லியோ திடைப்படத்திற்கான இசை வெளியீட்டு விழா செப்டம்பர் 30ஆம் தேதி நடைபெற இருந்த நிலையில் திடீரென ரத்து செய்யப்பட்டதாக அதிகாரப்பூர்வமாக அறிவித்துள்ளது.
ஜெயிலர் படத்தின் வெற்றிக்கு பின்னர் தமிழ் சினிமாவில் அதிகளவில் எதிர்பார்க்கப்படும் திரைப்படம் என்றால் அது லியோ தான். நடிகர் விஜய் நாயகனாக நடித்துள்ள இப்படத்தில் அவருக்கு ஜோடியாக திரிஷா நடித்திருக்கிறார். லோகேஷ் கனகராஜ் இயக்கத்தில் மிகவும் பிரம்மாண்டமாக தயாராகி இருக்கும் இப்படம் வருகிற அக்டோபர் 19-ந் தேதி திரைக்கு வர உள்ளது. அனிருத் இசையமைத்துள்ள இப்படத்திற்கு மனோஜ் பரமஹம்சா தான் ஒளிப்பதிவு செய்துள்ளார்.
லியோ படத்தின் ஷூட்டிங் தொடங்கியதில் இருந்தே அப்படத்தின் அப்டேட்டுகள் அடுத்தடுத்து வந்த வண்ணம் உள்ளன. தற்போது ஷூட்டிங் முடிந்து பின்னணி பணிகள் விரைவாக நடைப்பெற்று வருகிறது. விஜய் ரசிகர்கள் பெரிதும் எதிர்பார்த்து வந்த லியோ படத்தின் ஆடியோ லாஞ்ச் சென்னை நேரு உள்விளையாட்டு அரங்கில் வரும் 30-ம் தேதி நடைபெற உள்ளதாக அறிவித்திருந்த நிலையில், நிகழ்ச்சி ரத்து செய்யப்பட்டதாக தயாரிப்பு நிறுவனம் அதிகாரப்பூர்வமாக அறிவித்துள்ளது.
இதுக்குறித்து 7th Screen Studios வெளியிட்டுள்ள டிவிட்டர் பதிவில்,
நிரம்பி வழியும் பாஸ் கோரிக்கைகள் மற்றும் பாதுகாப்புக் கட்டுப்பாடுகளைக் கருத்தில் கொண்டு, லியோ ஆடியோ வெளியீட்டை நடத்த வேண்டாம் என்று முடிவு செய்துள்ளோம். ரசிகர்களின் விருப்பத்திற்கு ஏற்ப, அடிக்கடி புதுப்பிப்புகளுடன் உங்களை ஈடுபடுத்துவோம். பி.எஸ். பலர் நினைப்பது போல், இது அரசியல் அழுத்தங்களினாலோ அல்லது வேறு காரணங்களினாலோ அல்ல என பதிவிட்டுள்ளது.
Considering overflowing passes requests & safety constraints, we have decided not to conduct the Leo Audio Launch.
In respect of the fans' wishes, we will keep you engaged with frequent updates.
P.S. As many would imagine, this is not due to political pressure or any other…
— Seven Screen Studio (@7screenstudio) September 26, 2023
