தமிழ் சினிமாவில் பல வருடங்களாக இருக்கும் நடிகர் விஷால் தற்போது ஒரு ஹிட் கொடுப்பதற்கு தடுமாறி வரும் நிலையில், ஒரு நிகழ்வில் விருதுகளை பற்றி கேட்கப்பட்ட கேள்விக்கு மழுப்பலாக பதிலளித்துள்ளது வைரலாகி வருகிறது.
தமிழ் சினிமாவின் ஆக்சன் ஹீரோவான நடிகர் விஷால் சில வருடங்களாக ஒரு வெற்றிக்கு ஏங்கிவருகிறார். அவர் நடித்து வெளிவரும் படங்கள் அனைத்தும் தோல்வியடைந்து வருகிறது. அந்த வகையில் சண்டைக்கோழி 2, ஆக்சன், அயோக்கியா, எனிமி, வீரமே வாகை சூடும், சக்ரா போன்ற படங்களின் தோல்வியை தொடர்ந்து இப்போது லத்தி படமும் தோல்வியடைந்துள்ளது. அதிலும் லத்தி படம் மிக பெரிய தோல்வி நோக்கி சென்று கொண்டிருக்கும் நிலையில், ஒரு ஊடகத்திற்கு விஷால் பேட்டியளித்தார். அதில் அவரிடம் விருதுகளை பற்றி கேட்கப்பட்ட கேள்விக்கு விருதுகள் மீது தனக்கு நம்பிக்கை இல்லை என்று கூறியுள்ளார்.
மேலும் அவர் கூறுகியில், ஏதோ நான்கு பேர் ஒரு படத்தை பார்த்துவிட்டு அதற்கு விருதுகள் கொடுப்பதில் எனக்கு உடன்பாடு இல்லை என்றும், தன்னுடைய படங்கள் வெளியாகும் நேரத்தில் திரையரங்குகளுக்கு சென்று அங்கு ரசிகர்கள் எந்த காட்சிக்கெல்லாம் உற்சாகம் ஆகிறார்கள் மற்றும் எந்த காட்சிகளில் சோர்ந்து போகிறார்கள் ன்பது கவனிப்பதாகவும் மேலும் தனது அடுத்த படத்தில் அந்த தவறுகளை திருத்தி கொள்ள முயல்வேன் என்றும் பேசியுள்ளார். இவரின் இந்த பதிலை தொடர்ந்து ரசிகர்கள் பலரும் தங்களது கருத்துக்களை பகிர்ந்து வருகின்றனர்.
