பிக் பாஸ் சீசன் 7-ல் பங்கேற்கப் போகும் போட்டியாளர்கள் யார் யார் என்பது குறித்த விபரம் தற்போது வெளிவந்துள்ளது.
ரியாலிட்டி ஷோக்களில் பிரபலமாக பிக்பாஸ் நிகழ்ச்சி இருந்து வருகிறது. வெளிநாடுகளிலும், இந்திய மொழிகளில் இந்த மாடல் நிகழ்ச்சிகள் மிகப்பெரும் வரவேற்பை பெற்ற நிலையில், தமிழிலும் 6 சீசன்களாக இந்த நிகழ்ச்சி ரசிகர்களின் ஆதரவை பெற்றுள்ளது. இந்த நிகழ்ச்சியை உலக நாயகன் கமல் தொகுத்து வழங்கி வருகிறார். வரவிருக்கும் 7 ஆவது சீசனையும் அவர்தான் தொகுத்து வழங்குவார் என அறிவிக்கப்பட்டு புரொமோக்கள் வெளிவந்துள்ளன. நிகழ்ச்சியில் பங்கேற்கப் போகும் போட்டியாளர்கள் யார் என்கிற விபரம் அதிகாரப்பூர்வமாக அறிவிக்கப்படாத நிலையில் அதுகுறித்த தகவல்கள் தற்போது வெளிவரத் தொடங்கியுள்ளன.
சீசன் 6 இல் இடம்பெற்றிருந்த ரச்சிதா மகாலட்சுமியின் கணவர் தினேஷ் கோபாலசாமி சீசன் 7-ல் இணைவார் என்று தகவல்கள் தெரிவிக்கின்றன. பிரபல தொலைக்காட்சி செய்தி வாசிப்பாளர் ஒருவர் நிகழ்ச்சியில் பங்கேற்கிறார் என்றும் கூறப்படுகிறது. இதேபோன்று பிரபல நடிகை ரேகா நாயர், நடிகர் பப்லூ பிரித்விராஜ் ஆகியோரும் சீசன் 7 இல் இடம்பெற்றுள்ளதாக தகவல்கள் தெரிவிக்கின்றன. பிக்பாஸ் சீசன்7 எப்போது ஆரம்பிக்கும் என்கிற விபரத்தை ஸ்டார் விஜய் மற்றும் டிஸ்னி + ஹாட்ஸ்டார் இன்னும் அறிவிக்கவில்லை. இருப்பினும், அக்டோபர் மாதம் 2 ஆவது வாரத்தில் நிகழ்ச்சி ஒளிபரப்பாகலாம் என்று தகவல்கள் கூறுகின்றன.
ADVERTISEMENT
தமிழ்நாடு, இந்தியா, உலகம், சினிமா, விளையாட்டு, செய்திகளை உடனுக்குடன் தெரிந்துகொள்ள Madhimugam டெலிகிராம் சேனலுடன் எப்போதும் இணைந்திருங்கள்.
