Home Archive by category Exclusive (Page 3)

Exclusive

உலக நாடுகள் மற்றும் ஐநாவின் எதிர்ப்பை மீறி வடகொரியா தொடர்ந்து ஏவுகணை சோதனை நடத்தி வந்ததால் பெரும் பதற்றம் ஏற்பட்டது. இதையடுத்து வடகொரியாவுக்கு எதிராக அமெரிக்கா கடும் பொருளாதார தடைகளை விதித்த்து.  இந்நிலையில் சற்றும் எதிர்பாராத வகையில் அமெரிக்க அதிபர் டிரம்பும், வடகொரிய தலைவர் கிம் ஜாங் அன்னும் கடந்த ஆண்டு ஜூன் மாதம் 12-ந்தேதி சிங்கப்பூரில் உச்சிமாநாடு நடத்தி சந்தித்து பேசினர். கொரிய தீபகற்பத்தை அணு ஆயுதமற்ற பிரதேசமாக மாற்ற ஒப்புக்கொண்டு ஒப்பந்தத்தில் இரு நாட்டு தலைவர்களும் கையெழுத்திட்டனர்.  அதைத்தொடர்ந்து இந்த ஆண்டு பிப்ரவரி மாதம் 27, 28-ந்தேதிகளில் வியட்நாம் தலைநகர் ஹனோயில் இரண்டாவது உச்சிமாநாடு நடத்தி சந்தித்து பேசினர். ஆனால் இந்த பேச்சுவார்த்தையில் உடன்பாடு எட்டப்படாமல் தோல்வியில் முடிந்தது. அணு ஆயுதங்களை ஓரளவுக்கு கைவிட, தன் மீதான பொருளாதார தடைகளை  அகற்ற வேண்டும் என்று வடகொரிய தலைவர்  கூறியதே, பேச்சுவார்த்தை தோல்விக்கு காரணம் என அமெரிக்கா கூறியது. ஆனால் வடகொரியாவோ, தங்கள் வாழ்வாதாரத்துக்காக பொருளாதார தடைகளில் ஒரு பகுதியையாவது விலக்கிக்கொள்ள வேண்டும் என்றுதான் கூறியதாக தெரிவித்தது. இந்நிலையில், இப்போது 3-வது முறையாக கிம் ஜாங் அன்னை சந்தித்து பேச அமெரிக்க ஜனாதிபதி டிரம்ப் விருப்பம் தெரிவித்துள்ளார். இதைஏற்றுக் கொண்ட  வடகொரிய தலைவர் கிம் ஜாங் அன்  பேச்சுவார்த்தைக்கு அமெரிக்கா சரியான அணுகுமுறையுடன் வரவேண்டும் என்று நிபந்தனை விதித்துள்ளார். இதுபற்றி வடகொரிய நாடாளுமன்றத்தில் பேசிய அவர், ‘‘இரு தரப்பும் ஏற்றுக்கொள்ளக்கூடிய அம்சங்களுடனும், சரியான அணுகுமுறையுடனும் பேச்சுவார்த்தை நடத்துவதற்கு அமெரிக்கா முன்வந்தால், 3-வது உச்சி மாநாடு நடத்தலாம் என்று கூறினார்

சென்னையில் ஒரு கிராம  ஆபரண தங்கத்தின்   விலை மூவாயிரத்து   56 ரூபாய்க்கும்,  பவுன் ஒன்றுக்கு  24  ஆயிரத்து 448  ரூபாய்க்கும்  விற்பனையானது.

சில்லரை வெள்ளியின் விலை ஒரு கிராம் 41 ரூபாய்க்கும், கட்டிவெள்ளியின் விலை ஒரு கிலோ 41ஆயிரம் ரூபாய்க்கும்  விற்பனையானது.

பெட்ரோல் 1 லிட்டருக்கு 5 காசுகள் குறைந்துள்ளது

சென்னையில் பெட்ரோல் 1லிட்டருக்கு 75 ருபாய் 56 காசுகளுக்கும்,டீசல் 1 லிட்டருக்கு 69 ருபாய் 80 காசுகளுக்கும் விற்பனையானது.

மும்பை பங்குச் சந்தையின் குறியீட்டு எண் சென்செக்ஸ் 238 புள்ளி 69 புள்ளிகள் அதிகரித்து   38 ஆயிரத்து 939 ஆக முடிவடைந்தது.

தேசிய பங்குச்சந்தை நிஃப்டி 67 புள்ளி 45 புள்ளிகள்  சரிந்து 11 ஆயிரத்து 671 ஆக நிறைவுற்றது

சென்னை மீனம்பாக்கம் மெட்ரோ ரயில் நிலையத்திற்கு  வந்த பயணிகளின் உடமைகளை ஊழியர்கள் சோதனை செய்தனர். அப்போது  இளைஞர் ஒருவர் வைத்திருந்த கைப்பையில் 510 கிராம்  தங்கம் இருப்பது தெரியவந்தது. இதையடுத்து தங்கத்தை பறிமுதல் செய்த ஊழியர்கள் அதனை தேர்தல் பறக்கும் படை அதிகாரி கிரிராணியிடம் ஒப்படைத்தனர். தங்கத்தை எடுத்து வந்த  இளைஞரை கைது செய்த. காவல்துறையினர் மேற்கொண்ட விசாரணையில் அந்த இளைஞர்  சென்னை திருவல்லிக்கேணியைச்  சேர்ந்த அஸ்பக் ஹஸன்  என்பது தெரியவந்த்து.  

பறிமுதல் செய்யப்பட்ட தங்கத்தின் மதிப்பு சுமார் 18  லட்சம் ரூபாய் என தெரிவிக்கப்பட்டுள்ளது

சென்னையிலிருந்து சேலத்திற்கு குறுகிய நேரத்தில் செல்லும் வகையில் 8 வழிச்சாலை திட்டத்தை செயல்படுத்ததேசிய நெடுஞ்சாலைத்துறை முடிவு செய்தது.  இந்த திட்டத்திற்காக 10 ஆயிரம் கோடி ரூபாய் நிதி ஒதுக்கீடு செய்து மத்திய அரசு ஒப்புதல் அளித்தது. சுமார் 277 கிலோமீட்டர் தூரமுள்ள இந்த 8 வழி சாலைக்கு சேலம்,தருமபுரி, காஞ்சிபுரம், திருவண்ணாமலை, விழுப்புரம் ஆகிய 5 மாவட்டங்களில் ஆயிரத்து 900 ஹெக்டர் நிலங்களை கையகப்படுத்த தமிழக அரசு அறிவிப்பு வெளியிட்டது. இதனை எதிர்த்தும்  திட்டத்தை ரத்து செய்ய கோரியும் சென்னை உயர்நீதிமன்றத்தில் , விவசாயி கிருஷ்ணமூர்த்தி, தர்மபுரி மக்களவைத் தொகுதி உறுப்பினர்அன்புமணி ராமதாஸ், பூவுலகின் நண்பர்கள் அமைப்பைச் சேர்ந்த சுந்தரராஜன் உள்ளிட்டோர் வழக்கு தொடர்ந்தனர். இந்த வழக்கு விசாரணை  நீதிபதிகள் டி.எஸ்.சிவஞானம், பவானிசுப்பராயன் ஆகியோர் அமர்வு முன்பு கடந்த 8மாதங்களாக நடைபெற்றது. வாதப் பிரதிவாதங்கள் மற்றும் எழுத்துப்பூர்வமான வாதங்கள் கடந்த ஜனவரி மாதம் நிறைவடைந்ததையடுத்து, வழக்கின் தீர்ப்பை தேதி குறிப்பிடாமல் நீதிபதிகள் ஒத்தி வைத்தனர். மக்களவைத்தேர்தல் நெருங்கி வரும் நிலையில், மிகவும் எதிர்பார்க்கப்பட்ட இந்த வழக்கில் இன்று தீர்ப்பு அளித்த நீதிபதிகள்,சென்னை-சேலம் 8 வழிச்சாலைத் திட்டத்திற்கு தமிழக அரசு நிலம் கையகப்படுத்தியது செல்லாது என உத்தரவிட்டனர். 15 கேள்விகளை ஆராய்ந்து தீர்ப்பு வழங்கி உள்ளதாகவும், 8 வழிச்சாலை திட்டம் தொடர்பாக தமிழக அரசு வெளியிட்ட அரசாணையை ரத்து செய்வதாகவும் நீதிபதிகள் கூறியுள்ளனர்.

டிக்-டாக் செயலியை பதிவிறக்கம் செய்ய மத்திய அரசு தடை விதிக்கவேண்டும் என்று உயர்நீதிமன்ற மதுரை கிளை  சில தினங்களுக்கு முன் உத்தரவிட்டது. மேலும் அந்த செயலி மூலம் எடுத்த வீடியோக்களை தொலைக்காட்சிகளில் ஒளிபரப்பக்கூடாது எனவும் உத்தரவிட்டது. இந்நிலையில், டிக்-டாக் செயலி தடைக்கு எதிராக உச்சநீதிமன்றத்தில் மேல் முறையீடு செய்யப்பட்டது. இந்த மனுவை அவசர மனுவாக விசாரணைக்கு எடுத்துக்கொள்ள வேண்டும் என்று மனுதாரர்கள் தரப்பில் உச்சநீதிமன்றத்தில் கோரிக்கை  முன்வைக்கப்பட்டது. ஆனால்,  அதனை ஏற்க மறுத்துவிட்ட உச்சநீதிமன்றம், உரிய தருணத்தில் இந்த வழக்கு விசாரணைக்கு எடுத்துக்கொள்ளப்படும் என தெரிவித்துள்ளது

ஐ.பி.எல். 20 ஓவர் கிரிக்கெட் போட்டியில் விராட்கோலி தலைமையிலான ராயல் சேலஞ்சர்ஸ் பெங்களூர் அணியின் சோகம் தொடர்கிறது. அந்த அணி நேற்றைய ஆட்டத்தில் டெல்லி கேப்பிடல்சிடம் 4 விக்கெட் வித்தியாசத்தில் தோல்வி அடைந்தது. பெங்களூர் அணி தொடர்ந்து 6-வது தோல்வியை தழுவியதால் கேப்டன் கோலி மிகுந்த வேதனை அடைந்துள்ளார். போட்டிக்கு பிறகுசெய்தியாளர்களிடம் பேசிய அவர் 160 ரன்கள் குவித்தால் கடும் போட்டியை கொடுக்க முடியும் என்று நினைத்த்தாகவும், . சீரான இடைவெளியில் விக்கெட் சரிந்ததால் 150 ரன் தான் இலக்காக நிர்ணயிக்கமுடிந்த்தாகவும் தெரிவித்தார். 2-வது இன்னிங்சில் பந்துவீச்சுக்கு ஏற்ற வகையில் ஆடுகளம் அமையவில்லை எனவும் இந்த ஆட்டத்தில் தங்கள் அணி சிறப்பாக விளையாடவில்லை என்பதே உண்மை எனவும் அவர் குறிப்பிட்டார். ஒவ்வொரு போட்டியிலும் தோல்வி அடைந்துவிட்டு அதற்கான காரணம் தேடுவதும், அதனை பேசுவதும் முறை அல்ல என்ற கோலி நாள்தோறும் தோல்விக்கு நொண்டிசாக்கு சொல்ல முடியாது என்றார்.

உலகப் பிரசித்திப் பெற்ற மதுரை மீனாட்சி அம்மன் கோயிலில் சித்திரைத் திருவிழா இன்று  காலை கொடியேற்றத்துடன் தொடங்கியது. இன்று முதல் 12 நாட்கள் திருவிழா நடைபெறுகிறது. முக்கிய நிகழ்ச்சியான திருக்கல்யாணம் வரும் 17-ம் தேதி நடைபெறுகிறது. விழா நடைபெறும் ஒவ்வொரு நாளும் காலை, மாலையில் மீனாட்சி அம்மனும், சுந்தரேசுவரரும் பல்வேறு வாகனங்களில் எழுந்தருளி நான்கு மாசி வீதிகளை வலம் வந்து பக்தர்களுக்கு அருள்பாலிப்பர். இவ்விழாவின் முக்கிய நிகழ்ச்சிகளில் ஒன்றான மீனாட்சி பட்டாபிஷேகம்  வரும் 15-ம் தேதி இரவு 8 மணிக்கு மேல் 8.24-க்குள் நடைபெறும். 16-ம் தேதி திக்குவிஜயமும்,. திருவிழாவின் சிகர நிகழ்ச்சியான மீனாட்சி- சுந்தரேசுவரர் திருக்கல்யாணம் 17-ம் தேதி காலை 9.50 மணிக்கு மேல் 10.14 மணிக்குள்நடைபெறுகிறது.  18-ம் தேதி காலை 5.45 மணிக்கு தேரோட்டமும், 19-ம் தேதி தீர்த்தம் மற்றும் தேவேந்திரர் பூஜையுடன் திருவிழா நிறைவுபெறுகிறது. தேரோட்டம் நடைபெறும் 18-ந் தேதி அன்று மக்களவைத் தேர்தலும் நடைபெறுவதால் காவல் துறை ஆணையர் டேவிட்சன் தேவாசீர்வாதம் தலைமையில் 3 ஆயிரத்துக்கும் மேற்பட்ட போலீஸார் பாதுகாப்புப் பணியில் ஈடுபடுத்தப்பட உள்ளனர்.

ஐபிஎல்-இன் நேற்றைய 2-ஆவது போட்டியில் ராஜஸ்தான் ராயல்ஸ், கொல்கத்தா நைட் ரைடர்ஸ் அணிகள் மோதின. டாஸ் வென்ற கொல்கத்தா கேப்டன் கார்த்திக் முதலில் ராஜஸ்தானை பேட்டிங் செய்ய அழைத்தார்.  முதலில் பேட் செய்த ராஜஸ்தான் அணி நிர்ணயிக்கப்பட்ட 20 ஓவர்கள் முடிவில் 3 விக்கெட்டுகளை இழந்து 139 ரன்கள் எடுத்தது. 

140 ரன்கள் எடுத்தால் வெற்றி என்ற இலக்குடன் கொல்கத்தா அணி களமிறங்கியது. கொல்கத்தா அணி 37 பந்துகள் மீதமிருந்த நிலையிலேயே வெற்றி இலக்கை எட்டியது. இதையடுத்து கொல்கத்தா நைட் ரைடர்ஸ் அணி 8 விக்கெட்டுகள் வித்தியாசத்தில் அபார வெற்றி பெற்றது.

பாகிஸ்தான் வெளியுறவுத் துறை அமைச்சர் ஷா முகமது குரேஷி, செய்தியாளர்களைச் சந்தித்தார். அப்போது, ஏப்ரல் 16, 20 ஆகிய தேதிகளுக்கு இடையே பாகிஸ்தான் மீது இந்தியா தாக்குதல் நடத்த திட்டமிட்டு வருவதாக நம்பகத்தக்க உளவுத் துறை தகவல் கிடைத்துள்ளது என்றார்.

இதையடுத்து, இந்திய வெளியுறவுத் துறை அமைச்சகம் இதற்கு பதிலளிக்கும் வகையில் காட்டமான அறிக்கையை வெளியிட்டுள்ளது. அதில், குரேஷியின் பொறுப்பற்ற, அபத்தமான கருத்தை இந்தியா திட்டவட்டமாக மறுத்துள்ளது. மேலும், இது இந்தியாவில் தாக்குதல் நடத்துமாறு பாகிஸ்தான் பயங்கரவாதிகளுக்கு அழைப்பு விடுப்பது போல் இருப்பதாகவும் இந்தியா குற்றம்சாட்டியுள்ளது. 

முன்னதாக, காஷ்மீர் மாநிலம் புல்வாமா தாக்குதலை தொடர்ந்து, பாகிஸ்தானில் உள்ள பாலாகோட் பகுதியில் செயல்பட்டு வந்த ஜெய்ஷ்-ஏ-முகமது பயங்கரவாத முகாம்களை கடந்த பிப்ரவரி மாதம் 26-ஆம் தேதி இந்திய விமானப் படையினர் வான்வழி தாக்குதல் நடத்தி அழித்தனர் என்பது நினைவுகூரத்தக்கது. 

மத்திய அரசின் மேக் இன் இந்தியா திட்டத்தின் கீழ் 85 சதவீத பாகங்கள் இடம் பெற்றுள்ள தனுஷ் பீரங்கி, இந்தியாவில் தயாரிக்கப்பட்டவை. 38 கிலோ மீட்டர் தூரம் வரை துல்லியமாக தாக்குதல் நடத்தும் வல்லமை கொண்ட இந்த பீரங்கியின் விலை 14 கோடியே 50 லட்சம் ரூபாயாகும்.

வெளிநாட்டில் இருந்து இறக்குமதி செய்யப்பட்ட போபர்ஸ் பீரங்கியை விட கூடுதலாக 11 கிலோ மீட்டர் தூரம் தாக்குதல் நடத்தும் திறன் படைத்தது.

பல இடங்களில் வெற்றிகரமாக சோதனை நடத்தப்பட்டதை தொடர்ந்து, இன்று இந்திய ராணுவத்திடம் தனுஷ் பீரங்கி ஒப்படைக்கப்படும் என்று தெரிவிக்கப்பட்டுள்ளது.

பகல் மற்றும் இரவில் தாக்குதல் நடத்தும் தொழில்நுட்பம் கொண்ட தனுஷ் பீரங்கி இணைக்கப்படுவதால் இந்திய ராணுவத்தின் பலம் மேலும் அதிகரிக்கும் என்று எதிர்பார்க்கப்படுகிறது.