Home Archive by category விளையாட்டு

விளையாட்டு

சர்வதேச கிரிக்கெட் கவுன்சிலில் முதல் பெண் நடுவராக இந்தியாவைச் சேர்ந்த ஜி.எஸ்.லட்சுமி நியமிக்கப்பட்டுள்ளார்.

இந்திய பெண்கள் கிரிக்கெட் அணியின் முன்னாள் வீராங்கனையான ஜி.எஸ்.லட்சுமி, 2008-2009ஆம் காலகட்டத்தில் உள்நாட்டு பெண்கள் போட்டியில் 3 ஒருநாள் போட்டிகள், மூன்று டி20 போட்டிகளுக்கு நடுவராக பணியாற்றியுள்ளார். இந்நிலையில் இவர் தற்போது சர்வதேச கிரிக்கெட் கவுன்சிலின் முதல் பெண் நடுவராக நியமிக்கப்பட்டுள்ளதாக அறிவிக்கப்பட்டுள்ளது.

இதுகுறித்து ஜி.எஸ்.லட்சுமி கூறும் போது, முதல் பெண் நடுவராக தேர்வு செய்யப்பட்டுள்ளது பெருமை அளிப்பதாகவும், ஒரு வீராங்கனையாகவும், கள நடுவராகவும் தான் பெற்ற அனுபவத்தின் அடிப்படையில் சர்வதேச போட்டிகளிலும் சிறந்த போட்டி நடுவராக செயல்படும் நம்பிக்கை இருப்பதாகவும் கூறினார்.

ஸ்பெயினில் நடைபெற்ற மாட்ரிட் ஓபன் டென்னிஸ் போட்டியின் இறுதி ஆட்டத்தில் நட்சத்திர வீரரான செர்பியாவின் நோவாக் ஜோக்கோவிச்சுடன் கிரீஸ் நாட்டின் சிட்சிபாஸ் மோதினார். விறுவிறுப்பாக நடைபெற்ற முதல் பாதி ஆட்டத்தில் 6-3 என்ற புள்ளிக்கணக்கில் முதல் செட்டை ஜோக்கோவிச் கைப்பற்றினார்.

இரண்டாவது செட் ஆட்டத்திலும் தொடர்ந்து ஆதிக்கம் செலுத்திய ஜோக்கோவிச் 6-4 என்ற செட் கணக்கில் சிட்சிபாஸை வீழ்த்தி அசத்தினார். வெற்றிபெற்ற ஜோக்கோவிச்சுக்கு இந்திய மதிப்பில் ஏறத்தாழ 10 கோடி ரூபாய் பரிசுத்தொகையுடன் கோப்பையும் வழங்கப்பட்டது.

டோனி தலைமையிலான சென்னை சூப்பர் கிங்ஸ் மற்றும் ரோகித் சர்மா தலைமையிலான மும்பை இந்தியன்ஸ் அணிகளுக்கு இடையேயான இறுதிப்போட்டி ஐதராபாத்தில் உள்ள ராஜீவ்காந்தி ஸ்டேடியத்தில் நேற்று நடைப்பெற்றது. டாஸ் வென்ற மும்பை அணி பேட்டிங்கை தேர்வு செய்தது. மும்பை அணி நிர்ணயிக்கப்பட்ட 20 ஒவர்களில் 8 விக்கெட்டுகளை இழந்து 149 ரன்கள் எடுத்தது. பின்னர் 150 ரன்கள் எடுத்தால் வெற்றி என்ற இலக்குடன் சென்னை அணியின் சார்பில் டூ பிளஸ்சிஸ், ஷேன் வாட்சன் ஆகியோர் முதலாவதாக களமிறங்கினர். முடிவில் சென்னை அணி 20 ஒவர்களில் 5 விக்கெட்டுகளை இழந்து 148 ரன்கள் எடுத்தது. இதன்மூலம் 1 ரன் வித்தியாசத்தில், சென்னையை வீழ்த்தி 4-வது முறையாக மும்பை அணி சாம்பியன்பட்டம் வென்றது.

8 அணிகள் இடையிலான 12–வது ஐ.பி.எல். கிரிக்கெட் திருவிழா மார்ச் 23–ந் தேதி தொடங்கியது. லீக் ஆட்டங்கள் முடிவில் மும்பை இந்தியன்ஸ், நடப்பு சாம்பியன் சென்னை சூப்பர் கிங்ஸ், டெல்லி கேப்பிட்டல்ஸ், ஐதராபாத் சன் ரைசர்ஸ் அணிகள் முறையே முதல் 4 இடங்களை பிடித்து இறுதிப்போட்டிக்கு முந்தைய ‘பிளே–ஆப்’ சுற்றுக்கு தகுதி பெற்றன.

‘பிளே–ஆப்’ சுற்று ஆட்டம் கடந்த 7–ந் தேதி தொடங்கியது. சென்னை சேப்பாக்கத்தில் நடந்த முதலாவது தகுதி சுற்று ஆட்டத்தில் மும்பை இந்தியன்ஸ் அணி 6 விக்கெட் வித்தியாசத்தில் சென்னை சூப்பர் கிங்சை வீழ்த்தி இறுதிப்போட்டிக்கு முன்னேறியது.. விசாகப்பட்டினத்தில் நேற்று முன்தினம் இரவு நடந்த 2–வது தகுதி சுற்று ஆட்டத்தில் சென்னை சூப்பர் கிங்ஸ் அணி 6 விக்கெட் வித்தியாசத்தில் டெல்லி கேப்பிட்டல்ஸ் அணியை வீழ்த்தி மீண்டும் இறுதிப்போட்டிக்குள் நுழைந்தது.

ஐ.பி.எல். மகுடத்தை மீண்டும் வெல்லப்போவது யார்? என்பதை நிர்ணயிக்கும் இறுதிப்போட்டி இன்று இரவு 7.30 மணிக்கு ஐதராபாத்தில் உள்ள ராஜீவ்காந்தி ஸ்டேடியத்தில் அரங்கேறுகிறது. இதில் டோனி தலைமையிலான சென்னை சூப்பர் கிங்ஸ்–ரோகித் சர்மா தலைமையிலான மும்பை இந்தியன்ஸ் அணிகள் பலப்பரீட்சை நடத்துகின்றன.

ஐபிஎல் போட்டிகளின் 12-வது சீசன் இறுதிக்கட்டத்தை எட்டியுள்ளது.லீக் ஆட்டங்கள் மற்றும் பிளே ஆப் சுற்றுகள் முடிந்து இறுதிப்போட்டி நாளை நடைபெற உள்ளது. இதில், டோனி தலைமையிலான சென்னை சூப்பர் கிங்ஸ் அணியும், ரோகித் சர்மா தலைமையிலான மும்பை இந்தியன்ஸ் அணியும் மோதுகின்றன. நேற்று நடந்த குவாலிபையர்-2 ஆட்டத்தில் சென்னை சூப்பர் கிங்ஸ் அணியும், டெல்லி கேப்பிடல்ஸ் அணியும் மோதின. இதில் சென்னை அணி அபார வெற்றி பெற்று இறுதிக்கு முன்னேறியது. இதில் டெல்லி கேப்பிடல்ஸ் அணியின் ரூதர்போர்டை ஹர்பஜன் சிங்  ஆட்டமிழக்கச் செய்தார். இதன்மூலம் ஐபிஎல் போட்டிகளில் 150விக்கெட்டுகள் எடுத்த 4 வது வீரர் மற்றும் 3வது இந்திய வீரர் என்ற பட்டியலில் இணைந்தார். ஐபிஎல் போட்டிகளில் அதிக விக்கெட்டுகள் எடுத்த பட்டியலில் மும்பை அணியின் லசித் மலிங்கா 169 விக்கெட்டுகள் எடுத்து  முதலிடத்திலும், டெல்லி அணியின் அமித் மிஸ்ரா 156 விக்கெட் எடுத்து இரண்டாவது இடத்திலும், 150 விக்கெட் எடுத்து 3-வது இடத்தில் உள்ள கொல்கத்தா அணியின் பியூஷ் சாவ்லாவுடன் ஹர்பஜன் சிங்கும் இணைந்துள்ளார்.

தென்னிந்திய திரைப்பட மற்றும் தொலைக்காட்சி தயாரிப்பாளர்கள் சங்கத் தேர்தல் உயர்நீதிமன்ற உத்தரவுபடி கடந்த ஆண்டு நடைபெற்றது இதில் சங்கத்தின் தலைவராக சண்டைப்பயிற்சி இயக்குநர் ஜாகுவார்தங்கம் மற்றும்  ஒன்பது நிர்வாகிகள் தேர்ந்தெடுக்கப்பட்டனர் இந்நிலையில் அந்த தேர்தலில் எதிரணியாக செயல்பட்ட திருக்கடல் உதயம் விஜயராகவ சக்கரவர்த்தி  உள்ளிட்ட சிலர்  சங்கத்தை முடக்க வேண்டும் என்ற  நோக்கத்துடன் செயல்பட்டு வருவதாக கூறப்படுகிறது. இந்நிலையில் நேற்று முன் தினம் தங்களை ஜாக்குவார் தங்கம் அணியினர் தாக்கியதாக காவல் நிலையத்தில் புகார் அளித்துள்ளனர் இது தொடர்பாக காவல்துறையினர் சம்பவம் நடைபெற்றதாக கூறப்படும் இடத்தில் உள்ள கண்காணிப்பு கேமரா பதிவுகளை வைத்து ஆய்வு செய்தபோது இது போன்ற சம்பவம் நடைபெறவில்லை என தெரிய வந்தது.  இந்நிலையில் ஜாக்குவார் தங்கம்  சென்னை காவல் ஆணையர் அலுவலகத்தில்  இன்று புகார் மனு ஒன்றை அளித்தார்.  அதில்,  தன் மீது பொய் புகார் கூறி வருபவர்கள் மீது நடவடிக்கை எடுக்க வேண்டும் என கோரிக்கை விடுத்துள்ளார்.

2–வது தகுதி சுற்று ஆட்டம் விசாகப்பட்டினத்தில் இன்று இரவு 7.30 மணிக்கு நடைபெறுகிறது. இதில் டோனி தலைமையிலான சென்னை சூப்பர் கிங்ஸ்ஸ்ரேயாஸ் அய்யர் தலைமையிலான டெல்லி கேப்பிட்டல்ஸ் அணிகள் பலப்பரீட்சை நடத்துகின்றன. இதில் வெற்றி பெறும் அணி, மும்பை இந்தியன்ஸ் அணியுடன் இறுதிப்போட்டியில் மோதும். இறுதிப்போட்டி ஐதராபாத்தில் நாளை மறுநாள் இரவு நடைபெறுகிறது.

ஐ.பி.எல். கிரிக்கெட் போட்டியில் சென்னை அணியை வீழ்த்தி மும்பை அணி இறுதி போட்டிக்கு தகுதி பெற்றது. வருகிற 12-ந்தேதி இரவு ஐதராபாத்தில் இறுதி போட்டி நடக்கிறது. இந்நிலையில், மும்பை அணி கேப்டன் ரோகித் சர்மா அவரது மனைவி ரித்திகா, குழந்தை சமைரா ஆகியோருடன் இன்று காலை 5 மணிக்கு ஏழுமலையான் கோவிலுக்கு சென்று சாமி தரிசனம் செய்தார். தேவஸ்தான அதிகாரிகள் அவரை வரவேற்று லட்டு பிரசாதம் வழங்கினர். ஐ.பி.எல். இறுதி போட்டியில் வெற்றி பெற வேண்டி அவர் சாமி தரிசனம் செய்ததாக உடன் வந்தவர்கள் தெரிவித்தனர். இதேபோல் கிரிக்கெட் வீரர் தினேஷ் கார்த்திக் இன்று காலை சுப்ரபாத தரிசன சேவையில் ஏழுமலையானை தரிசனம் செய்தார்

ஐபிஎல் தொடரின் குவாலிவையர்-1 சென்னை சேப்பாக்கம் மைதானத்தில்  நேற்று இரவு நடைபெற்றது. டாஸ் வென்ற சென்னை சூப்பர் கிங்ஸ் அணியின் கேப்டன் எம்எஸ் டோனி பேட்டிங் தேர்வு செய்தார். இதையடுத்து, சென்னை அணியின் தொடக்க  ஆட்டக்காரர்களாக வாட்சன், டு பிளிசிஸ் களமிறங்கினர். ஆட்டத்தின் தொடக்கத்தில் மும்பை அணியினரின் பந்து வீச்சு சிறப்பாக இருந்தது. இதனால் விக்கெட்டுகள் சீரான இடைவெளியில் விழுந்தன. டு பிளசிஸ் 6 ரன்னிலும், ரெய்னா 5 ரன்னிலும், வாட்சன் 10 ரன்னிலும் ஆட்மிழந்தனர். இதனை  தொடர்ந்துமுரளி விஜய்-யுடன், அம்பதி ராயுடு இணைந்தார்.. ஓரளவு தாக்குப்பிடித்து ஆடிய முரளி விஜய் 26 ரன்னில் வெளியேறினார். அப்போது அணியின் எண்ணிக்கை 4 விக்கெட் இழப்புக்கு 65 ரன்கள் எடுத்திருந்தது. அடுத்து களம் இறங்கிய  கேப்டன் டோனி இருவரும் பவுண்டரி, சிக்சராக விளாசினர். இறுதியில் சென்னை அணி நிர்ணயிக்கப்பட்ட 20 ஓவரில் 131 ரன்கள் எடுத்தது. மும்பை அணி சார்பில் ராகுல் சாஹர் 2 விக்கெட்டும், குருணால் பாண்டியா, ஜெயந்த் யாதவ் தலா ஒரு விக்கெட் வீழ்த்தினர். இதையடுத்து, 132 ரன்கள் எடுத்தால் வெற்றி என்ற இலக்குடன் மும்பை அணி களம் இறங்கியது. . ரோகித் சர்மா 4, டி காக் 8  ஆகியோர் வந்த வேகத்தில் வெளியேறினர்.  சூர்யா குமார் யாதவ் மற்றும் இஷான் கிஷன் பொறுப்புடன் ஆடினர். மும்பை அணி 101 ரன்கள் இருந்தபோது இஷான் கிஷன் 28 வெளியேறினார். அடுத்து வந்த குர்ணால் பாண்டியா டக் முறையில் வெளியேறினார். இந்நிலையில் ஹர்திக் பாண்டியா மற்றும் சூர்யா குமார் யாதவ் அணியை வெற்றி பெற செய்தனர். மும்பை இந்தியன்ஸ் அணி 9 பந்துகள் மீதம் உள்ள நிலையில்  சென்னை அணியை 6 விக்கெட் வித்தியாசத்தில் வீழ்த்தியது. சூர்யா குமார் யாதவ் 71 கடைசி வரை ஆட்டமிழக்காமல்  களத்தில் இருந்தனர். சென்னை அணி தரப்பில் இம்ரான் தாகீர் 2 விக்கெட்டும் ஹர்பஜன், சாஹர் தலா 1 விக்கெட்டும் வீழ்த்தினர்.

மொகாலியில் நேற்று நடைபெற்ற ஆட்டத்தில் கிங்ஸ் லெவன் பஞ்சாப் அணி கொல்கத்தா நைட்ரைடர்ஸ் அணிகள் மோதின. முதலில் விளையாடிய கிங்ஸ் லெவன் பஞ்சாப் அணி நிர்ணயிக்கப்பட்ட 20 ஓவரில் 6 விக்கெட் இழப்புக்கு 183 ரன் குவித்தது. பின்னர் விளையாடிய கொல்கத்தா நைட்ரைடர்ஸ் 18 ஓவர்களில் 3 விக்கெட் இழப்புக்கு 185 ரன் எடுத்து 7 விக்கெட் வித்தியாசத்தில் அபார வெற்றி பெற்றது. இதன் மூலம்  கொல்கத்தா நைட்ரைடர்ஸ் அணி 12 புள்ளியுடன் பிளே ஆப் சுற்று வாய்ப்பில் நீடித்து வருகிறது. 8-வது தோல்வியை தழுவிய. கிங்ஸ் லெவன் பஞ்சாப் அணியின் ‘பிளே ஆப்’ சுற்று வாய்ப்பு மங்கி உள்ளது. இந்த ஆடுகளத்தில் நிர்ணயித்த 184 ரன் இலக்கு போதுமானதுதான் என்று கருதுவதாகவும், . ஏனென்றால் இதே மைதானத்தில் இதற்கு முன்பு 175-180 ரன்கள் வரை எடுத்து வெற்றி பெற்று இருப்பதாகவும் தெரிவித்தார். கொல்கத்தா அணியில் சிறப்பாக பேட்டிங் செய்த இளம் வீரர் உஸ்மான் ஹில் கடைசிவரை நின்று அபாரமாக ஆடியதாக அவர் குறிப்பிட்டார். இந்தப் போட்டித் தொடரில் பல ஆட்டங்களில் தோற்றதற்கு பவர் பிளேயில் சிறப்பாக செயல்படாததே காரணம் என்ற அஸ்வின், பவர் பிளே ஓவர்களில் பேட்டிங்கிலும், பந்து வீச்சிலும் தாங்கள்  கண்டிப்பாக நன்றாக செயல்படவில்லை எனவும் அவர் குறிப்பிட்டார்.