Home Archive by category Uncategorized

Uncategorized

காஷ்மீர் பிரச்சினையில் மூன்றாவது நாட்டின் தலையீட்டை ஏற்க முடியாது என்று இந்தியா திட்டவட்டமாக தெரிவித்துள்ளது.

பாகிஸ்தான் பிரதமர் இம்ரான்கான் 3 நாட்கள் சுற்றுப்பயணமாக அமெரிக்கா சென்றுள்ளார். பயங்கரவாதத்துக்கு ஆதரவு அளிக்கும் விவகாரத்தால், பாகிஸ்தானுக்கு அமெரிக்கா அளித்துவந்த ராணுவ நிதியுதவியை அதிபர் டிரம்ப் நிறுத்திவைத்துள்ளார். இந்நிலையில்  இருதரப்பு உறவை மேம்படுத்தும் நோக்கில் 3 நாள் அரசுமுறைப் பயணமாக அமெரிக்கா சென்றுள்ள  இம்ரான் கான், தலைநகர் வாஷிங்டனில் அதிபர் டொனால்டு டிரம்பை சந்தித்து பேசினார். அப்போது, பாகிஸ்தானில் செயல்படும் தீவிரவாத அமைப்புகளுக்கு எதிராக கடுமையான நடவடிக்கை எடுக்குமாறு டொனால்டு டிரம்ப் வலியுறுத்தினார். தொடர்ந்து பேசிய டெனால்ட் டிரம்ப், காஷ்மீர் பிரச்சினையில் சுமூக தீர்வை ஏற்படுத்த உதவுமாறு இந்திய பிரதமர் மோடி கேட்டுக்கொண்டதாகவும், இதுதொடர்பாக மோடியிடம் பேசவிருப்பதாகவும் கூறினார். மேலும் , காஷ்மீர் பிரச்சினையில் மத்தியஸ்தராக செயல்படவும் அவர்விருப்பம் தெரிவித்தார். இந்நிலையில், காஷ்மீர் விவகாரத்தில் மத்தியஸ்தம் செய்யுமாறு அமெரிக்க அதிபர் டிரம்பிடம், பிரதமர் மோடி கேட்கவில்லை என்று இந்திய வெளியுறவுத்துறை அமைச்சம் மறுப்பு தெரிவித்துள்ளது. இதுகுறித்து சுட்டுரைப்பக்கத்தில்  பதிவிட்டுள்ள வெளியுறவுத்துறை செய்தித்தொடர்பாளர் ரவீஷ்குமார், இந்தியா – பாகிஸ்தான் இடையேயான பிரச்சினை உள்நாட்டு விவகாரத்துறை மூலமாக தீர்க்கப்படும் என்று கூறியுள்ளார். காஷ்மீர் விவகாரத்தில் மூன்றாவது நபர் தலையீட்டை இந்தியா ஒருபோதும் விரும்பாது என்றும் சிம்லா ஒப்பந்தம் மற்றும் லாகூர் இறுதி ஒப்பந்தம் அதற்கான தீர்வை ஏற்படுத்தும் என்றும் அவர் தெரிவித்துள்ளார்.

 ஐட்ரோகார்பன், நியூட்ரினோ, உயர்மின்கோபுரங்கள் அணுக்கழிவு கிடங்கு போன்ற பேரழிவுத் திட்டங்களைத்தான் எதிர்க்கிறோம் என்று  மதிமுக பொதுச்செயலார் வைகோ தெரிவித்துள்ளார்.

தமிழகத்தில் ஈரோடு, கோவை, சேலம், திருப்பூர், தர்மபுரி, நாமக்கல் உட்பட 13 மாவட்டங்களில் விவசாய விளைநிலங்கள் வழியாக உயர்மின் கோபுரங்கள் அமைக்கும் பணி நடைபெற்றுவருகிறது. இதற்கு 13 மாவட்ட விவசாயிகள் கடும் எதிர்ப்பு தெரிவித்து வருகின்றனர். ஆனால் காவல்துறை பாதுகாப்புடன் உயர்மின் கோபுரங்கள் அமைக்கும் பணி நடைபெற்று வருகிறது. இதனை கண்டித்தும் பூமிக்கடியில் மின் வழித்தடங்களை அமைக்க வலியுறுத்தியும் டெல்லியில்  உயர்மின் கோபுரங்களுக்கு எதிரான விவசாய சங்கங்களின் கூட்டு இயக்கம் சார்பில் 3 நாள் தர்ணா போராட்டம் இன்று தொடங்கியது. இந்த போராட்டத்தில் கலந்து கொண்டு பேசிய மதிமுக பொதுச் செயலாளர் வைகோ,  அனைத்து திட்டங்களையும் எதிர்த்தால் வளர்ச்சி எப்படி ஏற்படும் என்று சிலர் கேள்வி எழுப்புவதாக கூறுவதை சுட்டிக்காட்டி வள்ர்ச்சித் திட்டங்களை எதிர்க்கவில்லை என்று கூறினார். ஐட்ரோகார்பன், நியூட்ரினோ, உயர்மின்கோபுரங்கள், அணுக் கழிவு சேமிப்பு கிடங்கு  போன்ற பேரழிவுத் திட்டங்களைத் தான் எதிர்ப்பதாகவும் வைகோ தெரிவித்தார்.

சாப்பிட்டவுடன் குளிக்கக்கூடாது என்று பெற்றோர்கள்  கூறக் கேட்டிருப்போம். அதற்கு பின் இருப்பது ஆன்மீக காரணம் இல்லை அறிவியல் காரணம்.
குளிக்கும் போது நம் உடலின் ஒவ்வொரு செல்லும் புத்துணர்ச்சியடையும். கடந்த 24 மணிநேரத்தில் நம் சருமத்தில் சேர்ந்த அழுக்குகள் வெளியேற்றப்படும். இப்படி வெளியேற்றும் போது, உடலினுள் உள்ள செல்கள் மிகவும் ஆற்றலுடனும், புத்துணர்வுடனும் இருக்கும். இதனால் தான் குளித்து முடித்ததும் பசி ஏற்படுகிறது.

உணவை ஜீரணிக்க நொதிகள் தேவை. சாப்பிட்டவுடன் குளித்தால் உடலில் உண்டான குளிர்ச்சித்தன்மையால் நொதிகள் சுரக்காது. இதனால் அஜீரணத்திற்கு வழி வகுக்கும். எனவே இதற்காகத்தான்  உண்டபின் குளிக்கக் கூடாது என்று கூறுகின்றனர்

குளித்து முடித்த பின் உணவு உட்கொள்ளும் போது, உடலானது உணவில் உள்ள சத்துக்களை முற்றிலும் உறிஞ்சி, உடலுக்கு தேவையான ஆற்றலை பெற்று கொள்ளும்.

உணவு உட்கொண்ட உடனேயே குளித்தால், செரிமான மண்டலத்தின் செயல்பாடு குறைந்து, மலச்சிக்கல் மற்றும் இதர வயிறு சம்பந்தப்பட்ட பிரச்சனைகள் ஏற்படும்.

 

உலக கோப்பை கிரிக்கெட் போட்டியில் இந்தியா மற்றும் ஆப்கானிஸ்தான் அணிகளுக்கு இடையேயான 28-வது லீக் ஆட்டம் நேற்று நடைபெற்றது.

இதில் டாஸ் வென்ற இந்திய அணி பேட்டிங்கை தேர்வு செய்தது. இதனையடுத்து இந்திய அணியின் தொடக்க வீரர்களாக லோகேஷ் ராகுல் மற்றும் ரோகித் சர்மா ஆகியோர் முதலாவதாக களமிறங்கினர்.

இறுதியில், இந்திய அணி நிர்ணயிக்கப்பட்ட 50 ஓவர்கள் முடிவில் 8 விக்கெட்டுகளை இழந்து 224 ரன்கள் எடுத்தது.

225 ரன்கள் எடுத்தால் வெற்றி என்ற இலக்குடன் களமிறங்கிய ஆப்கானிஸ்தான் அணி

49.5 ஒவர்களில் அனைத்து விக்கெட்டுகளையும் இழந்து 213 ரன்கள் மட்டுமே சேர்த்தது. இந்திய அணியின் சார்பில் அதிகபட்சமாக முகமது சமி 4 விக்கெட்டுகளும், பும்ரா, சாஹல் மற்றும் ஹர்திக் பாண்ட்யா ஆகியோர் தலா 2 விக்கெட்டுகளும் வீழ்த்தினர். இதன்மூலம் ஆப்கானிஸ்தான் அணிக்கு எதிரான ஆட்டத்தில் 11 ரன்கள் வித்தியாசத்தில் இந்திய அணி வெற்றிபெற்றது.

கொடைக்கானலில் பருவநிலை மாற்றம் காரணமாக பல ஏக்கர் பரப்பளவில் பயிரிடப்பட்ட பீன்ஸ்செடியின்இலைகள் காய்ந்தும் கருகியும்  காட்சியளிக்கிறது, இதையடுத்து  பீன்ஸ் செடிகளை மலைவாழ் விவசாயிகள் அகற்றி வருகின்றனர். மேலும் பாதிக்கப்பட்ட விவசாயிகளுக்கு உரிய நிவாரணம் வழங்க வேண்டும் என அரசுக்கு கோரிக்கை விடுக்கப்பட்டுள்ளது.

 

சென்னையை அடுத்த பம்மல் எல்.ஐ.சி காலனியை சேர்ந்தவர் சந்திரசேகர். இவர் தனது மனைவி மற்றும் இரண்டு பிள்ளைகளுடன் நேற்றிரவு திருப்பதியிலிருந்து சென்னை நோக்கி காரில் சென்றுக்கொண்டிருந்தார்.  திருவள்ளூர் – திருப்பதி தேசிய நெடுஞ்சாலை சென்று கொண்டிருந்த கார் மீது  எதிரே வந்த கண்டெய்னர் லாரி ஒன்று மோதியது. இந்த விபத்தில் சந்திரசேகர் அவரது மனைவி புஷ்கலா மற்றும் மூன்று வயது மகன் தருண் ஆகியோர் சம்பவ இட்த்திலேயே உயிரிழந்தனர். தகவலறிந்து வந்த காவல்துறையினர் உடல்களை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் இந்த விபத்தை நிகழ்த்திய லாரி ஓட்டுநரை காவல்துறையினர் தேடி வருகின்றனர்.

இதேபோல், திண்டுக்கல் மாவட்டம் சீலாப்பாடியை சேர்ந்தவர் அக்பர். இவர் தனது மனைவி பாரிசாபேகத்துடன் இருசக்கர வாகனத்தில் ஒட்டன்சத்திரம் நோக்கி மீனாட்சிநாயக்கன்பட்டி அருகே சென்றுக்கொண்டிருந்தார். அப்போது பின்னால் வந்த லாரி ஒன்று இருசக்கர வாகனத்தின் மீது மோதியது. இதில் பாரிசாபேகம் தூக்கிவீசப்பட்டு சம்பவ இட்த்திலேயே உயிரிழந்தார். தகவலறிந்து வந்த தாடிக்கொம்பு காவல்துறையினர் பாரிசாபேகத்தின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் இதுகுறித்து வழக்கு பதிவு செய்து விசாரணை மேற்கொண்டு வருகின்றனர்.

 

சாலை விபத்து ஒன்றில்  கர்ப்பிணி புஷ்பா உயிரிழந்தது தொடர்பான வழக்கு உயர் நீதிமன்ற மதுரை கிளையில் இன்று  விசாரணைக்கு வந்தது.

அப்போது  நீதிபதி கிருபாகரன் கூறுகையில் 1998ஆம் ஆண்டு ஏற்படுத்தப்பட்ட மோட்டார் வாகன சட்டத்தில் 25 ஆண்டுகளுக்கு மேலாகியும்  திருத்தம் கொண்டு வரப்படாத்து, ,  பாதிக்கப்பட்டோருக்கான நீதியை மறுப்பதாகும் , என கூறினார்.

 

விதிகளை முறையாக பின்பற்றாதது, போதிய விழிப்புணர்வு இல்லாததால்சாலைகளை முறையாக பராமரிக்காதது போன்ற காரணத்தால் தான் விபத்துகள் அதிகரிப்பதாக நீதிபதி கிருபாகரன் தெரிவித்தார்.

 

தொடர்ந்து பேசிய அவர், விபத்தில் உயிரிழந்த புஷ்பா குடும்பத்துக்கு ஏற்கனவே வழங்கிய இழப்பீட்டை உயர்த்தி வழங்க வேண்டும் என காப்பீடு நிறுவனத்துக்கு உத்தரவிட்டார்

 

 

சென்னையில் ஒரு கிராம்  ஆபரண  தங்கத்தின்  விலை  மூவாயிரத்து  27 ரூபாய்க்கும்,  பவுன் ஒன்றுக்கு  24  ஆயிரத்து 216  ரூபாய்க்கும்  விற்பனையானது.

சில்லரை வெள்ளியின் விலை ஒரு கிராம் 40 ரூபாய் 30 காசுகளுக்கும், கட்டிவெள்ளியின் விலை ஒரு கிலோ 40 ஆயிரத்து 300 ரூபாய்க்கும் விற்பனையானது.

பெட்ரோல் லிட்டருக்கு 2 ரூபாய் 86 காசுகள் குரைந்துள்ளது, டீசல் லிட்டருக்கு 5 காசுகள் அதிகரித்துள்ளது.

சென்னையில் பெட்ரோல் 1 லிட்டருக்கு 75 ருபாய் 69 காசுகளுக்கும், டீசல் 1 லிட்டருக்கு 70 ருபாய் 01 காசுகளுக்கும் விற்பனையானது.

மும்பை பங்குச் சந்தையின் குறியீட்டு எண் சென்செக்ஸ் 367 புள்ளி 69  புள்ளிகள்  அதிகரித்து  39 ஆயிரத்து  273  ஆக முடிவடைந்தது.

தேசிய பங்குச்சந்தை நிஃப்டி 90  புள்ளி 50 புள்ளிகள்  அதிகரித்து 11  ஆயிரத்து 786 ஆக நிறைவுற்றது

சிவகங்கை மாவட்டம் காரைக்குடியில் செய்தியாளர்களுக்கு பேட்டி அளித்த அவர்,  8 வழிச்சாலைதொடர்பாக உயர்நீதிமன்றம் அளித்துள்ள தீர்ப்பு ஆளும் கட்சிக்கு பாதிப்பு ஏற்படுத்தும் என்றும்,தேர்தலுக்கு பிறகு 8 வழிச்சாலை வழக்கில் அளிக்கப்பட்ட தீர்ப்பை எதிர்த்து ஆளும் அதிமுக அரசு மேல்முறையீடு செய்யும் என்றும் உறுதிபட தெரிவித்தார். காங்கிரஸ் ஆட்சியில் கேள்வி கேட்கமுடியும் என்ற அவர்,  பாஜக வை எதிர்த்து பேச அனைத்து தரப்பினரும் அச்சப்படுவதாகதெரிவித்தார்., தேர்தலுக்கு முன், தேர்தலுக்கு பின் என்று ஹெச். ராஜாவிற்கு இரண்டு முகம் உள்ளது என்றும், காவி உடை அணிந்த பாஜகவினர், தேர்தலுக்காக வெள்ளை உடை அணிவதாகவும் கரு. பழனியப்பன் விமர்சித்தார்.


இரு அணிகள் இடையிலான ஐபிஎல் ஆட்டம் மும்பையில் இன்று இரவு நடைபெறவுள்ளது.நடப்பு ஐபிஎல் தொடரில் சென்னை அணி தொடர்ந்து 3 வெற்றிகளுடன் பட்டியலில் முதலிடத்தில் உள்ளது. அதே நேரத்தில் மும்பை அணி 1 வெற்றி, 2 தோல்வியுடன் துவண்டுள்ளது. இரு அணிகளும் நேருக்கு நேர் மோதியதில் மும்பை 14, சென்னை 12முறை வென்றுள்ளன.

எனினும் சென்னை அணி தற்போது கேப்டன் தோனியின் அபார ஆட்டத்தால் கூடுதல் பலம் பெற்றுள்ளது. ராஜஸ்தானுக்கு எதிரான ஆட்டத்தில் 27 ரன்னுக்கு 3 விக்கெட்டுகளை இழந்து தடுமாறிக் கொண்ட அணியை தோனி அபாரமாக ஆடி 75 குவித்து வெற்றி பெறச் செய்தார். பேட்டிங், பவுலிங் இரண்டிலும் சென்னை அணி  ஆதிக்கம் செலுத்தி வருகிறது.  செனனை அணியில் வேகப்பந்து வீச்சை காட்டிலும் சுழற்பந்து வீச்சு வலுவாக உள்ளது. ஆனால் மும்பை மைதானம் வேகம், பவுன்சர்களுக்கு உதவியாக இருக்கும். அதே நேரத்தில் மும்பை இந்தியன்ஸ் அணி ரோஹித் சர்மா, குயிண்டன் டி காக்-ஐ பேட்டிங்கில் அதிகம் சார்ந்துள்ளது. மற்ற வீரர்கள் சோபிக்கவிலலை. மேலும் வலுவான வேகப்பந்து வீச்சை கொண்டுள்ள மும்பை அணி.சொந்த மைதானத்தில்  வெற்றி பெறுமா அல்லது சென்னை ஆதிக்கம் செலுத்துமா என எதிர்பார்ப்பு எழுந்துள்ளது.