தொடர் பெட்ரோல் திருட்டில் ஈடுப்படும் 2 மர்ம நபர்கள்… சிசிடிவி காட்சிகள் அடிபடையில் போலீஸ் விசாரணை..!
சென்னை திருவல்லிக்கேணி பகுதிளில் சிலர் நள்ளிரவு நேரங்களில் ஆட்கள் நடமாட்டம் இல்லாததை உறுதி செய்து இருசக்கர வாகனத்தின் மூலம் சாலையோரம் நிறுத்தப்பட்டுள்ள வாகனங்களில் இருந்து நூதனமாக பெட்ரோல் திருடி வந்துள்ளார்கள்.
தினமும் இரவு டேங்கில் புல்லாக இருக்கும் பெட்ரோல் காலையில் காணாமல் போவதை கண்ட வாகன ஓட்டிகள் அதிர்ச்சி அடைந்தனர். தொடர்ந்து இவ்வாறு அறங்கேறி வருவதால் அப்பகுதியில் அமைந்துள்ள சிசிடிவியை ஆய்வு செய்தனர்.
அந்த சிசிடிவி காட்சியில் திருவல்லிக்கேணி பகுதியை சேர்ந்த நபர் ஒருவர் தனது வீட்டின் முன்பு நிறுத்தி வைத்திருந்த இருச்சக்கர வாகனத்தில் இருந்து நேற்று முன்தினம் 2 மர்ம நபர்கள் வந்து பெட்ரோலை திருடி செல்லும் காட்சிகளை பார்த்து அதிர்ச்சி அடைந்த அவர் அதனை சமூக வலைத்தளங்களில் வெளியிட்டுள்ளார்.
மேலும் பைக்கில் வரும் 2 மர்ம நபர்கள் திருவல்லிக்கேணி பகுதிகளில் ஒவ்வொரு தெருவாக சென்று ஆட்கள் நடமாட்டம் இல்லாத இடங்களில் நிறுத்தப்பட்டுள்ள பைக்குகளில் இருந்து பெட்ரோலை திருடி செல்லும் காட்சிகள் பதிவாகி உள்ளது.
இந்த வீடியோ பதிவுகளை வைத்து திருவல்லிக்கேணி போலீசாரிடம் புகார் அளிக்கபட்டதை தொடர்ந்து பெட்ரோல் திருடி வரும் மர்ம நபர்களை போலீசார் தேடி வருகின்றனர்.
-பவானி கார்த்திக்
