16வயது சிறுமிக்கு பாலியல் தொல்லை கொடுத்த 3 பேர் போக்சோ சட்டத்தின் கீழ் கைது..!! கோவில் பட்டியில் நடந்த கொடூரம்..!!
தூத்துக்குடி மாவட்டம் கோவில்பட்டி அருகேயுள்ள ஒரு சிறு கிராமத்தை சேர்ந்தவர் 16வயது சிறுமிக்கு, திடீரென வயிறு வலி ஏற்பட்டுள்ளது. தொடர்ந்து சில தினங்களாக வயிற்று வலியால் அவதிப்பட்டு வந்ததால் சிறுமியின் பெற்றோர் மருத்துவமனைக்கு அழைத்துச் சென்றுள்ளனர்.
மருத்துவமனைக்கு சென்ற போது சிறுமி கர்பம் என தெரியவந்தது.., அதிர்ச்சி அடைந்த சிறுமியின் பெற்றோர் சிறுமியிடம் விசாரித்துள்ளனர். அப்பொழுது அந்த சிறுமி தனக்கு நேர்ந்த கொடூரத்தை சொல்லியிருக்கிறாள்.
தனக்கு தொடர்ந்து 3 பேர் பாலியல் தொந்தரவு கொடுத்து வந்தாகவும், வீட்டில் கூறினால் கொலை செய்து விடுவோம் என்று மிரட்டியதாக கூறி அழுதுள்ளார். இதையெடுத்து அச்சிறுமியின் பெற்றோர் கோவில்பட்டி அனைத்து மகளிர் காவல் நிலையத்தில் புகார் அளித்துள்ளனர்.
போலீசார் வழக்கு பதிவு செய்து சிறுமியிடம் விசாரணை நடத்தியதில் வள்ளிநாயகபுரத்தைச் சேர்ந்த பால்ராஜ் (35), பாண்டிச்செல்வம்(23) காளிராஜ் (26) ஆகிய 3 பேரும் அச்சிறுமிக்கு பாலியல் தொந்தரவு கொடுத்து வந்துள்ளனர்.
இது குறித்து யாரிடமும் கூறினால் குடும்பத்தில் உள்ள அனைவரையும் கொலை செய்துவிடுவோம், என்றும் மிரட்டி இருக்கிறார்கள். இதனை தொடர்ந்து சிறுமியின் தாய் அளித்த புகாரின் பெயரில் போலீசார் 3 பேரையும் போக்சோ சட்டத்தின் கீழ் கைது செய்தனர்.
இந்த சம்பவம் சிறுமியின் குடும்பத்தை மட்டுமின்றி கோவில்பட்டி கிராமத்தை அதிர்ச்சிக்கு உள்ளாகியுள்ளது..
