ஆகஸ்ட் மாதத்தில் சென்னை மெட்ரோ ரயிலில் 95.43 லட்சம் பேர் பயணம்..!
மெட்ரோ ரயிலில் கடந்த ஆகஸ்ட் மாதம் மட்டும் 95.43 லட்சம் மக்கள் பயணம் மேற்கொண்டுள்ளதாக மெட்ரோ ரயில் அதிகாரிகள் தெரிவித்துள்ளார்கள். சென்னையில் மெட்ரோ ரயிலின் பாதுகாப்பான பயணத்திற்காக பயணிகளின் எண்ணிக்கை அதிகமாகிகொண்டே இருக்கிறது.
கடந்த ஜூலை மாதத்தை விட ஆகஸ்ட் மாதத்தில் 8606 பயணிகள் அதிகமாக பயணித்து இருக்கிறார்கள். இந்த பயணிகளின் எண்ணிக்கையானது மெட்ரோ ரயில் சேவை தொடங்கிய தினத்தில் இருந்து இந்த நாள் வரையிலும் இதுவே முதல் முறையான அதிக அளவில் எண்ணிக்கை எனவும் தெரிவித்துள்ளனர்.
ஆகஸ்ட் மாதத்தில் மட்டும் 33,42,595 பயண அட்டையை பயன்படுத்தியும், 16,026 பேர் டோக்கன்களை பயன்படுத்தியும், 6,050 பேர் பயணச்சீட்டு முறையிலும், 40,97,858 பேர் கியூஆர் குறியீடு பயன்படுத்தியும், 20,81,096 பேர் சிங்கார சென்னை அட்டையை பயன்படுத்தியும் சென்னை மெட்ரோ ரயிலில் பயணம் செய்து இருக்கிறார்கள்
சென்னை மெட்ரோ ரயிலில் பயணிப்பவர்களுக்கு பயண அட்டைகள், கியூஆர் குறியீடு, வாட்சப் டிக்கெட் போன்ற அனைத்து வகை பயணச்சீட்டுகளுக்கும் 20% கட்டண தள்ளுபடி மெட்ரோ ரயில் நிறுவனம் வழங்குகிறது.
