Home Archive by category தேசம்

தேசம்

மகாராஷ்டிராவின் சிப்லுன் தாலுகாவில் உள்ள திவாரே அணை 14 ஆண்டுகளுக்கு முன்பு கட்டப்பட்டது. இந்த அணையின் கட்டுமானப்பணிகளை சிப்லுன் தொகுதி சட்டமன்ற உறுப்பினர்சதானந்த் சவானுக்கு சொந்தமான ‘கெம்டெக்’ என்ற நிறுவனம் மேற்கொண்டது. கடந்த நவம்பர் மாதமே இந்த அணையில் விரிசல் ஏற்பட்டிருப்பதாக அப்பகுதி மக்கள் அதிகாரிகளிடம் முறையிட்டிருந்தனர். இதையடுத்து,  சில மாதங்களுக்கு முன்பு அதிகாரிகள் அணையை பார்வையிட்டு சில மராமத்து பணிகளை மேற்கொண்டனர். ஆனால், அணையை பலப்படுத்தவோ அல்லது அணையில் விரிசல் ஏற்பட்ட பகுதியை நிரந்தரமாக சீரமைக்கவோ எந்த நடவடிக்கையும் எடுக்கப்படவில்லை என்று கூறப்படுகிறது. இந்நிலையில், கடந்த வாரம் வியாழக்கிழமை முதல், விடாது பெய்த கனமழை காரணமாக திவாரே அணை முழு கொள்ளளவை எட்டிய நிலையில், திடீரென அணையில் ஏற்கனவே விரிசல் ஏற்பட்டிருந்த பகுதி உடைந்து அணை நீர் வெள்ளமாக  வெளியேறியது. இதில் அணையை ஒட்டியுள்ள திவாரே உள்ளிட்ட 7 கிராமங்களை  வெள்ள நீர் சூழ்ந்தது.  வீடுகளில் தூங்கி கொண்டிருந்த பலர் வெள்ளநீரில் அடித்துச் செல்லப்பட்டனர்.இந்நிலையில் மீட்கப்பட்ட உடல்களின் எண்ணிக்கை 19 ஆக உயர்ந்துள்ளது. இறந்தவர்களின் அடையாளம் கண்டு உடல்களை உறவினர்களிடம் போலீசார் ஒப்படைத்து வருகின்றனர். மாயமான இன்னும் 4 பேரை தேடும் பணி தொடர்ந்து நடைபெற்று வருகிறது.  வெள்ளத்தில் சிக்கி சேதமடைந்த பகுதிகளை சீரமைக்கும் பணிகள் வேகமுடன் நடந்து வருகின்றன.

மும்பையில் பெய்து வரும் கனமழை காரணமாக இயல்பு வாழ்க்கை கடுமையாக பாதிக்கப்பட்டுள்ளது.

மகாராஷ்டிர மாநிலம் மும்பை மற்றும் அதன் சுற்றுப்புற பகுதிகளில் கனமழை பெய்து வருகிறது. இதன் காரணமாக தாழ்வான பகுதிகள் தண்ணீரில் தத்தளிக்கின்றன. குறிப்பாக மும்பையில் சாலைகள் மற்றும் ரெயில் தண்டவாளங்கள் அனைத்தும்  மழைநீர் சூழ்ந்து வெள்ளக்காடாக காட்சி அளிக்கின்றன. இதனால் போக்குவரத்து பாதிக்கப்பட்டுள்ளது. இந்நிலையில் 4வது நாளாக நேற்றும் மும்பையில் தொடர் மழை பெய்தது. நேற்று இரவு மட்டும் மும்பையில் 360 மில்லி மீட்டர் மழை கொட்டித் தீர்த்தது. அதிகாலை 4 மணி முதல் 5 மணி வரை மட்டும் 100 மில்லி மீட்டர் மழை பதிவாகி உள்ளது. இந்த தொடர் மழையால் சாலைகளில் மேலும் மழை நீர் சேர்ந்து ஆறுபோல் காட்சியளித்தது. இதனால் வாகன போக்குவரத்து கடுமையாக பாதிக்கப்பட்டுள்ளது. தாதர் கிழக்கு உள்ளிட்ட பகுதிகளில் மாணவர்கள் தண்ணீரில் தத்தளித்தபடி பள்ளிக்கு சென்றனர். பல்வேறு பகுதிகளில் ரெயில் தண்டவாளங்கள் நீரில் மூழ்கி உள்ளன. இதனால் ரெயில் போக்குவரத்து கடுமையாக பாதிக்கப்பட்டுள்ளது. பல்வேறு ரெயில்கள் ரத்து செய்யப்பட்டுள்ளன. ரெயில்கள் ரத்து, போக்குவரத்து மாற்றம் தொடர்பாக ரெயில்வே நிர்வாகம் தொடர்ந்து சமூக வலைத்தளம் மூலம் தகவல் வெளியிட்டு வருகிறது.

மகாராஷ்டிரா மாநிலம் புனேயில் உள்ள கொந்த்வா என்ற பகுதியில் அடிக்குமாடி குடியிருப்பின் சுற்றுச்சுவர் திடீரென இடிந்து விழுந்தது. இதனால் சுற்றுசுவரை ஒட்டி பள்ளத்தில் அமைந்திருந்த குடிசைகளில் வசித்தவர்கள் இடிபாடுகளில் சிக்கிகொண்டனர். இந்த விபத்து குறித்து தகவல் அறிந்த போலீஸார் மற்றும் தேசிய பேரிடர் மீட்புப் படையினர் சம்பவ இடத்திற்கு விரைந்து சென்று மீட்பு பணிகளில் ஈடுபட்டனர்.

இந்த விபத்தில் 15 பேர் உயிரிழந்தனர். சிலர் பலத்த காயங்களுடன் மீட்கப்பட்டு மருத்துவமனையில் சேர்க்கப்பட்டனர்.

இது குறித்து அம்மாவட்ட ஆட்சியர் கூறுகையில்,  பலத்த மழை பெய்ததால் சுற்றுச்சுவர் இடிந்து விழுந்ததாகவும், இதன்மூலம் கட்டுமான நிறுவனத்தின் அலட்சியமான பணி வெளிச்சத்திற்கு வந்திருப்பதாகவும் தெரிவித்தார். சுற்றுச்சுவர் இடிந்து விழுந்ததில் உயிரிழந்த பெரும்பாலானோர் பீகார் மற்றும் மேற்கு வங்கத்தைச் சேர்ந்த தொழிலாளர்கள் எனபது குறிப்பிடத்தக்கது.

ஜம்மு காஷ்மீர் மாநிலம் சோபியான் மாவட்டத்தில் உள்ள டராம்டோரா பகுதியில் பயங்கரவாதிகள் பதுங்கி இருப்பதாககிடைத்த தகவலை அடுத்து

அந்தப் பகுதிக்கு சென்ற பாதுகாப்பு படையினர் அங்கு தேடுதல் வேட்டையில் ஈடுபட்டனர். அப்போது துப்பாக்கியால் சுட்டபயங்கரவாதிகளுக்கு பாதுகாப்பு படையினரும் பதிலடி கொடுத்தனர்.

இதில்  4 பயங்கரவாதிகள் சுட்டுக் கொல்லப்பட்டனர். அவர்களிடம் இருந்து ஆயுதங்கள், வெடிமருந்துகள் பறிமுதல் செய்யப்பட்டன.

தொடர்ந்து  அந்தப்பகுதியில் தேடுதல் வேட்டை நடைபெற்று வருவதாக அதிகாரிகள் தெரிவித்தனர்.

பீகார் மாநிலத்தில் குழந்தைகளை தாக்கும் மூளை காய்ச்சல் நோய் பரவி வருகிறது. இந்தக் காய்ச்சலுக்கு  கடந்த மாதம் வரை 11 குழந்தைகள் உயிரிழந்தனர். . ஆனால் இப்போது அதன் தாக்கம்  திடீரென அதிகரித்துள்ளது. இதனால் கடந்த சில நாட்களாக உயிரிழப்பு அதிகரித்து வருகிறது. ‘அக்யூட் என்சபிலிட்டிஸ் சிண்ட்ரோம்’ மற்றும் ‘ஜப்பான் என்சபிலிட்டிஸ்’ என2 வகையான மூளைக்காய்ச்சல் பரவி இருப்பது  ஆய்வில் கண்டுபிடிக்கப்பட்டுள்ளது. இதில் முசாபர்பூர் பகுதியில் அக்யூட் என்சபிலிட்டிஸ் சிண்ட்ரோம் மூளைக்காய்ச்சலும் கயா பகுதியில் ஜப்பான் என்சபிலிட்டிஸ் மூளைக்காய்ச்சலும் பரவியுள்ளது.  இதைத் தொடர்ந்து மத்திய நிபுணர் குழு பல்வேறு இடங்களுக்கு சென்று ஆய்வு நடத்தி சிகிச்சைகள் மேற்கொண்டு வருகின்றனர். இந்நிலையில், பீகாரில் மூளை காய்ச்சலுக்கு உயிரிழந்த குழந்தைகளின் எண்ணிக்கை 129ஆக அதிகரித்துள்ளது. முசாபர்பூர் நகரில் உள்ள மருத்துவமனையில் 109 பேரும், கெஜ்ரிவால் மருத்துவமனையில் 20பேரும் உயிரிழந்து உள்ளனர்.

மேலும், காய்ச்சல் பாதிப்பு அறிகுறியுடன் இருக்கும் பல குழந்தைகளுக்கு தீவிர சிகிச்சை அளிக்கப்பட்டு வருவதாகஅதிகாரிகள் தெரிவித்துள்ளனர்.

14-வது ‘ஜி-20’ உச்சி மாநாடு, ஜப்பான் நாட்டின் ஒசாகா நகரத்தில் வரும் 28-ந் தேதி தொடங்குகிறது.

இந்த மாநாட்டில் அர்ஜெண்டினா, ஆஸ்திரேலியா, பிரேசில், கனடா, சீனா, ஐரோப்பிய யூனியன், பிரான்ஸ், ஜெர்மனி, இந்தியா, இந்தோனேசியா, இத்தாலி, ஜப்பான், மெக்சிகோ, ரஷியா, சவுதி அரேபியா, தென் ஆப்பிரிக்கா, தென் கொரியா, துருக்கி, இங்கிலாந்து, அமெரிக்கா ஆகிய 20 நாடுகளின் தலைவர்கள் கலந்து கொள்கிறார்கள்.

இதில் இந்தியா சார்பில் பிரதமர் நரேந்திர மோடி கலந்துகொள்கிறார்.

இந்த மாநாட்டின் இடையே பிரதமர் நரேந்திர மோடி, அமெரிக்க அதிபர் டிரம்பை சந்தித்து இரு தரப்பு பேச்சு வார்த்தை நடத்துகிறார்.

அப்போது இந்தியாவை அமெரிக்கா வர்த்தக முன்னுரிமை நாடுகள் பட்டியலில் இருந்து விலக்கிய விவகாரம், இரு தரப்பு வரி விதிப்பு பிரச்சினை, விசா விவகாரம், இரு தரப்பு ராணுவ, அரசியல் உறவுகளை வலுப்படுத்துதல் உள்ளிட்டவை குறித்து விவாதிக்க முடிவு செய்யப்பட்டுள்ளதாக தகவல்கள் கூறுகின்றன.

இந்த உச்சி மாநாட்டுக்கு முன்னதாக அமெரிக்க வெளியுறவு அமைச்சர் மைக் பாம்பியோ வரும் 25-ந் தேதி இந்தியா வருவது குறிப்பிடத்தக்கது.

அவரது வருகையின் போது மோடி, டிரம்ப் சந்திப்பின்போது பேச விரும்பும் அம்சங்கள் பற்றி இறுதி செய்யப்படும் என தெரிகிறது.

பொருளாதாரக் கொள்கை குறித்த கலந்துரையாடல் அமர்வுக்கு நீதி ஆயோக் ஏற்பாடு செய்திருந்தது. இந்த கூட்டத்தில் பிரதமர் மோடி பொருளாதார மற்றும் தொழில் நிபுணர்களுடன் கலந்துரையாடினார். இதுகுறித்து பிரதமர் அலுவலகம் வெளியிட்டுள்ள அறிக்கையில்,

பொருளாதாரம் மற்றும் வேலைவாய்ப்பு, வேளாண்மை மற்றும் நீர் மேலாண்மை, ஏற்றுமதி, கல்வி மற்றும் சுகாதாரம் என 5 வேறுபட்ட பிரிவில் நிபுணர்கள் கலந்து கொண்டு தங்களது கருத்துகளை பகிர்ந்து கொண்டதாக தெரிவிக்கப்பட்டுள்ளது.

இதில், வர்த்தகம் மற்றும் தொழில் துறை அமைச்சர் பியூஷ் கோயல், நீதி ஆயோக் துணைத் தலைவர் ராஜீவ் குமார் மற்றும் மூத்த அதிகாரிகள் ஆகியோரும் பங்கேற்றனர்.

பிரதமர் மோடி தலைமையிலான ஆட்சி 2-வது முறையாக அமைந்ததை யடுத்து, மத்திய நிதியமைச்சர் நிர்மலா சீதாராமன் 2019-20 ஆம் நிதியாண்டுக்கான பொது பட்ஜெட்டை ஜூலை 5-ஆம் தேதி மக்களவையில் தாக்கல் செய்கிறார். இந்நிலையில், நிதிநிலை அறிக்கை அச்சிடப்படத் தொடங்குவதைக் குறிக்கும் அல்வா கிண்டும் நிகழ்வு நிதியமைச்சக அலுவலகத்தில் நேற்று நடைபெற்றது. இதில் நிதியமைச்சர் நிர்மலா சீதாராமன் கலந்து கொண்டார். பின்னர் பட்ஜெட் அச்சிடும் பணிக்கு பொறுப்பான அதிகாரிகள், ஊழியர்களுக்கு  அல்வா விநியோகிக்கப்பட்டது

 

பிரிட்டிஷ் ஹெரால்டு நாளிதழ் இணையம் மூலமாக வாசகர்களிடம் வாக்கெடுப்பு நடத்தியது.

இதில் ரஷ்ய அதிபர் விளாடிமிர் புதின், அமெரிக்க அதிபர்டொனால்ட் டிரம்ப் மற்றும் சீன அதிபர் ஜி ஜின்பிங் போன்ற 25க்கும் மேற்பட்ட முக்கிய மற்றும் பிரபலமான நபர்கள் இடம் பெற்றிருந்தனர். வாக்கெடுப்பில் வாசகர்களுக்கு வாக்களிக்க ஒருமுறை மட்டும் வாய்ப்பு வழங்கப்பட்டது.

எந்தவொரு நபருக்கும் எந்தவொரு தலைவருக்கும் ஒன்றுக்கு மேற்பட்ட முறை வாக்களிக்க முடியாது. இந்நிலையில் பிரதமர் நரேந்திர மோடி 30.9 சதவீத வாக்குகளைப் பெற்று முதலிடத்தை பிடித்துள்ளார்.

மோடிக்கு அடுத்தபடியாக இரண்டாவது இடத்தில் ரஷ்ய ஜனாதிபதி விளாடிமிர் புதின் இடம் பெற்றுள்ளார். அவர் 29.9 சதவீத வாக்குகளைப் பெற்றார். அமெரிக்க அதிபர் டொனால்ட் டிரம்ப் 21.9 சதவீத வாக்குகளுடன் மூன்றாம் இடத்தில் இருந்தார். இறுதியாக, சீனாவின் ஜனாதிபதி ஜி ஜின்பிங் 18.1 சதவீத வாக்குகளைப் பெற்றார்.

 

 

ராஜஸ்தானை சேர்ந்த ஒருவரின் வயிற்றில் இருந்து 116 ஆணிகள் அறுவை சிகிச்சை மூலம் நீக்கப்பட்டுள்ளன.

ராஜஸ்தான் மாநிலம் புண்டி பகுதியை சேர்ந்த போலா சங்கர் என்ற 43 வயதான நபர் கடுமையான வயிற்று வலி காரணமாண அரசு மருத்துவமனையில் அனுமதிக்கப்பட்டார். அவரை பரிசோதனை செய்த மருத்துவர்கள், எக்ஸ்ரே எடுத்து பார்த்த போது அவர் வயிற்றில் 100க்கும் மேல் ஆணிகள் இருந்ததை பார்த்து அதிர்ச்சி அடைந்துள்ளனர். பின்னர் அந்த ஆணிகளை அறுவை சிகிச்சை மூலம் மருத்துவர்கள் நீக்கினர்.

அந்த நபர் உளவியல் ரீதியாக பாதிக்கப்பட்டு இருப்பதாகவும், மேலும் அவர் மெல்லிய கம்பிகளையும் விழுங்கி உள்ளதும் அறுவை சிகிச்சையின் மூலம் தெரிவியவந்ததாகவும் மருத்துவர்கள் தெரிவித்துள்ளனர். ஆனால் அந்த நபரின் வயிற்றில் இருந்த ஆணிகளால் அவரது வயிற்றில் சிராய்ப்பு கூட ஏற்படாதது ஆச்சர்யமளிப்பதாகவும் மருத்துவர்கள் தெரிவித்துள்ளனர்.

திருப்பதி ஏழுமலையான் கோயிலில் வருடாந்திர திருக்கல்யாண உற்சவம்  கோலாகலத்துடன் தொடங்கியது. மூன்று நாட்கள் நடைபெறும் இந்த உற்சவத்தில் முதல் நாளான நேற்று மலையப்ப சுவாமி தங்க யானை வாகனத்தில் மாடவீதி வழியாக ஊர்வலமாக வந்து நாராயணகிரி பூங்காவை அடைந்தார். உடன் ஸ்ரீ தேவி, பூதேவி உற்சவ மூர்த்திகள் தங்கப் பல்லக்கில் ஊர்வலமாக அழைத்து வரப்பட்டனர். அப்போது மல்லிகை மலர்களால் செய்யப்பட்ட பந்துகளை ஒருவர் மீது ஒருவர் வீசி திருக்கல்யாண சம்மதத்தை தெரிவித்துக்கொண்டனர்.  திருக்கல்யாணம் நிச்சயிக்கப்பட்ட மகிழ்ச்சியால் பக்தர்கள் கோவிந்தா,கோவிந்தா என கோஷம் எழுப்பினர். இதையடுத்து ஸ்ரீதேவி பூதேவி சமேத மலையப்ப சுவாமி ஊஞ்சல் சேவை நடைபெற்றது.