“விஜயகாந்த் ஆசியுடன் தி கோட்..” கேப்டன் இல்லத்தில் தளபதி விஜய்..!! பிரேமலதா சொன்ன வார்த்தை..?
தி கோட் திரைப்படம் இன்னும் சில நாட்களில் வெளியாக உள்ள நிலையில்.. படத்தில் மறைந்த நடிகரும், தேமுதிக தலைவருமான விஜயகாந்த் ‘ஏஐ’ மூலம் மீண்டும் கொண்டு வந்துள்ளனர்.. “நடிகரும் தவெக தலைவருமான தளபதி விஜய்” இன்று மாலை தேமுதிக பொதுச் செயலாளர் பிரேமலதாவை நேரில் சந்தித்து நன்றி தெரிவித்துள்ளார்…
கேப்டன் விஜயகாந்த் :
வெங்கட்பிரபு இயக்கத்தில், AGS தயாரிப்பில் தளபதி விஜயின் 68வது படமான “தி கிரேட்டஸ்ட் ஆஃப் ஆல் டைம்” திரைப்படம் அடுத்த மாதம் செப்டம்பர் 5-ம் தேதி திரையில் வெளியாக உள்ள நிலையில் இந்தப் படத்தில் மறைந்த நடிகரும், தேமுதிக தலைவருமான விஜயகாந்த்தை ‘ஏஐ’ தொழில்நுட்பம் மூலம் மீண்டும் கொண்டு வந்துள்ளனர்..
இந்த தகவலை அண்மையில் நடந்த ட்ரெய்லர் வெளியீட்டு விழாவில் வெங்கட் பிரபு அறிவித்திருந்தார்..
கேப்டன் இல்லத்தில் பிரபலங்கள் :
இந்நிலையில், இன்று சென்னை சாலிகிராமத்தில் உள்ள கேப்டன் இல்லத்தில் நடிகர் விஜய், இயக்குனர் வெங்கட் பிரபு மற்றும் தயாரிப்பாளர் அர்ச்சனா கல்பாத்தி, ஆகியோர் பிரேமலதா விஜயகாந்த்தை நேரில் சந்தித்து பூங்கொத்து கொடுத்து நன்றி தெரிவித்தனர்..
அதன் பின் விஜயகாந்தின் திருவுருவப்படத்திற்கு நடிகர் விஜய் மலர் தூவி மாலை அணிவித்து மரியாதை செலுத்தினார்..
பிரேமலதா வாழ்த்து :
வாழ்வில் நம்மை உயிர்த்தி விட்டவர்களை என்றும் மறக்க கூடாது என சொல்லுவார்கள்.., ஒருவரை தேடி வந்து நன்றி கூறி அவரது ஆசியை பெற நினைக்கும் “தளபதி விஜய்” இன்னும் பல பெரிய இடங்களுக்கு செல்ல வேண்டும் என வாழ்த்தியுள்ளார்.
வெங்கட் பிரபு பதிவு :
இந்த சந்திப்பு தொடர்பான புகைப்படத்தை இயக்குனர் வெங்கட் பிரபு தனது எக்ஸ் வலைத்தளம் பக்கத்தில் “விஜயகாந்த் ஆசியுடன் ‘தி கோட்” என பதிவிட்டுள்ளார்..
தற்போது அந்த புகைப்படங்கள் இணையத்தில் வைரலாக பரவி வருகிறது..
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
