந்த முதல்வர் ஜெயலலிதாவின் மரணம் தொடர்பாக விசாரணை நடத்தி வரும்   ஆறுமுகசாமி விசாரணை ஆணையத்திற்கு தடை விதிக்க கோரி  .

அப்பல்லோ மருத்துவமனை நிர்வாகம்  தொடர்ந்த வழக்கை சென்னை உயர்நீதிமன்றம் தள்ளுபடி செய்து உத்தரவிட்டது. இதை எதிர்த்து அப்பல்லோ சார்பில் உச்ச நீதிமன்றத்தில் தாக்கல் செய்யப்பட்ட மேல்முறையீட்டு மனுவில், பல்வேறு தகவல்களை மருத்துவர்கள் விசாரணை ஆணையத்திடம் அளித்த பிறகும், மீண்டும் மீண்டும் மருத்துவர்கள் விசாரணைக்கு அழைக்கப்படுவதாகவும், எனவே விசாரணை ஆணையத்தில் 21 மருத்துவர்கள் கொண்ட குழுவை அமைத்து விசாரணை நடத்த வேண்டும் என்றும் கோரிக்கை முன் வைக்கப்பட்டது. இது குறித்து தமிழக அரசு பதிலளிக்கும்படி உத்தரவிட்ட உச்ச நீதிமன்றம், அதுவரை ஜெயலலிதா மரணம் குறித்து விசாரணை நடத்த ஆறுமுகசாமி விசாரணை ஆணையத்துக்கு இடைக்காலத் தடை விதித்து உத்தரவிட்டிருந்தது.இந் நிலையில், இந்த தடை உத்தரவை மேலும் 4 வாரங்களுக்கு நீட்டித்து உச்ச நீதிமன்றம் இன்று உத்தரவிட்டுள்ளது. இதனிடையே,  ஆறுமுகசாமி விசாரணை ஆணையத்தின் காலம் ஜூன் 24 ஆம் தேதியுடன் முடிவடைந்ததையடுத்து,  மேலும் 4 மாதம், கால அவகாசத்தை நீட்டித்து, தமிழக அரசு உத்தரவு பிறப்பித்துள்ளது குறிப்பிடத்தக்கது.

மாநிலங்களவைத் தேர்தலில் திமுக சார்பில் தொ.மு.ச பொதுச் செயலளார் மு.சண்முகம்,  வழக்கறிஞர் பி.வில்சன் ஆகியோர் போட்டியிடுவதாக அதிகாரப்பூர்வமாக  அறிவிக்கப்பட்டுள்ளது.

தற்போதைய மாநிலங்களவை உறுப்பினர்கள், அதிமுகவைச்  கே.ஆர்.அர்ஜுனன், வி.மைத்ரேயன், ஆர்.லட்சுமணன், டி.ரத்தினவேல்,இந்தியக் கம்யூனிஸ்ட் கட்சியைச் சேர்ந்த , டி. ராஜா, ஆகிய 5பேரின் பதவிக் காலம் ஜூலை 24-ஆம் தேதியுடன் நிறைவடைகிறது. மேலும், திமுக உறுப்பினரான கனிமொழியின் மாநிலங்களவை உறுப்பினர் பதவிக் காலமும் முடிவடையும் சூழலில் அவர் மக்களவைத் தேர்தலில் வெற்றி பெற்றதால் தனது பதவியை ராஜிநாமா செய்தார்.இதனால், தமிழகத்தில் ஆறு மாநிலங்களவை உறுப்பினர் இடங்கள் காலியாக உள்ளன. இந்தக் காலியிடங்களை நிரப்புவதற்கான தேர்தல் அறிவிப்பு கடந்த 26-ஆம் தேதி வெளியிடப்பட்டது. இதன்படி வேட்புமனு தாக்கல் இன்று தொடங்கி வரும் 8- ந் தேதி நிறைவடைகிறது. வேட்புமனுக்கள் மீதான பரிசீலனை 9-ஆம் தேதி நடைபெறுகிறது. மனுக்களைத் திரும்பப் பெற 11-ஆம் தேதி கடைசி நாளாகும். வாக்குப் பதிவு தேவைப்படும் பட்சத்தில் 18-ஆம் தேதி நடைபெறும் என இந்திய தேர்தல் ஆணையம்  அறிவித்துள்ளது. சட்டமன்ற உறுப்பினர்களின் எண்ணிக்கை அடிப்படையில் அதிமுகவுக்கு 3 இடங்கள், திமுகவுக்கு 3 இடங்கள் என சரிசமாக கிடைக்கும். அந்த வகையில், திமுக சார்பில் தொ.மு.ச பொதுச் செயலளார் மு.சண்முகம் மற்றும் வழக்கறிஞர் வில்சன் ஆகியோர் போட்டியிடுவதாக  இன்று அதிகாரப்பூர்வமாக அறிவிக்கப்பட்டுள்ளது. கடந்த மக்களவை தேர்தலின் போது ஏற்படுத்திக் கொண்ட ஒப்பந்தப்படி மீதியுள்ள  ஒரு இடம் மதிமுகவுக்கு ஒதுக்கீடு செய்யப்பட்டுள்ளது. மதிமுக சார்பில் வைகோ போட்டியிடுவார் என்று எதிர்பார்க்கப்படுகிறது.

டெல்லியில் இருந்து சென்னை திரும்பிய அவர் விமான நிலையத்தில் செய்தியாளர்களுக்கு பேட்டி அளித்தார். அப்போது,

அகில இந்திய தலைவராக ராகுல் காந்தி நீடிக்க வேண்டும் என்று அவரிடம்  கோரிக்கை வைத்துள்ளதாக தெரிவித்தார்.

  தமிழகத்தில் நிலவிவரும் தண்ணீர் பிரச்னையை முடிவுக்கு கொண்டுவர மத்திய,  மாநில அரசுகள் இணைந்து நடவடிக்கை எடுக்க வேண்டும் என்றும் இதனை பேரிடராக கருதி மத்திய அரசு நிவாரண நிதி ஒதுக்க  வேண்டும் என்றும் அவர் வலியுறுத்தினார்.

நாடாளுமன்றத்தில் பேசிய தேனி உறுப்பினர் ரவீந்திரநாத், தமிழகத்தில் தண்ணீர் பிரச்சினை இல்லை என்று கூறியது ஏற்றுக்கொள்ள முடியாது என்றும்  சில நாட்களுக்கு முன்பு டெல்லி சென்ற  ஓ. பன்னீர்செல்வம் மத்திய அரசிடம் தண்ணீர் பிரச்சனைக்காக நிதி கேட்டது ஏன் என்றும் அவர்  கேள்வி எழுப்பினர்.

தங்க தமிழ்ச்செல்வன் திமுகவில் இணைந்த்து குறித்து  கருத்துக் கூற இயலாது என்றும்  அது அவரவரின் விருப்பம்எனவும் அவர் குறிப்பிட்டார்.

பெரிய கட்சிகளில் இடைநீக்கம் செய்வதும்,  பின்னர்  சேர்ப்பதும் இயல்பு என்றும்  கூறிய திருநாவுக்கரசர்,  காங்கிரசில் இருந்து இடைநீக்கம் செய்யப்பட்ட கராத்தே தியாகராஜன் குறித்து  கருத்து கூற எதுவும் இல்லை என்று  கூறினார்.