6 கோடி ரூபாய் மதிப்பீட்டில் 17 திட்டப் பணிகள்…! அமைச்சர் சேகர்பாபு ஆய்வு..!!
சென்னை மாநகரப் பகுதிகளில் மழைநீர் வடிகால் பணிகள் நடைபெறும் இடங்களில் தடுப்புகளை ஏற்படுத்தி பாதுகாப்பாக பணிகளை மேற்கொள்ள வேண்டும் என்று நெடுஞ்சாலை மற்றும் மாநகராட்சி அலுவலர்களுக்கு அறிவுறுத்தப்பட்டுள்ளதாக” அமைச்சர் சேகர்பாபு தெரிவித்துள்ளார்.
சென்னை மாநகராட்சி சார்பில் துறைமுகம் தொகுதியில் ரூ.6 கோடியில் சாலை மற்றும் மழைநீர் வடிகால் பணிகள் மற்றும் மாமன்ற உறுப்பினர் வார்டு மேம்பாட்டு நிதியின் கீழ், பல்நோக்குக் கட்டிடம், நவீன பேருந்து நிறுத்தங்கள் மற்றும் பல்வேறு தெருக்களுக்கு பெயர்ப்பலகைகள் பொருத்துதல் உள்ளிட்ட புதிய திட்டப்பணிகளுக்கு அடிக்கல் நாட்டு விழா ராயபுரம் மண்டலம் பேரக்ஸ் சாலையில் நடைபெற்றது.
இதை தொடர்ந்து மேயர் ஆர்.பிரியா முன்னிலையில் நடைபெற்ற நிழ்ச்சியில் அமைச்சர் பி.கே.சேகர்பாபு பங்கேற்று பணிகளை தொடங்கி வைத்தார். பின்னர் அவர் செய்தியாளர்ளிடம் பேசிய அமைச்சர் சேகர்பாபு துறைமுகம் தொகுதியில் ரூ.6 கோடியில் 17 திட்டப் பணிகள் தொடங்கப்பட்டுள்ளன என்றும் இப்பணிகள் அனைத்தும் அடுத்த ஆண்டு முடிவுக்கு வருவதாகவும், முதல்வர் ஸ்டாலின் அறிவித்த வட சென்னை வளர்ச்சி திட்டப் பணிகள் நடைபெற்று வருவதாகவும் தெரிவித்தார்.
இதனைத் தொடர்ந்து சென்னை மாநகரப் பகுதியில் நெடுஞ்சாலை துறை மற்றும் மாநகராட்சி சார்பில் மழை நீர் வடிகால் பணிகள் நடைபெறும் அனைத்து இடங்களிலும் உரிய பாதுகாப்பு தடுப்புகளை ஏற்படுத்தி பணிகளை மேற்கொள்ள அந்தந்த தொகுதி எம்எல்ஏக்கள் மற்றும் மாமன்ற உறுப்பினர்கள் உறுதி செய்யவும் அறிவுறுத்தப்பட்டுள்ளதாக தெரிவித்துள்ளார்.
இந்நிகழ்ச்சியில் மாநகராட்சி வடக்கு வட்டார துணை ஆணையர் கட்டா ரவி தேஜா, ராயபுரம் மண்டல குழு தலைவர் ஸ்ரீராமுலு உள்ளிட்டோர் கலந்துகொண்டனர்.
– கவி பிரியா
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
