தவெக அதிமுக கூட்டணி..!! புஸ்ஸி ஆனந்த் முற்றுப்புள்ளி…!!
அதிமுகவுடன் தமிழக வெற்றிக் கழகம் கூட்டணி அமைக்க இருப்பதாக பரவும் செய்திகள் வதந்தி என்றும் அடிப்படை ஆதாரமற்றது என்றும் அக்கட்சியின் பொதுச் செயலாளர் புஸ்ஸி ஆனந்த் தெரிவித்துள்ளார்.
தமிழக வெற்றிக் கழகத்தின் மாநாட்டில் அக்கட்சி தலைவர் விஜய் கூட்டணிக்கு அழைப்பு விடுத்து பேசியிருந்தார். அதனை அடுத்து அக்கட்சியுடன் அதிமுக கூட்டணி அமைக்க உள்ளதாக சில தகவல்கள் வெளியானது.
இது தொடர்பாக தமிழக வெற்றிக் கழகத்தின் பொதுச் செயலாளர் என்.ஆனந்த் வெளியிட்டுள்ள அறிக்கையில், “தமிழக வெற்றிக் கழகத்தின் கொள்கைகள் குறித்தும், அரசியலில் யாரை எதிர்த்து போட்டியிடுவார் மற்றும் தேர்தல் நிலைப்பாடு குறித்த முடிவுகளை தலைவர் விஜய் அறிவுரைப்படி வருகின்ற 2026ஆம் ஆண்டில் நடைபெற உள்ள சட்டமன்றத் தேர்தலில் வெற்றிபெற்று ஆட்சி அமைப்பதற்கான வியூகங்களையும் வகுத்து தேர்தலைச் சந்திக்கத் தயாராக இருப்பதாக அவர் கூறியுள்ளார்.
மக்கள் மத்தியில் தங்கள் மீது மடைமாற்றம் செய்யும் உள்நோக்கத்தோடு அஇஅதிமுக நாளிதழ் ஒன்றில் உண்மைக்கு புறம்பான கருத்துக்களை பதிவிடுவதாகவும், தமிழக வெற்றிக் கழகத்துடன் கூட்டணி என்று பரவும் செய்திகள் வதந்தி என்றும் அடிப்படை ஆதாரமற்றது என்றும் தலைவர் விஜய் அவர்களின் இந்த அரசியல் பாதை மக்களின் நலனுக்கானது என்றும் அக்கட்சியின் பொதுச் செயலாளர் புஸ்ஸி ஆனந்த் தெரிவித்துள்ளார்.
இந்நிலையில் தவெக கொடி கம்பங்களை நீக்க வேண்டும் என்று சில தரப்பில் இருந்து கண்டனம் வருவதாகவும் அவர் குறிப்பிட்டுள்ளார்..
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
