Home Archive by category வணிகம்

வணிகம்

பெட்ரோல், டீசல் விலை 14-வது நாளாக உயர்வு

பெட்ரோல், டீசல் ஆகியவற்றின் விலை 14-வது நாளாக இன்று மீண்டும் உயர்ந்திருப்பது, வாகன ஓட்டிகளை அதிர்ச்சியடைய வைத்துள்ளது.

சென்னை : மே-27

சென்னையில் நேற்று 80 ரூபாய் 95 காசுகளுக்கு விற்பனையான பெட்ரோலின் விலை, இன்று காலையில், 16 காசுகள் அதிகரித்து, 81 ரூபாய் 11 காசுகளாக நிர்ணயம் செய்யப்ப்ட்டுள்ளது. இதேபோன்று, நேற்று 72 ரூபாய் 74 காசுகளுக்கு விற்பனையான டீசல், 17 காசுகள் உயர்ந்து 72 ரூபாய் 91 காசுகளாக நிர்ணயம் செய்யப்பட்டுள்ளது. சர்வதேச சந்தையில் கச்சா எண்ணெய் விலை தொடர்ந்து அதிகரித்து வருவதால், பெட்ரோல், டீசல் விலை மேலும் அதிகரிக்குமென இந்தியன் ஆயில் நிறுவனங்கள் தெரிவிக்கின்றன. இதனால், காய்கறிகள் உள்ளிட்ட அத்தியாவசியப் பொருட்களின் விலை, ஆட்டோ, கால் டாக்சி மற்றும் பேருந்து கட்டணங்கள் உயரும் என்ற அச்சமும் மக்களிடையே எழுந்துள்ளது.

பெட்ரோல், டீசல் ஆகியவற்றின் விலை 11-வது நாளாக உயர்வு

பெட்ரோல், டீசல் ஆகியவற்றின் விலை 11-வது நாளாக இன்று மீண்டும் உயர்ந்திருப்பது, வாகன ஓட்டிகளை அதிர்ச்சியடைய வைத்துள்ளது.

சென்னை : மே-24

சென்னையில் பெட்ரோல் விலை லிட்டருக்கு 31 காசுகள் உயர்ந்து, 80 ரூபாய் 42 காசுகளுக்கு விற்பனையாகிறது. இதேபோல், டீசல் விலையும் 21 காசுகள் உயர்ந்து, 72 ரூபாய் 35 காசுகளுக்கு விற்பனையாகிறது. வரலாறு காணாத உச்சத்தில் பெட்ரோல் டீசல் விலை உயர்ந்து வரும் நிலையில் கடந்த பத்து நாட்களில் மட்டும் 3 ரூபாய்க்கு மேல் பெட்ரோல், டீசலின் விலை உயர்த்தப்பட்டுள்ளது. இதனால், காய்கறிகள் உள்ளிட்ட அத்தியாவசியப் பொருட்களின் விலை, ஆட்டோ, கால் டாக்சி மற்றும் பேருந்து கட்டணங்கள் உயரும் என்ற அச்சமும் மக்களிடையே எழுந்துள்ளது.

இந்நிலையில் பெட்ரோல், டீசல் விலை உயர்வை கண்டித்து, புதுக்கோட்டையில் ஆர்ப்பாட்டம் நடைபெற்றது. புதுக்கோட்டை சின்னப்பா பூங்கா அருகே நடைபெற்ற ஆர்ப்பாட்டத்தில் காங்கிரஸ் கட்சியினர் 100-க்கும் மேற்பட்டோர் கலந்து கொண்டு, பெட்ரோல், டீசல் விலை உயர்வை கண்டித்து கோஷங்களை எழுப்பினர்.

பெட்ரோல் விலை முன்னெப்போதும் இல்லாத அளவாக 80 ரூபாயைத் தாண்டியுள்ளது

பெட்ரோல், டீசல் ஆகியவற்றின் விலை 10-வது நாளாக இன்று மீண்டும் உயர்ந்துள்ளது. பெட்ரோல் விலை முன்னெப்போதும் இல்லாத அளவாக 80 ரூபாயைத் தாண்டியுள்ளது வாகன ஓட்டிகளை அதிர்ச்சியடைய வைத்துள்ளது.

சென்னை : மே-23

சர்வதேச சந்தையில் கச்சா எண்ணெய் விலை பேரல் ஒன்றுக்கு 80 டாலராக உயர்ந்துள்ளது. இதனால் கடந்த 10 நாட்களில் பெட்ரோல் விலை 2 ரூபாய் 68 காசுகளும், டீசல் விலை 2 ரூபாய் 58 காசுகளும் உயர்ந்துள்ளன. இன்று காலை நிலவரப்படி சென்னையில் ஒரு லிட்டர் பெட்ரோல் விலை சென்னையில் 80 ரூபாய் 11 காசுகளுக்கும், டீசல் விலை லிட்டருக்கு 72 ரூபாய் 14 காசுகளுக்கும் விற்பனை செய்யப்படுகிறது.

இதனிடையே, பெட்ரோல், டீசல் விலை உயர்வின் சுமையை எண்ணெய் நிறுவனங்களே ஏற்றுக் கொள்ள மத்திய அரசு அறிவுறுத்தியுள்ளது. கலால் வரி மற்றும் விற்பனையாளர்களின் கமிஷனைக் குறைத்து விலையை குறைப்பதற்கான நடவடிக்கையை மத்திய அரசு மேற்கொண்டு வருவதாகவும் அதிகாரிகள் விளக்கம் அளித்துள்ளனர். பெட்ரோல் டீசல் விலையை ஜிஎஸ்டி வரம்புக்குள் கொண்டு வர வேண்டும் என்று கோரிக்கைகள் எழுந்துள்ளது. இன்று நடைபெற உள்ள மத்திய அமைச்சரவைக் கூட்டத்தில் இப்பிரச்சினை குறித்து விவாதிக்கப்படும் என்றும் எதிர்பார்க்கப்படுகிறது.

பெட்ரோல், டீசல் ஆகியவற்றின் விலை 9-வது நாளாக இன்று மீண்டும் உயர்வு

பெட்ரோல், டீசல் ஆகியவற்றின் விலை 9-வது நாளாக இன்று மீண்டும் உயர்ந்திருப்பது, வாகன ஓட்டிகளை அதிர்ச்சியடைய வைத்துள்ளது.

சென்னை : மே-22

சர்வதேச சந்தையில், கடந்த 4 ஆண்டுகளில் இல்லாத அளவுக்கு, ஒரு பேரல் கச்சா எண்ணெய் விலை 80 டாலராக அதிகரித்துள்ளது. கர்நாடகத் தேர்தலுக்குப் பின் ஒருவாரமாக உயர்த்தப்பட்டு வரும் பெட்ரோல் விலை இன்றும் உயர்ந்துள்ளது. சென்னையில், ஒரு லிட்டர் பெட்ரோல் 32 காசுகள் அதிகரித்து 79 ரூபாய் 79 காசுகளாக நிர்ணயம் செய்யப்பட்டுள்ளது. இதேபோல், டீசல் விலை 28 காசுகள் அதிகரித்து, 71 ரூபாய் 87 காசுகளுக்கு விற்பனை செய்யப்படுகிறது.

பங்குச்சந்தைகள் சரிவு

 

 

மும்பை பங்குச் சந்தையின் குறியீட்டு எண் சென்செக்ஸ் 232   புள்ளிகள்  சரிந்து 34 ஆயிரத்து 616 ஆக முடிவடைந்தது.

தேசிய பங்குச்சந்தையின் நிஃப்டி 80 புள்ளிகள் சரிந்து 10 ஆயிரத்து 516 ஆக நிறைவுற்றது.

தங்கம் விலை பவுனுக்கு ரூ.144 குறைவு

 

 

தங்கத்தின் விலை பவுனுக்கு 144 ரூபாய் குறைந்துள்ளது….

சென்னையில் ஒரு கிராம் ஆபரண தங்கத்தின் விலை இரண்டாயிரத்து 957 ரூபாய்க்கும், பவுன் 23 ஆயிரத்து 656 ரூபாய்க்கும் விற்பனையாகிறது.  

சில்லறை வெள்ளியின் விலை 42 ரூபாய் 90   காசுகளுக்கும், கட்டிவெள்ளி கிலோ 42 ஆயிரத்து  900 ரூபாய்க்கும் விற்பனையாகிறது.

பெட்ரோல், டீசல் விலை மீண்டும் உயர்வு: வாகன ஓட்டிகள் அதிர்ச்சி

 

 

பெட்ரோல், டீசல் ஆகியவற்றின் விலை எட்டாவது நாளாக இன்று மீண்டும் உயர்ந்திருப்பது, வாகன ஓட்டிகளை அதிர்ச்சியடைய வைத்துள்ளது.

சர்வதேச சந்தையில், கடந்த 4 ஆண்டுகளில் இல்லாத அளவுக்கு, ஒரு பேரல் கச்சா எண்ணெய் விலை 80 டாலராக அதிகரித்துள்ளது. கர்நாடகத் தேர்தலுக்குப் பின் ஒருவாரமாக உயர்த்தப்பட்டு வரும் பெட்ரோல் விலை இன்றும் உயர்ந்துள்ளது. சென்னையில், ஒரு லிட்டர் பெட்ரோல் 34 காசுகள் அதிகரித்து 79 ரூபாய் 47 காசுகளாக நிர்ணயம் செய்யப்பட்டுள்ளது. இதேபோல்,டீசல் விலை 27 காசுகள் அதிகரித்து 71 ரூபாய் 59 காசுகளுக்கு விற்பனை செய்யப்படுகிறது.

இதனிடையே, ஒடிசா மாநிலம் புவனேஸ்வரில் செய்தியாளர்களை சந்தித்த பெட்ரோலியத்துறை அமைச்சர் தர்மேந்திரபிரதான், நிருபர்களுக்கு பேட்டி அளித்தார். அப்போது அவர் கூறியதாவது:-

பெட்ரோலிய பொருட்கள் ஏற்றுமதி செய்யும் நாடுகள் உற்பத்தியை குறைத்து விட்டன. வெனிசுலாவில் அரசியல் ஸ்திர தன்மை நிலவுகிறது. ஈரான் மீது அமெரிக்கா பொருளாதார தடை விதித்துள்ளது.

இத்தகைய காரணங்களால் கடந்த வாரம் பெட்ரோலியம் விலை பேரலுக்கு 80 டாலர் உயர்ந்து விட்டது. பெட்ரோல் மற்றும் டீசல் மீது மாநிலங்களில் வாட் அல்லது மற்ற வரிகளும் அதிகம் வசூலிக்கப்படுகிறது. இதனால்தான் பெட்ரோலிய பொருட்களின் விலை அதிகரித்துள்ளது. எனவே மாநில அரசுகள் பெட்ரோல் மற்றும் டீசல் மீதான வாட் வரியை நீக்கி விட்டு ஜி.எஸ்.டி.யினை கொண்டு வர வேண்டும். தொடர்ந்து அதிகரித்து வரும் பெட்ரோல், டீசல் விலையை கட்டுப்படுத்த மத்திய அரசு ஆய்வுகள் மேற்கொண்டு வருகிறது.

அதன்படி பெட்ரோல் மற்றும் டீசல் மீதான கலால் வரியை நீக்க முடிவு செய்யப்பட்டுள்ளது. அதற்கான நடவடிக்கைகள் விரைவில் தொடங்கப்படும்.

இவ்வாறு அவர் கூறினார்.

சென்னையில் பெட்ரோல் விலை 80 ரூபாயை நெருங்கியுள்ளது

சென்னையில் நான்கரை ஆண்டுகளுக்குப் பிறகு பெட்ரோல் விலை 80 ரூபாயை நெருங்கியுள்ளது.

சென்னை : மே-20

சர்வதேச சந்தையில் நிலவும் கச்சா எண்ணெயின் விலைக்கு ஏற்ப மத்திய அரசுக்கு சொந்தமான எண்ணெய் நிறுவனங்கள் கடந்த ஓராண்டாக தினசரி அடிப்படையில் பெட்ரோல் மற்றும் டீசல் மீதான விலையை உயர்த்தியும், குறைத்தும் வருகின்றன. இந்நிலையில், கர்நாடக தேர்தலையொட்டி பெட்ரோல் மற்றும் டீசல் விலை உயர்த்தப்படாமல் இருந்தது. அதன்பின்னர் கடந்த 7 நாட்களாக விலை உயர்த்தப்பட்டு வருகிறது. கடந்த வாரத்தில் மட்டும் பெட்ரோல் விலை லிட்டருக்கு ஒரு ரூபாய் 70 காசுகளும், டீசல் விலை ஒரு ரூபாய் 76 காசுகளும் அதிகரித்துள்ளன. இன்று காலை நிலவரப்படி, பெட்ரோல் விலை 35 காசுகள் உயர்ந்து 79 ரூபாய் 13 காசுகளுக்கு விற்பனை செய்யப்படுகிறது. அதேபோன்று, டீசல் விலை 28 காசுகள் உயர்ந்து 71 ரூபாய் 32 காசுகளுக்கு விற்பனையாகிறது. சர்வதேச சந்தையில் கச்சா எண்ணெயின் விலையும் பேரலுக்கு 80 டாலராக விலை உயர்ந்துள்ளதால், பெட்ரோல் டீசல் விலை மேலும் அதிகரிக்கும் என்று கூறப்படுகிறது. பெட்ரோலியப் பொருட்கள் மீதான கலால் வரியை இம்மாத இறுதியில் மத்திய அரசு குறைக்க உள்ளதாக தகவல்கள் வெளியானபோதும், இது குறித்த உறுதியான அறிவிப்பு ஏதும் வெளியாகவில்லை என்பது குறிப்பிடத்தக்கது.

தங்கம் விலை பவுன் ஒன்றுக்கு ரூ.24,120க்கு விற்பனை

 

 

தங்கம் விலை பவுனுக்கு 88 ரூபாய் அதிகரித்துள்ளது….

சென்னையில் ஒரு கிராம் ஆபரண தங்கத்தின் விலை 3 ஆயிரத்து 15 ரூபாய்க்கும், பவுன் 24 ஆயிரத்து 120 ரூபாய்க்கும் விற்பனையாகிறது.

சில்லறை வெள்ளியின் விலை 43 ரூபாய் 80 காசுகளுக்கும், கட்டி வெள்ளி கிலோ 43 ஆயிரத்து 800 ரூபாய்க்கும் விற்பனையாகிறது.

பங்குச்சந்தைகள் சரிவு (10.05.18)

 

 

மும்பை பங்குச் சந்தையின் குறியீட்டு எண் சென்செக்ஸ் 73 புள்ளிகள்  சரிந்து 35 ஆயிரத்து 246 ஆக முடிவடைந்தது.

தேசிய பங்குச்சந்தையின் நிஃப்டி 25 புள்ளிகள் சரிந்து 10 ஆயிரத்து 716 ஆக நிறைவுற்றது.