Home Archive by category Recent News

Recent News

சர்வதேச சந்தை கச்சா எண்ணெய் விலை நிலவரத்தை பொறுத்து இந்தியாவில் பெட்ரோல், டீசல் விலையை எண்ணெய் நிறுவனங்கள் நிர்ணயித்து வருகின்றன.  இந்நிலையில் இன்று எண்ணெய் நிறுவனங்கள் வெளியிட்டுள்ள அறிவிப்பில், சென்னையில் பெட்ரோல் நேற்றைய விலையில் 26 காசுகள் குறைந்து லிட்டருக்கு 73 ரூபாய் 88 காசுகளுக்கு, விற்பனையாகிறது.

இதேபோல் டீசல் 13 காசுகள் குறைந்து 69 ரூபாய் 61 காசுகளுக்கு விற்பனையாகிறது.  தொடர்ந்து 6-வது நாளாக பெட்ரோல், டீசல் விலை குறைந்து வருவது வாகன ஓட்டிகளுக்கு சற்று ஆறுதல் அளித்துள்ளது.

 

சென்னையில் 22 கேரட் ஆபரண தங்கத்தின் விலை ஒரு கிராமுக்கு 37 ரூபாய் அதிகரித்து 3 ஆயிரத்து 91 ரூபாய்க்கு விற்பனை ஆகிறது. இதேபோல் ஒரு சவரன் தங்கம் 296 ரூபாய் அதிகரித்து, 24 ஆயிரத்து 728 ரூபாய்க்கு விற்பனையாகிறது.24 கேரட் சுத்த தங்கம் ஒரு கிராம் நேற்று  3 ஆயிரத்து 205 ரூபாய்க்கு விற்பனை செய்யப்பட்டத. இன்று கிராமுக்கு 43 ரூபாய்அதிகரித்து 3 ஆயிரத்து 242 ரூபாய்க்கு விற்கப்படுகிறது. இதேபோல் 8 கிராம் சுத்த தங்கம் 296 ரூபாய் அதிகரித்து  25 ஆயிரத்து 936 ரூபாய்க்கு விற்பனையாகிறது. கடந்த மே 5ம் தேதி 24 ஆயிரத்து 96 ரூபாயாக இருந்த ஒரு சவரன் தங்கம் இப்போது 24 ஆயிரத்து 728 ரூபாய்க்கு விற்பனையாகிறது. அமெரிக்கா ஈரான் இடையே பிரச்னை, வளைகுடா பதற்றம், உலக வர்த்தகம் உள்ளிட்ட காரணங்களால் தங்கத்தின் மீதான முதலீடுகள் அதிகரித்து வருவதே  தங்கம் விலை உயர்வுக்கு காரணம் என கூறப்படுகிறது.

அரவக்குறிச்சி தொகுதியில் பிரசாரம் செய்த கமல்ஹாசன் இந்து தீவிரவாதம் பற்றிய பேச்சு அரசியல் களத்தில் புதிய சர்ச்சையை ஏற்படுத்தி உள்ளது. இந்நிலையில்  தூத்துக்குடியில் செய்தியாளர்களுக்கு பேட்டி அளித்த அமைச்சர் ராஜேந்திர பாலாஜி,

சுதந்திர இந்தியாவின் முதல் தீவிரவாதி இந்து என்று பேசிய கமல்ஹாசனின்  கொழுப்பேறிய நாக்கை அறுக்க வேண்டும் எனவும் அவரது நாக்கில் சனி இருப்பதாகவும் கூறினார்.  தீவிரவாதிகளுக்கு மதம் கிடையாது எனவும்,  சிறுபான்மையினரின் வாக்குகளை பெறுவதற்காக இந்துக்களை பற்றி பேசும் கமல்ஹாசனின் நாக்கை ஒருகாலத்தில் அறுக்கத்தான் போகிறார்கள் எனவும் அவர் தெரிவித்தார். அமைச்சர் ராஜேந்திர பாலாஜியின் கருத்துக்கு தமிழக காங்கிரஸ் தலைவர் கே.எஸ்.அழகிரி கடும் கண்டனம் தெரிவித்து உள்ளார். இது தொடர்பாக அவர் கூறுகையில்,  கமல் இந்து தீவிரவாதம் பற்றி பேசியது தவறு என்றால், நாக்கை அறுப்பேன் என்று அமைச்சர் பேசியது சரியா என வினவினார். சுதந்திர இந்தியாவில் முதல் பயங்கரவாதி மட்டுமல்ல ஆர்.எஸ்.எஸ்., ஜனசங்கம், இந்து மகா சபை போன்றவற்றில் உள்ளவர்கள், மாற்று கருத்து உடையோரை அழிக்க வேண்டும் என்பதில் உறுதியாக உள்ளனர் எனவும், . ஐ.எஸ். என்ற பயங்கரவாத அமைப்புக்கு இணையான அமைப்பு ஆர்.எஸ்.எஸ் எனவும் கூறியகே.எஸ்.அழகிரி  கமல்ஹாசன் கூறியதை ஆயிரம் சதவீதம் ஆதரிப்பதாக தெரிவித்தார்

மகாத்மா காந்தியை சுட்டுக்கொன்ற நாதுராம் கோட்சே சுட்டிக்காட்டி,  சுதந்திர இந்தியாவின் முதல் தீவிரவாதி ஒரு இந்து என அரவக்குறிச்சி தேர்தல் பிரச்சாரத்தில் கமல்ஹாசன் தெரிவித்தார்.  சுதந்திர இந்தியாவின் முதல் தீவிரவாதம் இந்து தீவிரவாதம் என கமல் பேசிவிட்டதாகவும், சிறுபான்மையினர் வாக்குகளை பெறுவதற்காக, முஸ்லிம்கள் அதிகம் வசிக்கும் பகுதியில் கமல் இவ்வாறு பேசியதாகவும் பாஜக மற்றும் இந்துத்வா அமைப்புகள் குற்றம்சாட்டியுள்ளன. இது பெரும் சர்ச்சையாக வெடித்த நிலையில், நேற்றுஅரவக்குறிச்சி தொகுதியில் கமல்ஹாசன் பிரச்சாரம் ரத்து செய்யப்பட்டது.. இந்நிலையில், சென்னை ஆழ்வார்பேட்டையில்,கமல்ஹாசனின் வீடு மற்றும் தலைமை அலுவலகம் அமைந்துள்ள கட்டிடத்திற்கு போலீஸ் பாதுகாப்பு போடப்பட்டுள்ளது. சுதந்திர இந்தியாவின் முதல் தீவிரவாதி இந்து என்று கமல் கூறியதை தொடர்ந்து அவர் வீட்டு முன்பு போராட்டங்கள் நடத்த சில இந்து அமைப்புகள் திட்டமிட்டுள்ளதாக தகவல் வெளியானது. இதையடுத்து   முன் எச்சரிக்கை நடவடிக்கையாக அவர் வீட்டு முன்பு போலீஸ் பாதுகாப்பு போடப்பட்டுள்ளது.

இதனிடையே கமலஹாசனின் நாக்கை அறுக்க வேண்டும் என பேசிய ராஜேந்திர பாலாஜியின் அமைச்சர் பதவியை பறிக்க வேண்டும் என மக்கள் நீதி மய்யம் வலியுறுத்தியுள்ளது.

சாலை விபத்து ஒன்றில்  கர்ப்பிணி புஷ்பா உயிரிழந்தது தொடர்பான வழக்கு உயர் நீதிமன்ற மதுரை கிளையில் இன்று  விசாரணைக்கு வந்தது.

அப்போது  நீதிபதி கிருபாகரன் கூறுகையில் 1998ஆம் ஆண்டு ஏற்படுத்தப்பட்ட மோட்டார் வாகன சட்டத்தில் 25 ஆண்டுகளுக்கு மேலாகியும்  திருத்தம் கொண்டு வரப்படாத்து, ,  பாதிக்கப்பட்டோருக்கான நீதியை மறுப்பதாகும் , என கூறினார்.

 

விதிகளை முறையாக பின்பற்றாதது, போதிய விழிப்புணர்வு இல்லாததால்சாலைகளை முறையாக பராமரிக்காதது போன்ற காரணத்தால் தான் விபத்துகள் அதிகரிப்பதாக நீதிபதி கிருபாகரன் தெரிவித்தார்.

 

தொடர்ந்து பேசிய அவர், விபத்தில் உயிரிழந்த புஷ்பா குடும்பத்துக்கு ஏற்கனவே வழங்கிய இழப்பீட்டை உயர்த்தி வழங்க வேண்டும் என காப்பீடு நிறுவனத்துக்கு உத்தரவிட்டார்

 

 

பாகிஸ்தான் கடுமையான பொருளாதார நெருக்கடியில் சிக்கி தவிக்கிறது. மந்தமான வளர்ச்சி, உயர் பணவீக்கம் மற்றும் அதிகப்படியான கடன் போன்ற காரணங்களால் பாகிஸ்தானின் பொருளாதாரம் வீழ்ச்சியை சந்தித்து வருகிறது.

அந்நாட்டின் அன்னிய செலாவணி கையிருப்பு முன்எப்போதும் இல்லாத அளவுக்கு வேகமாக குறைந்து வருகிறது. இதனால் நாட்டின் பொருளாதார நிலைமையை கையாளுவது பிரதமர் இம்ரான்கான் அரசுக்கு பெரும் சவாலாக உள்ளது.

நாட்டை பொருளாதார நெருக்கடியில் இருந்து மீட்பதற்கு, சர்வதேச நிதியத்தின் உதவியை பாகிஸ்தான் நாடியது. இது தொடர்பாக பாகிஸ்தான் அரசுக்கும், சர்வதேச நிதியத்துக்கும் இடையே பல மாதங்களாக பல்வேறு கட்ட பேச்சுவார்த்தைகள் நடந்து வந்தன.

இந்த நிலையில், வெளிநாட்டு கடன் சுமைகளை குறைப்பதற்காக பாகிஸ்தானுக்கு அடுத்த 3 ஆண்டுகளில் 6 பில்லியன் டாலர்களை அதாவது இந்திய மதிப்பில் சுமார் ரூ.42 ஆயிரம் கோடி ரூபாய் வழங்க சர்வதேச நிதியம் முன்வந்துள்ளது.

இது தொடர்பாக பாகிஸ்தான் அரசு அதிகாரிகள் மற்றும் சர்வதேச நிதியத்தின் அதிகாரிகள் இடையே ஒப்பந்தம் கையெழுத்தாகி உள்ளது. இந்த ஒப்பந்தம் சர்வதேச நிதியத்தின் இயக்குநர்களின் ஒப்புதலுக்காக அனுப்பி வைக்கப்பட்டுள்ளது.

இதுதொடர்பாக மதுரையைச் சேர்ந்த வழக்கறிஞர் ரமேஷ் என்பவர் மதுரை உயர் நீதிமன்றக் கிளையில் தாக்கல் செய்துள்ள மனுவில், திருப்பரங்குன்றம் இடைத்தேர்தலில் பணப்பட்டுவாடா அதிகரித்துள்ளதாக தெரிவித்தார்.  எனவே திருப்பரங்குன்றம் இடைத்தேர்தல் நியாயமாக நடைபெற வாய்ப்பு இல்லை எனவும், அங்கு தேர்தலை ரத்து செய்ய வேண்டும் அல்லது தள்ளி வைக்க வேண்டும் என்று அவர் குறிப்பிட்டார்.

ஓட்டுக்கு பணம் கொடுப்பது குறித்து உரிய அதிகாரிகளிடம் புகார் அளித்தும் எந்த விதமான நடவடிக்கையும் எடுக்கவில்லை என அவர் அந்த மனுவில் தெரிவித்துள்ளார்.

 

திருவாரூர் மாவட்டம் நெடுங்குளத்தில் ஆல் இந்தியா லீ ஜூட் குங்ஃபூடோ  சீன தற்காப்புக் கலை போட்டி நடைபெற்றது. இந்த போட்டியில் இரண்டாம் வகுப்பு படிக்கும் 7 வயது மாணவி அக்சயா தனது தலைமுடியால் 700 கிலோ எடை கொண்ட காரினை 100 மீட்டர் தூரத்திற்கு இழுத்து சாதனை புரிந்தார். சாதனை நிகழ்த்திய மாணவியை பல்வேறு தரப்பினர் பாராட்டியதோடு பரிசு வழங்கி கௌரவித்தனர்.

வேலூர் மாவட்டம் ஆற்காடு அடுத்த மேல் விஷாரம் பகுதியில் பீடி இலைகள் சேமித்து வைத்திருக்கும் குடோனில் நேற்று திடீரென தீ விபத்து ஏற்பட்டது. இதனை பார்த்த அக்கம் பக்கத்தினர் ஆற்காடு தீயணைப்பு துறையினருக்கு தகவல் கொடுத்தனர். தகவல் அறிந்து சம்பவ இடத்திற்கு வந்த தீயணைப்பு துறையினர் 2 மணி நேரம் போராடி தீயை கட்டுக்குள் கொண்டு வந்தனர். இந்த தீ விபத்தில் 80 லட்சம் மதிப்பிலான பீடி இலைகள் ஏரிந்து நாசமனது தெரியவந்தது.  தீ விபத்தில் திர்ஷ்டவசமாக உயிர் சேதம் எதும் ஏற்படவில்லை. தீயின் காரணமாக அப்பகுதியை புகை சூழ்ந்த்தால் பொதுமக்களுக்கும் பாதிப்பு ஏற்பட்டது.

கோவை ஒண்டிப்புதூரை அடுத்த காமாட்சிபுரி ஆதினத்தின் பொன்விழா ஆண்டு நடைபெறுகிறது. விழாவில் ஆர்.எஸ்.எஸ். இயக்கத்தின் அகில இந்திய தலைவர் மோகன் பகவத் கலந்து கொண்டு பொன்விழா மலரை வெளியிட்டார். தொடர்ந்து ஆதினத்தின் முழு விவரங்கள் அடங்கிய வலை தள பக்கத்தையும் அவர் வெளியிட்டார். பின்னர் செய்தியாளர்களிடம் பேசிய காமாட்சிபுரி ஆதினம் சிவலிங்கேஸ்வர சுவாமிகள், இந்த பொன்விழா ஆண்டில் உலகில் அமைதி வேண்டி மகா யாகம் நடைபெற்றதாக தெரிவித்தார்.