தனுஷ் பட நடிகர் திடீர் மரணம்..! சடங்குகள் செய்த இசையமைப்பாளர் டி.இமான்..!
2009 ஆண்டு தனுஷின் படிக்காதவன் படத்தில், தனுஷின் தங்கைக்கு பெண் பார்க்கும் மாப்பிள்ளையாக வருபவர் “பிரபு” 100க்கும் மேற்பட்ட படங்களின் சைடு கதாபாத்திரங்களில் நடித்துள்ளார். பல படங்களில் நடிக்க வாய்ப்பு கிடைத்தும், படத்தில் சம்பாதித்த பணங்களை வைத்து சக நண்பர்களுடன் சேர்ந்து குடிப்பது, புகைபிடிப்பது , போன்ற போதை பொருள்களுக்கு அடிமையாகி இருக்கிறார்.
நாளடைவில் இந்த பழக்கம் புற்றுநோயை ஏற்படுத்தியுள்ளது. புற்றுநோயில் தவித்த பொழுது பணம் இல்லாமல் தவித்துள்ளார். உடன் இருந்த நண்பர்களும் உதவாமல் விட்டு சென்று இருக்கின்றனர். பின் கோயம்பேடு பேருந்து நிலையத்தில் வந்து தங்கியிருக்கிறார்.
பல பிரபலங்கள் நண்பர்காளாக இருந்தும் இவர் யாரிடமும் உதவி கேட்டு செல்லவில்லை, உடல் மெலிந்து காணப்பட்ட பிரபுவை, பழனி என்ற நபர் அடையாளம் கண்டு 3 வேளையும் உணவு கொடுத்து பார்த்து வந்துள்ளார். இவரின் நிலை குறித்து இசையமைப்பாளர் இமான் அவருக்கு தகவல் கொடுக்கப்பட்டது.
பின் அவரை மருத்துவமனைக்கு கொண்டு சென்று சிகிச்சைக்கான முழு உதவியையும் செய்து வந்துள்ளார். அவரின் முழு மருத்துவ செலவையும் இமான் அவர்களே ஏற்று கொண்டுள்ளார்.. இருப்பினும் நேற்று சிகிச்சை பலனின்றி உயிர் இழந்துள்ளார்.
மருத்துவ செலவிற்கு உதவியது மட்டுமின்றி பிரபுவிற்கு யாரும் இல்லாததால் தாமே முன் வந்து அனைத்து சடங்குகளையும் செய்து.., பிரபுவின் உடலை தகனம் செய்துள்ளார்.
இவரின் இந்த செயல் ரசிகர்களிடையே பெரும் பாராட்டை பெற்று வருகிறது.
