உலகநாயகன் என அழைக்கவேண்டும்..!! இனி அவரை..? ரோபோ ஷங்கர் பதிவு..!!
நடிகர் அஜித்குமாரை அவரது ரசிகர்கள் தலயென குறிப்பிட்டு கொண்டாடி வருகின்றனர். தீனா படத்திற்கு பிறகு அவருக்கு இந்த அடைமொழியை வைத்து கூப்பிட தொடங்கினர். இதற்கிடையே கடந்த 2021 ஆம் ஆண்டு என்னை தலயென அழைக்க வேண்டாம் என ஊடகங்கள் மற்றும் ரசிகர்களுக்கு நடிகர் அஜித்குமார் வேண்டுகோள் விடுத்து அறிக்கை வெளியிட்டார்.
அஜித், அஜித்குமார் அல்லது தனது பெயரின் சுருக்கமான AK என்று அழைத்தால் போதும் எனவும் குறிப்பிட்டு இருந்தார். தங்களுக்கு சூட்டிய அடைமொழியை மற்ற நடிகர்கள் பெருமையாக கருதும் நிலையில் அஜித்தின் இந்த முடிவு அப்போது பரபரப்பாக பேசப்பட்டது. இந்த நிலையில் நடிகரும் மக்கள் நீதி மையம் கட்சி தலைவருமான கமல்ஹாசனூம் இதே பானியை தற்போது கையில் எடுத்துள்ளார்.
அதாவது அவரும் தன்னை உலக நாயகன் என அழைக்க வேண்டாம் என்றும் கமல் கமல்ஹாசன் KH என்று குறிப்பிடுங்கள் என ரசிகர்கள் மற்றும் அவரது கட்சியினருக்கு அறிவுறுத்தியுள்ளார். இது தொடர்பாக அவர் வெளியிட்ட அறிக்கையில், என் மீது கொண்ட அன்பினால் உலகநாயகன் உட்பட பல பெரிய ததும்பும் பட்டங்களால் என்னை அழைக்கிறீர்கள். இதனால் மகிழ்ந்திருக்கிறேன்.
நிறைய யோசனைக்குப் பிறகு மேலே குறிப்பிட்டது போன்று பட்டங்களின் அடைமொழிகளை துரப்பது என்ற முடிவுக்கு வந்துள்ளேன். எனவே ரசிகர்கள் ஊடக நண்பர்கள் திரைத்துறை சார்ந்தவர்கள் கட்சி தொண்டர்கள் சக இந்தியர்கள் என்னை கமல்ஹாசன் என்றோ கமல் என்றோ குறிப்பிட்டால் போதுமானது என கேட்டுக்கொள்கிறேன் இவ்வாறு அதில் குறிப்பிட்டுள்ளார்…
இந்நிலையில் தமிழ் சினிமாவின் காமெடி நடிகர் ரோபோ ஷங்கர்., கமலஹாசன் அவர்களை உலகநாயகன் என்ற சிறிய கூண்டிற்குள் அடக்க வேண்டாம்.. இனி மேல் அவர் “விண்வெளி நாயகன்” என அவர் குறிப்பிட்டுள்ளார்..
