Home Archive by category தமிழ்நாடு (Page 2)

தமிழ்நாடு

மேட்டூர் அணை நீர்மட்டம் 117 அடியை எட்டிய நிலையில், வினாடிக்கு 18 ஆயிரம் கன அடி நீர் தொடர்ந்து வந்துகொண்டிருக்கிறது.

காவிரி நீர்ப்பிடிப்புப் பகுதிகளில் கனமழை காரணமாக கர்நாடக அணைகள் நிரம்பிய நிலையில், பெருமளவு தண்ணீர் திறந்து விடப்பட்டதால், மேட்டூர் அணை நீர்மட்டம் வேகமாக உயரத் தொடங்கியது. இதனைத் தொடர்ந்து மேட்டூர் அணையில் இருந்து பாசனத்துக்கு தண்ணீர் திறந்து விடப்பட்டுள்ளது. இந்நிலையில் மழை குறைந்த போதும் கர்நாடக அணைகளில் இருந்து தொடர்ந்து தண்ணீர் வந்துகொண்டிருக்கிறது. தற்போது மேட்டுர் அணைக்கு வினாடிக்கு 18 ஆயிரம் கன அடி தண்ணீர் வந்துகொண்டிருக்கும் நிலையில், நீர்மட்டம் 117 அடியாகவும், நீர் இருப்பு 88 புள்ளி 795 டி.எம்.சி.யாகவும் உள்ளது. அணையில் இருந்து டெல்டா பாசனத்துக்கு வினாடிக்கு 10 ஆயிரம் கன அடி நீரும், கிழக்கு மற்றும் மேற்கு கால்வாய் பாசனத்திற்கு வினாடிக்கு 600 கன அடி தண்ணீரும் வெளியேற்றப்படுகிறது.

மாட்டு வண்டித்தொழிலாளர்களின் தொடர் போராட்டத்தின் பலனாக வேலூரில் ஒன்றரை ஆண்டுகளுக்கு பின்னர் மாட்டு வண்டி மணல் குவாரிகள் திறக்கப்பட்டது.

தமிழக அரசு பொதுப்பணித்துறை மூலம் மாட்டு வண்டி மணல்குவாரி அமைக்க உத்தரவிட்டு 6 மாதங்களுக்கு பின்னர், இன்று மாட்டு வண்டி மணல்குவாரிகள் திறக்கப்பட்டுள்ளது. மாட்டு வண்டி ஒன்றிற்கு 105 ரூபாய் செலுத்தி மணல் எடுக்க பொதுப்பணித்துறை அதிகாரிகள் அனுமதிக்கின்றனர்.

தற்போது நாட்டு வண்டி அடையாள அட்டை வைத்திருப்பவர்களுக்கு நாள் ஒன்றிற்கு ஒரு மாட்டு வண்டி வீதம் மணல் வழங்கப்படும். இதனால் ஆயிரத்து 100 மாட்டு வண்டித் தொழிலாளர்களுக்கு தற்போது வேலை வாய்ப்பு கிடைத்துள்ளது. வேலூர் உள்பட பல மாவட்டங்களில் கடந்த ஒன்றரை ஆண்டுகளாக மணல் மாட்டு வண்டி குவாரிகள் மூடப்பட்டிருந்ததால், கட்டுமான பணிகள் முழுமையாக பாதிக்கப்பட்டிருந்தது. தங்களுக்கு குவாரி அமைத்து தர வேண்டுமென மாட்டு வண்டித்தொழிலாளர்கள் பல கட்டபோராட்டங்களை நடத்தி வந்தனர் என்பது குறிப்பிடத்தக்கது.

தாம்பரம் நகராட்சி சார்பில் மழைநீர் சேகரிப்பு குறித்து விழிப்புணர்வு கூட்டம் நடைபெற்றது

சென்னை தாம்பரம் நகராட்சி அலுவலகத்தில் மழைநீரின் சேகரிப்பு குறித்து விழிப்புணர்வு கூட்டம் பொறுப்பு ஆணையரான பொறியாளர் எம் கருப்பையா ராஜா தலைமையில் நடைபெற்றது. இந்த கூட்டத்தில் மழைநீரை எப்படி சேமிப்பது, அதனை எப்படி பயன்படுத்துவது என்பது குறித்த குறும்படங்கள் திரையிடப்பட்டு டெங்கு கொசு ஒழிப்பு பணியாளர்களுக்கு விழிப்புணர்வு ஏற்படுத்தப்பட்டது.இதில் நூற்றுக்கும் மேற்பட்டோர் கலந்து கொண்டு பயனடைந்தனர்.

கிருஷ்ணகிரி மாவட்டம் ஓசூர் அருகே மக்களை அச்சுறுத்தி வரும் 2 காட்டுயானைகளை பிடிக்க கும்கி யானைகள் அழைத்து செல்லப்பட்டுள்ளன.

ஓசூர் சுற்றுவட்டாரங்களான கெலவரப்பள்ளி அணைப்பகுதி, பாகலூர் உள்ளிட்ட இடங்களில் சுற்றித் திரியும் கொம்பன், மார்க் என அழைக்கப்படும் இரண்டு காட்டுயானைகள் பொதுமக்களை அச்சுறுத்துவதோடு விளைநிலங்களையும் சேதப்படுத்தி வருகின்றன.
இவற்றில் கொம்பன் என அழைக்கப்படும் காட்டுயானை மனிதர்களையும் தாக்கக்கூடியது. இந்தயானைகளை பிடிக்க பரணி, மாரியப்பன் என்ற இரு கும்கி யானைகள் கடந்த வாரமே ஓசூர் வனக்கோட்டத்துக்கு வரவழைக்கப்பட்ட நிலையில் மழையின் காரணமாக பணிகள் தாமதமாகி வந்தன. இந்நிலையில் ஓசூர் வனக் கோட்ட அலுவலகத்தில் இருந்து இன்று கதிரேப்பள்ளி என்னுமிடத்துக்கு கும்கி யானைகள் அழைத்து செல்லப்பட்டுள்ளன. மயக்க ஊசி செலுத்த 2 பேர் கொண்ட மருத்துவக்குழுவும், யானைகளை பிடிக்க ஓசூர், சூளகிரி, தேன்கனிக்கோட்டை, ஜவளகிரி, அஞ்செட்டி ஆகிய வனக்கோட்டங்களை சேர்ந்த 100க்கும் மேற்பட்ட வனத்துறையினரும் தயார் நிலையில் உள்ளனர். வனத்துக்குள் காட்டு யானைகள் இருக்கும் இடத்தை கண்டறியும் பணி தொடங்கியுள்ளது.

தமிழகத்திற்குள் 6 பயங்கரவாதிகள் ஊடுருவி உள்ளதாக உளவுத்துறை எச்சரிக்கை விடுத்துள்ளது. இதையடுத்து தமிழகம் முழுவதும் பாதுகாப்பு அதிகரிக்கப்பட்டுள்ளது.

ஊடுருவியுள்ள 6 பேரும் லஷ்கர் இ தொய்பா தீவிரவாத இயக்கத்தை சேர்ந்தவர்கள் என்றும், இலங்கை வழியாக தமிழகத்திற்குள் நுழைந்துள்ளதாகவும் மத்திய உளவுத்துறை கூறியுள்ளது. இவர்கள் இலங்கையில் தீவிரவாத தாக்குதல் நடத்திய தீவிரவாதிகள் என்றும் தகவல்கள் வெளியானது. இதனையடுத்து கண்காணிப்பை தீவிரப்படுத்த அனைத்து மாவட்ட எஸ்.பி.க்களுக்கும் டிஜிபி அதிரடி உத்தரவை பிறப்பித்துள்ளார். இதையடுத்து நேற்று நள்ளிரவு முதல் தமிழகம் முழுவதும் போலீசார் தீவிர சோதனை நடத்தி வருகின்றனர். சென்னை, கோவை, மதுரை, திருச்சி உள்பட மாவட்டத்தின் அனைத்து இடங்களிலும் போலீசார் தீவிர சோதனையில் ஈடுபட்டுள்ளனர். குறிப்பாக கோவை மாவட்டத்தில் பாதுகாப்பு தீவிரப்படுத்தப்பட்டுள்ளது. கோவை மாவட்டத்தில் உள்ள ரெயில் நிலையம், பேருந்து நிலையம் மற்றும் வழிபாட்டுத் தலங்கள் உள்ளிட்ட மக்கள் கூடும் இடங்களில் போலீசார் தீவிர சோதனையில் ஈடுபட்டுள்ளனர். கோவையில் தேசிய புலனாய்வு முகமை அதிகாரிகள் சோதனையில் ஈடுபட்டு வருகின்றனர். மாநிலம் முழுவதும் விமான நிலையம், ரயில் நிலையங்கள் மற்றும் பேருந்து நிலையங்களில் மோப்ப நாய்களுடன் வெடிகுண்டு நிபுணர்கள் சோதனையில் ஈடுபட்டுள்ளனர். இதே போல் கோயில்கள், மசூதிகள், தேவாலயங்களிலும் பாதுகாப்பு பலப்படுத்தப்பட்டுள்ளது. வேளாங்கண்ணி கோயில் திருவிழா மற்றும் விநாயகர் சதூர்த்தி வருவதாலும் உச்சகட்ட பாதுகாப்புக்கு ஏற்பாடு செய்யப்பட்டுள்ளது.

தமிழகத்தின்  14  மாவட்டங்களில்  கனமழைக்கு  வாய்ப்பு  இருப்பதாக  சென்னை  வானிலை ஆய்வு மையம் தெரிவித்துள்ளது.

வளிமண்டல  மேலடுக்கு   சுழற்சி  மற்றும்   வெப்பச்  சலனம்  காரணமாக  தமிழகம்  மற்றும்    புதுவையில்  பெரும்பாலான  மாவட்டங்களில்  மிதமான  மழை  பெய்யக்  கூடும்  என்று  வானிலை   மையம்  கூறியுள்ளது.

வேலூர்,  தருமபுரி,   கிருஷ்ணகிரி ,  ஈரோடு,   கோயம்புத்தூர்,  நீலகிரி,   தேனி,  திண்டுக்கல், திருவண்ணாமலை,   கடலூர்,   விழுப்புரம்,  நாகப்பட்டினம்,  திருவாரூர்,  தஞ்சை   மாவட்டங்களிலும்,   புதுவை   மற்றும்   காரைக்காலிலும்,  ஓரிரு  இடங்களில்  கனமழைக்கு  வாய்ப்புள்ளதாக  தெரிவிக்கப்பட்டுள்ளது.

தென்   மேற்கு  வங்கக்   கடல் சீற்றத்துடன்  காணப்படுவதாலும்,  மணிக்கு  45  முதல்  50  கிலோ  மீட்டர்  வேகத்தில்  காற்று  வீசக்  கூடும்  என்பதாலும்,  மீனவர்கள்   மீன்பிடிக்கச்  செல்ல     வேண்டாம்  என எச்சரிக்கை  விடுக்கப்பட்டுள்ளது.

சென்னையில்  வானம்  மேகமூட்டத்துடன்  காணப்படும்  என்றும்,  மாலை  அல்லது   இரவு  நேரங்களில்  லேசானது  முதல்   மிதமான மழை பெய்யக் கூடும் என்றும்  வானிலை மையம் தெரிவித்துள்ளது.

சேலத்தில் உருக்காலையை தனியாருக்கும் முயற்சியை மத்திய அரசு கைவிட வலியுறுத்தி மாவட்ட ஆட்சியர் அலுவலகம் முன்பு தொழிற்சங்கங்கள் சார்பில்  உண்ணாவிரத போராட்டம் நடைபெற்றது. இந்த போராட்டத்திற்கு அம்மா மக்கள் முன்னேற்ற கழகத்தினர் நேரில் சென்று தங்களின் ஆதரவை தெரிவித்தனர். இதில் 500க்கும் மேற்பட்ட ஊழியர்கள் கலந்து கொண்டு முழக்கங்களை எழுப்பினர்.

கோவை மாவட்ட மூத்தோர் தட கள சங்கம் சார்பில் நாட்டிலேயே முதல் முறையாக போட்டிகளுக்கு ஆன்லைன் முறையில் பதிவு செய்யும் இணையதளத்தை அறிமுகம் செய்யபட்டது. ஆண் பெண் இருபாலரும், 10 வயது முதல் 30 வயதுக்குட்பட்டோர் இந்த போட்டியில் பங்கேற்கலாம் என மூத்தோர் தடகள சங்கத்தின் தலைவர் தெய்வசிகாமணி தெரிவித்தார். இந்நிகழ்ச்சியில் மூத்த தடகள வீரர் கோபால் சாமி உள்பட ஏராளமானோர் கலந்து கொண்டனர்.

2 நாள்கள் சுற்றுப்பயணமாக பிரான்சுக்கு சென்ற பிரதமர் மோடிக்கு உற்சாக வரவேற்பு அளிக்கப்பட்டது.

இந்தியா-பிரான்ஸ் இடையே நல்லுறவு நீடித்து வரும் நிலையில், இந்த உறவை மேலும் வலுப்படுத்தும் வகையில் பிரதமர் மோடி பிரான்ஸ் நாட்டிற்கு சென்றார்.

பாரிஸ் விமான நிலையம் சென்ற பிரதமர் மோடிக்கு உற்சாக வரவேற்பு அளிக்கப்பட்டது.   பிரான்சு அதிபர் இம்மானுவேல் மேக்ரான் மற்றும் பிரதமர் எடுவோர்டு பிலிப் ஆகியோரை பிரதமர் மோடி  சந்தித்து பேச உள்ளார்.

பாரீசில் வசித்து வரும் இந்தியர்கள் மத்தியில் பிரதமர் மோடி இன்று உரையாற்றுகிறார். இதைத்தொடர்ந்து கடந்த 1950 மற்றும் 1966-ம் ஆண்டுகளில் நடந்த ஏர் இந்தியா விமான விபத்துகளில் உயிரிழந்த இந்தியர்களின் நினைவாக அமைக்கப்பட்டு உள்ள நினைவுச்சின்னம் ஒன்றை பிரதமர் மோடி திறந்து வைக்கிறார்.

தனது சுற்றுப்பயணத்தை முடித்துக்கொண்டு,  பிரான்சில் இருந்து பிரதமர் மோடி அமீரகத்துக்கு புறப்படுகிறார். அங்கிருந்து 24-ந்தேதி பக்ரைன் செல்லும் பிரதமர், 25-ந்தேதி மீண்டும் பிரான்சின் பியாரிட்ஸ் நகருக்கு செல்கிறார். அங்கு 25 மற்றும் 26-ந்தேதிகளில் நடைபெறும் ஜி-7 மாநாட்டில் மோடி பங்கேற்கிறார். இந்த அமைப்பில் இந்தியா உறுப்பினர் இல்லை என்றாலும், நட்பு நாடு என்ற முறையில் இந்த மாநாட்டுக்கு பிரதமர் மோடிக்கு அழைப்பு விடுக்கப்பட்டு இருக்கிறது.

இந்த 2 நாள் மாநாட்டில் சுற்றுச்சூழல், காலநிலை, பெருங்கடல் மற்றும் டிஜிட்டல் பரிமாற்றங்கள் குறித்து பிரதமர் உரையாற்றுவார் என எதிர்பார்க்கப்படுகிறது. மேலும் மாநாட்டுக்கு இடையே ஜி-7 உறுப்பு நாடுகளின் தலைவர்களை தனித் தனியாக பிரதமர் மோடி சந்தித்து பேசுகிறார். இதில் இருதரப்பு உறவுகள் குறித்து விரிவாக பேசப்படுகிறது.

தமிழகத்தின் 14 மாவட்டங்களில் அடுத்த இரண்டு நாட்களுக்கு கனமழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

வளிமண்டல மேலடுக்கு சுழற்சி மற்றும் வெப்பச்சலனம் காரணமாக தமிழகம் மற்றும் புதுவையில் பெரும்பாலான மாவட்டங்களில் மிதமான மழை பெய்யக் கூடும் என்று வானிலை மையம் கூறியுள்ளது. குறிப்பாக வேலூர், தருமபுரி, கிருஷ்ணகிரி ,ஈரோடு, கோயம்புத்தூர், நீலகிரி, தேனி, திண்டுக்கல்,திருவண்ணாமலை, கடலூர், விழுப்புரம், நாகப்பட்டினம், திருவாரூர், தஞ்சை மாவட்டங்களிலும், புதுவை மற்றும் காரைக்காலிலும், ஓரிரு இடங்களில் கனமழைக்கு வாய்ப்பு உள்ளதாக தெரிவிக்கப்பட்டுள்ளது. விழுப்புரம் மாவட்டம் சங்கராபுரம் மற்றும் தஞ்சை மாவட்டம் கும்பகோணத்தில் தலா 10 சென்டி மீட்டர் மழையும், நாகை மாவட்டம் மயிலாடுதுறையில் 8 சென்டி மீட்டர் மழையும் பதிவாகி உள்ளது. தென் மேற்கு வங்கக் கடல் சீற்றத்துடன் காணப்படுவதாலும், மணிக்கு 45 முதல் 50 கிலோ மீட்டர் வேகத்தில் காற்று வீசக் கூடும் என்பதாலும், மீனவர்கள் அந்தப் பகுதிக்கு மீன்பிடிக்கச் செல்ல வேண்டாம் என எச்சரிக்கை விடுக்கப்பட்டுள்ளது. சென்னையில் வானம் மேகமூட்டத்துடன் காணப்படும் என்றும், மாலை அல்லது இரவு நேரங்களில் லேசானது முதல் மிதமான மழை பெய்யக் கூடும் என்றும் வானிலை மையம் தெரிவித்துள்ளது.