நண்பர்களுடன் கடலுக்கு சென்ற ஆட்டோ ஓட்டுநர்.. கடலில் மூழ்கிய சோகம்..
சென்னை காசிமேடு மீன்பிடி துறைமுகம் அருகே அடையாளம் தெரியாத ஆண் சடலம் கடலில் மிதந்து கொண்டிருப்பதாக போலீசார்க்கு அப்பகுதி பொதுமக்கள் தகவல் அளித்தனர்.
தகவலின் அடிப்படையில் சம்பவ இடத்திற்கு விரைந்து சென்ற போலீசார் சடலத்தை மீட்டு அரசு ஸ்டான்லி மருத்துவமனைக்கு பிரேத பரிசோதனைக்கு அனுப்பி வைத்த போலீசார் இறந்தவர் யார் என்பதை குறித்து விசாரணை நடத்தினர்.
அப்போது புதுவண்ணாரப்பேட்டை ஜீவா நகர் மெயின் தெருவை சேர்ந்த சத்தியநாதன் (42) என்பது தெரியவந்தது. மேலும் மது போதையில் தனது நண்பர்களுடன் சத்தியநாதன் கடலில் குளிக்க சென்றுள்ளார். அந்த நேரத்தில் எதிர்பாரத விதமாக கடல் அலையில் மூழ்கி உயிரிழந்தது தெரிய வந்தது.
இதனை தொடர்ந்து இச்சம்பவம் குறித்து காசிமேடு மீன்பிடி துறைமுகம் போலீசார் வழக்குப்பதிவு செய்து தொடர் விசாரணை நடத்தி வருகின்றனர். இச்சம்பவம் அப்பகுதியில் பெரும் பரபரப்பை ஏற்படுத்தி வருகிறது.
-பவானி கார்த்திக்
