Home Archive by category தேசம்

தேசம்

ராஜஸ்தானை சேர்ந்த ஒருவரின் வயிற்றில் இருந்து 116 ஆணிகள் அறுவை சிகிச்சை மூலம் நீக்கப்பட்டுள்ளன.

ராஜஸ்தான் மாநிலம் புண்டி பகுதியை சேர்ந்த போலா சங்கர் என்ற 43 வயதான நபர் கடுமையான வயிற்று வலி காரணமாண அரசு மருத்துவமனையில் அனுமதிக்கப்பட்டார். அவரை பரிசோதனை செய்த மருத்துவர்கள், எக்ஸ்ரே எடுத்து பார்த்த போது அவர் வயிற்றில் 100க்கும் மேல் ஆணிகள் இருந்ததை பார்த்து அதிர்ச்சி அடைந்துள்ளனர். பின்னர் அந்த ஆணிகளை அறுவை சிகிச்சை மூலம் மருத்துவர்கள் நீக்கினர்.

அந்த நபர் உளவியல் ரீதியாக பாதிக்கப்பட்டு இருப்பதாகவும், மேலும் அவர் மெல்லிய கம்பிகளையும் விழுங்கி உள்ளதும் அறுவை சிகிச்சையின் மூலம் தெரிவியவந்ததாகவும் மருத்துவர்கள் தெரிவித்துள்ளனர். ஆனால் அந்த நபரின் வயிற்றில் இருந்த ஆணிகளால் அவரது வயிற்றில் சிராய்ப்பு கூட ஏற்படாதது ஆச்சர்யமளிப்பதாகவும் மருத்துவர்கள் தெரிவித்துள்ளனர்.

திருப்பதி ஏழுமலையான் கோயிலில் வருடாந்திர திருக்கல்யாண உற்சவம்  கோலாகலத்துடன் தொடங்கியது. மூன்று நாட்கள் நடைபெறும் இந்த உற்சவத்தில் முதல் நாளான நேற்று மலையப்ப சுவாமி தங்க யானை வாகனத்தில் மாடவீதி வழியாக ஊர்வலமாக வந்து நாராயணகிரி பூங்காவை அடைந்தார். உடன் ஸ்ரீ தேவி, பூதேவி உற்சவ மூர்த்திகள் தங்கப் பல்லக்கில் ஊர்வலமாக அழைத்து வரப்பட்டனர். அப்போது மல்லிகை மலர்களால் செய்யப்பட்ட பந்துகளை ஒருவர் மீது ஒருவர் வீசி திருக்கல்யாண சம்மதத்தை தெரிவித்துக்கொண்டனர்.  திருக்கல்யாணம் நிச்சயிக்கப்பட்ட மகிழ்ச்சியால் பக்தர்கள் கோவிந்தா,கோவிந்தா என கோஷம் எழுப்பினர். இதையடுத்து ஸ்ரீதேவி பூதேவி சமேத மலையப்ப சுவாமி ஊஞ்சல் சேவை நடைபெற்றது.

கேரள மாநிலத்தின் பாரம்பரிய அடையாளமான பூரம் திருவிழா ஆண்டுதோறும் திருச்சூரின் ஆரட்டுப்புழா கோவிலில் நடைபெறுகிறது.

திருச்சூர் மற்றும் அதனை சுற்றியுள்ள இடங்களைச் சேர்ந்த 20க்கும் மேற்பட்ட கோயில்களில் இந்த பூரம் திருவிழாவை முன்னிட்டு கொண்டாட்டங்கள் களைகட்டியது. இதையடுத்து அலங்கரிக்கப்பட்ட யானைகளின் அணிவகுப்பு பார்வையாளர்களைக் வெகுவாகக் கவர்ந்தது.

பூரம் திருவிழாவின் மற்றொரு முக்கியமான அம்சமாக செண்டை, மத்தளம், எடக்கா, திமிலா மற்றும் கொம்பு உள்ளிட்ட பாரம்பரிய இசைக்கருவிகளைக் கொண்ட பஞ்சவாத்தியம் அல்லது பஞ்சரிமேள இசை நிகழ்ச்சியில் 200க்கும் மேற்பட்ட கலைஞர்கள் பங்கேற்று இசைத்தனர்.

பூரம் திருவிழாவை முன்னிட்டு நேற்று மாலை சிறப்பு வாண வேடிக்கை நிகழ்ச்சி நடைபெற்றது. இந்தத் திருவிழாவை முன்னிட்டு இந்தியாவில் மட்டுமன்றி வெளிநாடுகளில் இருந்தும் ஏராளமானோர் திரண்டுள்ளனர்.

திருவிழாவை முன்னிட்டு ஏராளமான போலீசார் பாதுகாப்புப் பணியில் ஈடுபடுத்தப்பட்டுள்ளனர். திருச்சூரில் போக்குவரத்து மாற்றமும் செய்யப்பட்டுள்ளது.

அமெரிக்காவின் லாக்ஹீட் மார்டின் நிறுவனத்திடம் எப்.,21 ரக போர் விமானங்கள் வாங்க இந்தியா டெண்டர் கோரியுள்ளது. 18 பில்லியன் டாலர் மதிப்பிலான இந்த ஒப்பந்தத்தில், 114 விமானங்களை வாங்க இந்திய விமானப்படை டெண்டர் கோரியுள்ள நிலையில், இந்த ஒப்பந்தத்திற்கு அமெரிக்கா, ரஷ்யா மற்றும் ஐரோப்பிய நாடுகள் பலவும் போட்டி போடுகின்றன.

இந்த போட்டியில், லாக்ஹீட் மார்டின் நிறுவனத்தின் எப்.,21,  உள்ளிட்ட  விமானங்கள் முன்னணியில் உள்ளன. இந்நிலையில், லாக்ஹீட் மார்டின் நிறுவனம் புதிய அறிவிப்பு ஒன்றை வெளியிட்டுள்ளது.

அதில், எப்.,21 ரக போர் விமானங்கள், இந்தியாவில் 60 விமான நிலையங்களில் செயல்படும் வகையில் உருவாக்கப்பட்டுள்ளதாக தெரிவித்துள்ளது. இதில் பல உயர்தர அதிநவீன அம்சங்கள் இணைக்கப்பட்டுள்ளதாகவும், இந்தியா தங்கள் நிறுவனத்துடன் ஒப்பந்தம் செய்தால், விமானத்தின் கட்டமைப்பு மற்றும் தொழில்நுட்பத்தை வேறு நாடுகளுக்கு விற்பனை செய்ய மாட்டோம் என கூறியுள்ளது.  டாடா நிறுவனத்துடன் இணைந்து இந்தியாவில் தயாரிக்கப்படுவதால், விலையும் குறைவாக கிடைக்கும் என அந்த அறிவிப்பில் தெரிவித்துள்ளது.

புல்வாமா தாக்குதலை தொடர்ந்து, கடந்த பிப்ரவரி 26-ந் தேதி பாகிஸ்தானில் உள்ள பாலகோட் பயங்கரவாத முகாமை இந்திய விமானப்படை விமானங்கள் தாக்கி அழித்தன.

இந்த சம்பவத்துக்கு பிறகு, தனது வான்வழி பாதையை மூடிய பாகிஸ்தான், இந்திய விமானங்களுக்கு தடை விதித்து உள்ளது.இந்த தடை காரணமாக, பாகிஸ்தான் சர்வதேச ஏர்லைன்ஸ் விமானங்களுக்கும் பெரும் இழப்பு ஏற்பட்டுள்ளது.

இதையடுத்து, இந்திய விமானங்களுக்கு பாகிஸ்தான் வான்வழி பாதையை மீண்டும் திறந்து விடுவது குறித்து நாளை முடிவு செய்யப்படும் என்று பாகிஸ்தான் சிவில் விமான போக்குவரத்து ஆணைய செய்தித்தொடர்பாளர் முஜ்தாபா பைக் தெரிவித்துள்ளார்.

மக்களவைத் தேர்தலுக்காக மத்திய பிரதேசத்தின் ராட்லம், இமாச்சலபிரதேசத்தின் சோலன், பஞ்சாப்பின் பத்திண்டா ஆகிய இடங்களில் நடைபெற்ற கூட்டங்களில் பிரதமர் மோடி கலந்து கொண்டு உரையாற்றினார். அப்போது பேசிய அவர், காங்கிரஸ் ஆட்சியின் போது பாதுகாப்பு படைகளின் தேவைகளில் 70 சதவிகிதம் வெளிநாடுகள் மூலமே பூர்த்தி செய்யப்பட்டதாக தெரிவித்தார்.

ராணுவ தளவாட உற்பத்தியில் 150 ஆண்டுகள் அனுபவம் இருந்தும் இந்தியா இன்னமும் இறக்குமதியை நம்பி இருப்பதற்கு காங்கிரசின் தவறான கொள்கைகளே காரணமென அவர் கூறினார்.

பாதுகாப்பு துறை ஒப்பந்தங்களை ஏடிஎம் எந்திரம் போல காங்கிரஸ் அரசு பயன்படுத்தியதாக கூறிய அவர், பாஜக ஆட்சியில் தான் இந்த நிலை மாறி உள்ளது என்றார். ஆயுஷ்மான் பாரத் திட்டத்தின் கீழ் பயன்பெறுவோரின் எண்ணிக்கை அமெரிக்கா, கனடா, மெக்சிகோ நாட்டு மக்கள் தொகையை விட அதிகம் என அவர் தெரிவித்தார்.

மத்தியில் எந்தக்கட்சிக்கும் பெரும்பான்மை இல்லாத நிலை ஏற்படும் பட்சத்தில் பா.ஜ.க., காங்கிரஸ் இல்லாத மூன்றாவது அணியின் ஆட்சியை அமைக்கும் முயற்சியில் தெலங்கானா ராஷ்டிரிய சமிதி கட்சித் தலைவரும், தெலங்கானா முதலமைச்சருமான சந்திரசேகர ராவ் ஈடுபட்டுவருகிறார். இதற்காக, மேற்கு வங்க முதலமைச்சர் மம்தாபானர்ஜி, கேரள முதலமைச்சர் பினராயி விஜயன் உள்ளிட்ட பல்வேறு அரசியல் தலைவர்களை சந்தித்து ஆதரவு திரட்டி வருகிறார். இந்நிலையில் திமுக தலைவர் மு.க.ஸ்டாலினை அவரது ஆழ்வார்பேட்டையில் உள்ள இல்லத்தில் சந்திரசேகரராவ் இன்று சந்தித்து  பேச்சுவார்த்தை நடத்தினார். திமுக பொருளாளர் துரைமுருகன், முதன்மை செயலாளர் டி.ஆர்.பாலு ஆகியோரும் அப்போது உடன் இருந்தனர். கருணாநிதியின் மார்பளவு வெண்கல உருவசிலையை ஸ்டாலின், சந்திரசேகரராவுக்கு பரிசளித்தார். சுமார் ஒன்றரை மணி நேரம் வரை இந்த சந்திப்பு நடைபெற்றது. அப்போது  பாஜக, காங்கிரசுக்கு மாற்றாக மூன்றாவது அணி அமைக்க ஆதரவு தர வேண்டும் என்று சந்திரசேகரராவ் தரப்பில் கோரிக்கை வைக்கப்பட்டதாக கூறப்படுகிறது. ஆனால், பாஜகவுக்கு எதிராக காங்கிரஸ் தலைமையில் ஒரே அணியில் திரளும் விதத்தில் கூட்டணியில் இணையுமாறு ஸ்டாலின் தரப்பில் வலியுறுத்தப்பட்டதாக கூறப்படுகிறது.

மேலும், வரும் 21 ஆம் தேதி டெல்லியில் எதிர்க்கட்சி தலைவர்கள் பங்கேற்கும் ஆலோசனை கூட்டத்தில் சந்திசேகரராவ் கலந்து கொள்ள வேண்டும் என்றும் ஸ்டாலின் கேட்டுக்கொண்டதாகவும் கூறப்படுகிறது. எனினும் இருதரப்பிலும் இறுதி முடிவு எதுவும் எடுக்கப்படவில்லை என தகவல்கள் தெரிவிக்கின்றன. இந்நிலையில்  திமுக தலைமை வெளியிட்டுள்ள அறிக்கையில் சந்திரசேகர ராவ்- மு.க.ஸ்டாலின் சந்திப்பு,மரியாதை நிமித்தமானது என்று தெரிவித்துள்ளது.

ஜம்மு காஷ்மீரின் ரம்பான் மாவட்டத்தில் உள்ள கூல் பகுதியில் பயங்கரவாதிகள் பதுங்கியிருப்பதாக கிடைத்த தகவலையடுத்து பாதுகாப்புப்படையினர் மற்றும் காவல்துறையினர் இணைந்து நேற்று இரவு தீவிர சோதனையில் ஈடுபட்டனர். அப்போது அப்பகுதியில் பதுங்கியிருந்த 2 தீவிரவாதிகளை சுற்றிவளைத்த பாதுகாப்புப்படையினர் அவர்களை கைது செய்தனர். மேலும் அவர்களிடம் இருந்து பணம் மற்றும்ஏராளமான ஆயுதங்கள் பறிமுதல் செய்யப்பட்டன. இதனையடுத்து நடத்திய விசாரணையில் அவர்கள் புல்வாமா தாக்குதலை போன்று மற்றுமொரு பயங்கரவாத தாக்குதலை நிகழ்த்த திட்டமிட்டிருந்தது தெரியவந்தது. அவர்களை கைது செய்ததன்மூலம் சதித்திட்டம் தவிர்க்கப்பட்டது. அவர்கள் எந்த இயக்கத்தை சேர்ந்தவர்கள் என்பது குறித்த தகவல் வெளியாகவில்லை.

 

2004, 2009-ம் ஆண்டுகளில் காங்கிரசுக்கு பெரும்பான்மை கிடைக்காத நிலையில் சில கட்சிகள் ஆதரவுடன் மன்மோகன்சிங் பிரதமரானார். அதுபோல்  பிரதமராக  ராகுல் விரும்பவில்லை என்று கூறப்படுகிறது. 272 இடங்களுக்கு மேல் கிடைக்காவிட்டால், ராகுல் காந்தி காங்கிரஸ் சார்பில் எந்த முயற்சியையும் செய்ய மாட்டார் என்று தெரிய வந்துள்ளது. நேரு, இந்திரா, ராஜீவ்காந்தியைப் போல் பெரும்பான்மை பலத்துடன்  ஆட்சியில் அமர ராகுல் காந்தி விரும்புவதாக கூறப்படுகிறது. அதே சமயத்தில் பாஜக ஆட்சி அமைப்பதை தடுக்கும் நடவடிக்கைகளில் ராகுல் காந்தி ஈடுபடுவார் என்பது உறுதியாகி உள்ளது. அதற்காக மாநில கட்சித் தலைவர்கள் யாராவது ஒருவர் ஒருமித்த முடிவுடன் பிரதமராக முன் வந்தால் அவரை ராகுல் ஏற்றுக் கொள்வார் என்று தெரிகிறது. கர்நாடகாவில்காங்கிரஸ் கட்சிக்கு அதிக எண்ணிக்கையில் சட்டமன்ற உறுப்பினர்கள் இருந்த நிலையிலும் 32சட்டமன்ற உறுப்பினர்களை மட்டுமே வைத்துள்ள குமாரசாமியை முதல் அமைச்சராக ஏற்றுக் கொண்டது இதேபோல் போல 30 நாடாளுமன்ற உறுப்பினர்களை வைத்திருந்தாலும் மாநில கட்சித் தலைவர் ஒருவரை பிரதமராக ஏற்க ராகுல் தயாராகி வருவதாக கூறப்படுகிறது. இதையடுத்து பாஜகவுக்கு எதிராக உள்ள கட்சிகளை ஒருங்கிணைக்கும் முயற்சிகளில் ஈடுபட்டுள்ள ராகுல் காந்திஇதற்காக  ஏ.கே. அந்தோணி, அசோக் கெலாட், ப.சிதம்பரம், குலாம்நபி ஆசாத் ஆகியோர் கொண்ட ஒரு குழுவை அமைத்துள்ளார்.  இந்தக்குழு மம்தா பானர்ஜி, மாயாவதி, அகிலேஷ் யாதவ், நவீன்பட்நாயக், ஜெகன்மோகன் ரெட்டி ஆகியோருடன் ரகசிய பேச்சுவார்த்தை நடத்தி வருவதாக தகவல் வெளியாகியுள்ளது. இதனிடையே,  பாஜக ஆட்சி அமைவதைத் தடுக்க எந்த தியாகத்துக்கும் தயாராக இருக்குமாறு காங்கிரஸ் மூத்த தலைவர்களை ராகுல் கேட்டுக் கொண்டுள்ளார்.

6-வது கட்ட மக்களவைத் தேர்தல் முடிந்துள்ள நிலையில், 7-வது கட்ட தேர்தல் வரும் 19 ஆம் தேதி நடைபெறுகிறது. தேர்தல் முடிவுகள் மே 23ல் வெளியிடப்பட உள்ளது.

இந்நிலையில் வாக்கு எண்ணிக்கையன்று, வாக்கு எண்ணும் மையங்களில் செய்ய வேண்டிய முன்னேற்பாடுகள் குறித்து மாநில தேர்தல் அதிகாரிகளுடன் தலைமைத் தேர்தல் அதிகாரி சுனில் அரோரா இன்று ஆலோசனை நடத்துகின்றார்.

வாக்கு எண்ணிக்கையின் போது 5 சதவீத ஒப்புகை சீட்டுகளை எண்ணுவதற்கு உச்சநீதிமன்றம் உத்தரவிட்டுள்ளது. இதனால் தேர்தல் முடிவுகள் 5 முதல் 6 மணி நேரம் தாமதமாகும் என்று கூறப்படும் நிலையில் இது குறித்தும் விவாதிக்கப்படுகிறது.