ஆசிய வீரர்களுக்கு அடித்துள்ள ஜாக்பாட்..!! பரிசு தொகை மட்டும் எவ்வளவு தெரியுமா..?
ஆசிய விளையாட்டின் ஆக்கி போட்டியில் பதக்கம் வென்ற வீரர்கள் மற்றும் வீராங்கனைகளுக்கு இந்திய ஆக்கி கூட்டமைப்பு பரிசுத்தொகை அறிவித்துள்ளது.
19-வது ஆசிய விளையாட்டு போட்டி கடந்த மாதம் 23- ஆம் தேதி சீனாவின் ஹாங்சோவ் நகரில் தொடங்கியது. 45 நாடுகளை சேர்ந்த 12 ஆயிரத்து 407 வீரர், வீராங்கனைகள் 40 வகையான போட்டிகளில் பங்கேற்றனர்.
இந்தியா சார்பில் 661 வீரர்கள் கலந்துகொண்ட இப்போட்டியானது 15 நாட்களாக நடைபெற்ற நிலையில் நேற்று நிறைவடைந்தது.
இதில் பதக்கப்பட்டியலில் முதல்முறையாக 100-ஐ தாண்டி சரித்திரம் படைத்த இந்தியா 28 தங்கம், 38 வெள்ளி, 41 வெண்கலம் என்று மொத்தம் 107 பதக்கங்களுடன் 4-வது இடம் பிடித்தது
இதில் ஆக்கி போட்டியில் இந்தியா, ஆண்கள் பிரிவில் தங்கப்பதக்கம் மற்றும் பெண்கள் பிரிவில் வெண்கல பதக்கம் வென்று அசத்தியது.
இதையடுத்தும் ஆசிய விளையாட்டுப் போட்டிகளில் பங்கேற்ற இந்திய வீரர், வீராங்கனைகளுக்கு பிரதமர் மோடி, முதலமைச்சர் மு.க.ஸ்டாலின் உள்ளிட்டோர் வாழ்த்து தெரிவித்தனர்.
இந்நிலையில் இந்திய ஆக்கி கூட்டமைப்பு பதக்கம் வென்ற வீரர்கள் மற்றும் வீராங்கனைகளுக்கு பரிசுத்தொகை அறிவித்துள்ளது.
அதன்படி தங்கப்பதக்கம் வென்ற இந்திய ஆண்கள் அணியின் ஒவ்வொரு வீரருக்கும் தலா 5 லட்சமும், ஊழியர்களுக்கு தலா 2 புள்ளி 50 லட்சமும் பரிசுத் தொகையாக அறிவித்துள்ளது.
மேலும் வெண்கல பதக்கம் வென்ற இந்திய பெண்கள் அணியின் ஒவ்வொரு வீராங்கனைக்கும் தலா 3 லட்சமும், ஊழியர்களுக்கு தலா 1 புள்ளி 50 லட்சமும் பரிசுத்தொகையாக அறிவித்துள்ளது.
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
