ஆட்டோ மீது கார் மோதி விபத்து – ஒருவர் பலி..
திருப்பத்தூர் மாவட்டம் ஆம்பூர் அடுத்த விண்ணமங்கலம் பகுதியை சேர்ந்த குப்பம்மாள் (65) மற்றும் அவரது உறவினர்கள் கோகுல், ஆட்டோ ஓட்டுனர் தினேஷ் உள்ளிட்ட ஐந்து பேர் அணைக்கட்டு பகுதியில் நடைபெற்ற கோயில் நிகழ்ச்சிக்காக சென்று ஆட்டோவில் வீடு திரும்பிய போது ஆம்பூர் அடுத்த ஆலாங்குப்பம் சென்னை பெங்களூர் தேசிய நெடுஞ்சாலையில் முன்னால் சென்று கொண்டிருந்தனர்.
அப்போது ஆட்டோ மீது பின்னால் பெங்களூர் ஸ்ரீராம்புரம் பகுதியை சேர்ந்த சுமன்குமார் (31) என்பவர் அவரது மனைவி தாய் குழந்தைகள் என ஐந்து பேருடன் காரில் பெங்களூரில் இருந்து காஞ்சிபுரம் கோயிலுக்கு சென்று வீடு திரும்பியபோது ஆட்டோ மீது கார் மோதி விபத்துக்குள்ளானது.
குப்பம்மாள், தினேஷ் ,கோகுல் ஆகிய மூன்று பேர் படுகாயமடைந்து 108 ஆம்புலன்ஸ் மூலம் ஆம்பூர் அரசு மருத்துவமனையில் சிகிச்சைக்காக அனுமதிக்கப்பட்டனர்.
இதில் உயிருக்கு ஆபத்தான நிலையில் இருந்த குப்பம்மாள் மருத்துவமனையில் அனுமதிக்கப்பட்டு சிகிச்சை பெற்று வந்த சில மணி நேரத்திலேயே சிகிச்சை பலனின்றி உயிரிழந்தார்.
இதுகுறித்து தகவல் அறிந்து வந்த ஆம்பூர் கிராமிய போலீசார் வழக்கு பதிவு செய்து விபத்து குறித்து விசாரணை மேற்கொண்டு வருகின்றனர்.
-பவானி கார்த்திக்
