ஊத்தங்கரை அருகே லாரியின் பின்புறம் கார் மோதிய விபத்தில் ஊட்டி ஃபிலிம் இன்ஸ்டியூட் புகைப்பட கலைஞர் பலி
கிருஷ்ணகிரி மாவட்டம் ஊத்தங்கரை அடுத்த அனுமன்தீர்த்தம் பகுதியில் இன்று காலை நடந்த கார் விபத்தில், ஊட்டி அடுத்த கோத்தகிரி அருகே உள்ள தாசமுனி கிராமத்தை சேர்ந்த வரத கிருஷ்ணன் (45) தலை நசுங்கி சம்பவ இடத்திலேயே பரிதாபமாக உயிரிழந்தார். இவர் ஊட்டி ஃபிலிம் இன்ஸ்டியூட் முன்னாள் புகைப்பட கலைஞர்என்று கூறப்படுகிறது
வரத கிருஷ்ணன் வேலூரில் ஒரு துக்க நிகழ்ச்சியில் கலந்துகொண்டு இன்று காலை ஊட்டி நோக்கி தனது காரில் சென்று கொண்டிருந்தார்.
அப்போது, அனுமன்தீர்த்தம் பகுதியில் பழுதாகி நின்று கொண்டிருந்த லாரி மீது தூக்கக் கலக்கத்தில் இருந்த வரத கிருஷ்ணன் ஓட்டி வந்த கார் பின் பக்கத்தில் மோதியது. இதில், தலை நசுங்கி வரத கிருஷ்ணன் சம்பவ இடத்திலேயே பரிதாபமாக உயிரிழந்தார்.
விபத்தில் கார் முற்றிலும் சேதமடைந்தது. காருக்குள் சிக்கிய வரத கிருஷ்ணனின் உடலை மீட்டு ஊத்தங்கரை அரசு மருத்துவமனைக்கு கொண்டு சென்றனர். இந்த விபத்து குறித்து ஊத்தங்கரை போலீசார் வழக்குப்பதிவு செய்து விசாரணை நடத்தி வருகின்றனர்.
